Силлой мотт
| Силлой мотт | |
|---|---|
 | |
| Ший цӀи | 한국어, 조선말 |
| Паччахьалкхенаш | КНДР, Силлой Республика, КНР, Японехье, США, Канада, Эрсече |
| Керттера статус |
Паччахьалкхен мотт |
| Урхалду организаци |
КНДРе — Социальни Ӏилмай академен Меттай тохкамий институт (КНДР Ӏилмай академи) Силлой Республике — Силлой метта къаман институт |
| Мотт лебечара дукхал | 78 млн. |
| Рейтинг | 15 |
| Статус | кхерам тӀалатташ бац |
| Классификаци | |
| ОагӀат | Евразен метташ |
| Йоазув | хангыль, ханча |
| Меттай кодаш | |
| ГОСТ 7.75–97 | коо 330 |
| ISO 639-1 | ko |
| ISO 639-2 | kor |
| ISO 639-3 | kor |
| WALS | kor |
| Ethnologue | kor |
| Linguasphere | 45-AAA-a , 45-A |
| ABS ASCL | 7301 |
| IETF | ko |
| Glottolog | kore1280 |
 РУВИКИ укх меттала | |
Силло́й мотт (эрс: корейский язык; ший цӀи — (КНДР-е: 조선말/朝鮮말 чосонмаль, Силлой Республике: 한국어/韓國語 хангуго) — силлой къаман мотти, Силлой ахгӀайрен тӀа ядача шаккхе а паччахьалкхен (Къулбаседа Силлойчени, ЗӀилбухерча Силлойчени мотти ба. Мотт баьржа ба Ченкехьа, Японехьа, США, Эрсече, Юкъерча Азе. Силлой меттала къамаьл дераш — 78 млн хиллал саг ва.
Тархьар
ХӀанзарча Ӏилманхоша хӀанзара силлой мотт дӀакъаьстта́ча метташта юкъе кхухь[1], цхьабакъда цхьаболча Ӏилманхоша алтая меттай дезале юкъе лоархӀ из[2]. Дравидий метташца а, японхой меттаца а гаргало йолаш ба аьнна баь а соцам ба.
Къовсам латтача хаттарашта юкъе да хӀанзарча силлой метта юкъе кхаь силлой паччахьалкхен метташ дахар — Пэкче, Силла, Когурё, коккхе мотт шоайла башхало йолаш ба грамматике а, лексике а. Тарахилара тӀехьарча метте латт Когурё паччахьалкхен мотт, дукхача Ӏилманхоша японхой меттаца бувзаш бола. ДукхагӀа гаргагӀа лоархӀар ба Силла яхача паччахьалкхен мотт.
Эггара хьалха цу метташта юкъера гаргало зийнар хиннав Огура Симпэй. ХӀанзарча Малхбузерча лингвистике Пуё яхача паччахьахьалкхен цӀерагӀа хьаяьча Пуё меттай тоабанна юкъе долх силлойи, японхойи метташ .
Къулбаседа Силлойчен литературни силлой метта ларде пгӀёньяна диалект улл, ЗӀилбухерча Силлойчен литературни метта ларде сеула диалект улл. Цул совгӀа иштта диалекташ йолаш да хӀара Силлой гӀайрен дакъа: хамгёна диалект, юкчина диалект, чеджу диалект, диаспораш а я диалекташ йолаш: советий силлой диалект, зайничий диалект, ченкий силлой диалект.
Метта цӀи
1945-ча шерага кхаччалца чосонмаль (сил. 조선말?, 朝鮮말?) е чосоно (сил. 조선어?, 朝鮮語?) яха цӀи хиннай силлой метта; Къулбаседа Силлойче из цӀи хӀанз а лелаю. ЗӀилбухерча Силлойче тӀаийца цӀераш я хангуго (сил. 한국어?, 韓國語?),хангунмаль (сил. 한국말?, 韓國말?); е лоацца цӀи йоаккх куго (сил. 국어?, 國語?, «Паччахьалкхен мотт») аьле. Шин метташкахьа йоаккхаш я къамаьл деча хана урималь (우리말, «вай мотт») яха цӀи.
Йоазув
Къамаьл дӀаяздеча хана леладу фонетически йоазув да хангыль, из оттадаь ха лоархӀ XV бӀаьшу. Йоазув бувзам болаш да ханча яхача ченкий иероглифашца. Къулбаседа Силлойче духхьал хангыль леладу, ЗӀилбухерча Силлойче — хангыль а, ханча а. 1930-ча шерашка СССР-е Силлой мотт латиний ларда тӀа боаккхаш кампани дӀайихьа хиннай. Латиний ларда тӀа латта алапат чӀоагӀдаьд 1935-ча шера, цхьабакъда йоазонна юкъе леладаь дац[3][4].
XV бӀаьшерагара доладенна XX бӀаьшерага кхаччалца Силлой мехка ийнна йоазув хиннад. Из тара хиннад хӀанзарча японхой йоазонна. Деша овлаш дӀаяздеш хиннад ханче йоазонца, хӀаьта хувцалуш дола деша дакъа — хангыль йоазон новкъосталца.
Белгалдаккхар
- ↑ Song, Jae Jung (2005) «The Korean language: structure, use and context» Routledge, p. 15
Lyle Campbell & Mauricio Mixco. 2007. A Glossary of Historical Linguistics. University of Utah Press. («Korean, A language isolate», pg. 90; «Korean is often said to belong with the Altaic hypothesis, often also with Japanese, though this is not widely supported», pp. 90-91; «…most specialists…no longer believe that the…Altaic groups…are related», pg. 7)
David Dalby. 1999/2000. The Linguasphere Register of the World’s Languages and Speech Communities. Linguasphere Press.
Nam-Kil Kim. 1992. «Korean», International Encyclopedia of Linguistics. Volume 2, pp. 282—286. («…scholars have tried to establish genetic relationships between Korean and other languages and major language families, but with little success», pg. 282)
András Róna-Tas. 1998. «The Reconstruction of Proto-Turkic and the Genetic Question», The Turkic Languages. Routledge. Pp. 67-80. («[Ramstedt’s comparisons of Korean and Altaic] have been heavily criticised in more recent studies, though the idea of a genetic relationship has not been totally abandoned», pg. 77.)
Claus Schönig. 2003. «Turko-Mongolic Relations», The Mongolic Languages. Routledge. Pp. 403—419. («…the 'Altaic' languages do not seem to share a common basic vocabulary of the type normally present in cases of genetic relationship», pg. 403) - ↑ Stratification in the peopling of China: how far does the linguistic evidence match genetics and archaeology? In; Sanchez-Mazas, Blench, Ross, Lin & Pejros eds. Human migrations in continental East Asia and Taiwan: genetic, linguistic and archaeological evidence. 2008. Taylor & Francis
- ↑ Советское языкознание, т.1. Л., 1935
- ↑ Ким Герман. Рассказы о родном языке. Рассказ 4. Неудавшаяся революция в корейской письменности.
Литература
- Большой корейско-русский словарь : Около 150 000 слов = 조로대사전 : в 2 т. / Акад. общ. наук КНДР, Ин-т языкознания ; Акад. наук СССР, Ин-т востоковедения ; Под ред. Л. Б. Никольского и Цой Ден Ху. — М. : Русский язык, 1976. — Т. 1 : ㄱ [Киык] — ㅅ [Сиыт]. — 1976. — 811 с. ; Т. 2 : ㅈ [Чиыт] — ㅞ [Ве]. — 1976. — 671 с.
- Дмитриева, В. Н. Корейский язык: Практический курс / В. Н. Дмитриева. — М. : МГИМО (У) МИД России, 2008. — 254 с. — 300 экз. — ISBN 978-5-9228-0332-8. (обл.)