Сосаркъанаькъан Хьажбийкара Аьсет

Сосаркъанаькъан Хьажбийкара Аьсет
эрс: Сусаркиева Эсет Хажбикаровна
Ваь таьрахь	10 саькура 1973(1973-02-10)
Ваь моттиг	СоагIапче
Венна таьрахь	6 аьтинга 2024(2024-06-06) (51 шу)
БӀорахол	СССР →  Россе Федераци
Леладу гӀулакх	йоазонхо, драматург

Со́саркъанаькъан Хьажби́йкара Аьсет (эрс: Сусаркиева Эсет Хажбикаровна) — йоазонхо, культуран болхло, Байсаранаькъан Идриса цӀерагӀа йолча драма театра актриса я.

Биографи

Сосаркъанаькъан Аьсет яьй 1973-ча шера МагӀалбика шахьаре, СоагӀапче. Пхи шу даьлча цу юртарча № 19 йолча ишколе деша яхай из, 1989-ча шера из Л. Н. Толстой цӀерагӀа йолча Ночх-ГӀалгӀай паччахьалкхен университета филологе факультета актёрий отделене деша эттай. Университет чакхъяьккхар 1993-ча шера. Цул тӀехьагӀа Байсаранаькъан Идриса цӀерагӀча паччахьалкхен драма театре балха яхай Аьсет, литературни даькъе кулгалхо а актриса а йолаш.

1997-ча шера вӀашагӀъеллача «Зокх» яхача театральни юкъарченна юкъе актрисай а администратора а болх барал совгӀа цо пьесаш, кӀоанолгаш яздаьд. Царех я «Морхашта тӀехьашкара малх», «Марша я хьо, ПӀаьтамат» яха пьесаш, «Сихденна маьрел» яха комеди а. Иштта байташ язъе а карагӀдаьннад цунна. Цун кхоллама болх каст-каста кепаетташ арабийнаб газеташ тӀа, журналаш тӀа.1998-ча шера дикагӀа йола актриса я аьнна, белгал а яьккха, преми еннай цунна. 2002-ча шера «Дошо къоалам» яхача къонача йоазонхой яхье лауреат а хиннай цох. 2001-2002-ча шерашка цо болх баьб М. Ермоловой цӀерагӀа йолча Московски паччахьалкхен театре. Къулбаседа Кавказа паччахьалкхен университета филиала директора когаметтаоттар йолаш къахьийгар цо, цул совгӀа из хьехаш хиннай ГӀалгӀай паччахьалкхен исбахьален колледже. Культуран министерстве говзанча йолаш а, болх беш хиннай из. Цул тӀехьагӀа гӀалгӀай паччахьалкхен филармоне директорал болх бир цо. Экажкъонгий-юрта Аьсета хьайийла я берашта лаьрхӀа Сийг яха театра кружок. ТӀехьарча шерашка Магасерча ЦКР Театра и кино студе кулгалхо хиннай из.

Ловздаь амалаш

Да́къа лаьца спектаклаш:
• Каси, «Марша я хьо, ПӀаьтӀамат», Сосаркъаьнкъан А.
• Йоккха саг, «Народ бессмертен», Хамхой В.
• Довли, «Боадонгара», Байсаранаькъан И.
• Ануш, «Ханума», Цагарели А.
• Хьаьша, «Божья гостья», Ведажанаькъан А.
• Фаржет, «Бунт невесток», Ахмад. С.
• Муънат, «Асхаб Бендер», Чахкенаькън С.
• Йоккха саг, «Чудо праздник», Сосаркъанаькъан А.
• Чулаттар, «Кровавая свадьба», Лорка Г.

Белгалдаккхар

Литература

• Евлоева А.М., Мартазанова Х. М. ХӀанзара гӀалгӀай литература / Сост. проф. И. А. Дахкильгов. — Нальчик : Республиканский полиграфкомбинат им. Революции 1905 г., 2011. — 423 с.

ТӀатовжамаш

• Харсиева Л. Эсет Сусаркиева: «Настоящее богатство — человеческое достоинство»  (эрс.). газета «Ингушетия». Хоам хьаийца таьрахь: 7.06.2024.