Сластенин, Владимир Владимирович
Сластенин Владимир Владимирович — паччахьалкхен болхло, политик, ГӀалгӀай Республика Доалчен тхьамада ва 2020 шера тушола бетта 26 дийнахьа денз.
Биографи
Ваьв 1959 шера ардара бетта 25 дийнахьа Куйбышеве, Куйбышева областе. 1984 шера Куйбышев пхьен комсомола Октябрьски шахьара комитета отдела заведующий эттав, тӀехьагӀа цу комитета хьалхара секретарь а хиннав. 1986 шера денз Куйбышевски обкома хьалхара секретарь волаш болх баьб.
1991 шера наджгоанцхой бетта 5 дийнахьа денз 1997 шерага кхаччалца Волго-Камски коммерчески банка филиала урхалдер хиннав. Из Волго-Камски коммерчески банк 1997 шера КБ «Газбанк» яхачунца хоттаенначул тӀехьагӀа Сластенин керда офиса да́ хиннав. 2015 шера Самара пхьен Финансийи экономикаца дегӀаяреи Департамента да́ хиннав. 2016 шера денз Самара пхьен вице-мэр волаш болх баьб.
2019 шера ГӀалгӀай Республика Доалче болх бе волавеннав, юххьанца вице-премьера дарже а волаш[1].
2020 шера наджгоанцхой бетта 27 дийнахьа денз тушола бетта 26 денга кхаччалца ГӀалгӀай Республика Доалчен тхьамада декхараш кхоачашдеш хиннав, дӀахо, цу дийнахьа денз ГӀалгӀай Республика Доалчен тхьамада ва[2].
СовгӀаташ
- Мейдилг «За заслуги перед Отечеством» II дарже (2023 шера лайчилла бетта 23 дийнахьа)[3].
Белгалдаккхар
- ↑ Комсомол и банки: чем известен новый первый вице-премьер Ингушетии Архивная копия от 22 апреля 2021 на Wayback Machine / РБК (неопр.).
- ↑ Правительство Ингушетии возглавил Владимир Сластенин. Дата обращения: 29 апреля 2021. Архивировано 22 апреля 2021 года. (неопр.).
- ↑ Указ Президента Российской Федерации от 23.11.2023 № 895 "О награждении государственными наградами Российской Федерации". Официальный интернет-портал правовой информации (23 ноября 2023). Дата обращения: 23 ноября 2023. (неопр.).