Страбон
| Страбон |
|---|
Страбо́н (ш.-ян. Στράβων; 64/63 шерашка вай з. хь. — 23/24 шерашка вай з. хь.) — антични тархьархо а географ а ва Рума Янехье. «История» яхаш (бисса боаца) болх язбаьр а, беррига бисаб аллал бола 17 кинижках латташ бола «География» яха болх язбаьр а. Из тӀеххьарбар толашагӀа бола бух санна лелабу ширача дунен географи тохкача хана.
Биографи
Страбон Амасья яхача ваьв, понтийски царий резиденце; цун фусам Митридат VI яхачунна гонахьа гаргагӀа болчарех хиннаб. Цу паччахьа волча бӀунбаьчча хиннав Страбона даь-да, вож гаргара саг цӀув а волаш хиннав Коммагене. Цхьабакъда, Страбона наьн-да, ший чӀир леха догдоагӀаш, румхой оагӀорахьа ваьннав, ца́рий 15 гӀапков а дӀаденнад. Ше Страбон, цун румхой цӀерага хьажжа, румера бӀорахол долаш хиннав. Гней Помпей яхачо денна хиннад из цун дезала́.