ТIонганаькъан Товсолта Роза

ТIонганаькъан Товсултана Роза
эрс: Тангиева Роза Товсултановна
Яь таьрахь	24 тов 1960(1960-09-24) (65 шу)
Яь моттиг	Шолжа-ГӀала Нохч-ГӀалгӀай АССР
БӀорахол	Россе Федераци
Леладу гӀулакх	кӀувсаш ду говзанча

ТIонганаькъан Товсултана Роза (эрс: Тангиева Роза Товсултановна; 24 тов 1960, Шолжа-ГӀала) — кӀувсаш ду говзанча, ГӀалгӀай Мехка дукха дика хӀамаш карагӀдаьнна исбахьален болхло.

Биографи

ТӀонганаькъан Товсолта Роза яьй Нохч-ГӀалгӀай АССР Шолжа-ГӀалий тӀа 1960-ча шера тов бетта 24-ча дийнахьа. 1976-ча шера из балха эттай арахецара текстильно-галантерейни юкъарчен кӀувсаш хьадеча цехе Ӏомаяла. 1977-ча шера из 3-ча разрядах кӀувсаш деча говзанча дарже яьккхай, ши шу даьнначул тӀехьагӀа юкъарчен исбахьален гулама юкъе дӀачуийцай. 1982-ча шера цунна 6-гӀа (лакхера) разряд еннай. 1985-ча шера из 6-ча разряда кӀувсаш деча говзанчий къаьстта йола хӀамаш хьаеча цехе дӀачуяьккхай.

Гойтамаш

1982-ча шера — Лейпциге хинна къамашта юкъера ярмарка, цига цунна лакха совгӀат деннад — «Мозаика» яхача кӀувсаш дошо майдилг; 1985-ча шера — Шолжа-ГӀалий тӀа хинна къаман кхоллама республикан гойтам; 1989-ча шера — «Дамаск-89» къамашта юкъера ярмарка; Москве ВДНХ дӀабихьа гойтам 1999-ча шера — ГӀалгӀай Мехка Паччахьалкхен хьокхаш долча исбахьален музее ший гойтам;

2005-ча шера — Москве дӀайихьача «Созвездие дружбы» яхача фестивала гойтам; ГӀалгӀай Мехка Паччахьалкхен хьокхаш долча исбахьален музее «ТӀема коталон 60 шу дузаш» яха гойтам; Майкопе дӀайихьа Малхбоален Паччахьалкхен музея Къулбаседа Кавказа филиале хинна «ГӀалгӀай суртанчий хӀанзара исбахьале» яха гойтам;

2006-ча шера — ГӀалгӀай паччахьалкхен университете дӀабихьа цун кхоллама хетабаь гойтам;

2010-ча шера — «Мир Кавказу» фестивала юкъе Тана-тӀарча-Ростове дӀабихьа гойтам;

2011-ча шера — Астрахане хинна «Говзанчий пхье» яха гойтам;

2012 год — Мадриде дӀабихьаа «Ассамблеи ремесел» яха гойтам; Москве РФ Паччахьалкхен Думе ГӀалгӀайчен товшхала денош дездеш дӀабихьа гойтам; ГӀалгӀайчен 20 шу дузаш Кремле дӀабихьа гойтам;

2014-ча шера — Илдарха-ГӀалий тӀарча ГӀалгӀай паччахьалкхен хьокхаш йолча исбахьалений музее дӀабихьа «Говзанчий ГӀалгӀайче» яха гойтам; Туркий Мехка ГӀалгӀайчен товшхала денош дездеш дӀабихьа исбахьален гойтам; ДаьгӀастерча гойташ долча исбахьален музее дӀабихьа гойтам;

2015-ча шера — Эрсеченна ГӀалгӀай Мохк юкъебена 245 шу дизар дездеш РФ Паччахьалкхен Думеи, РФ Федеральни Гуллама Фдерацен Советеи Кремла коа дӀабихьа гойтам;

1991-ча шера денз Роза болх беш я, ший пхьоале хьайийла. Ше дагалаьца, цо баьб «ГӀалай комплекс» яха кӀувс. Кхыча говзанча цунна лакха мах оттабир.

2004-ча шера лайчилла бетта 10-ча дийнахьа ТӀонганаькъан Товсолта Розайна ГӀалгӀай Мехка Дукха дика хӀамаш карагӀдаьнна исбахьален болхло яха цӀи ялар.

СовгӀаташ

• 2004-ча шера лайчилла бетта 10-ча дийнахьа ТӀонганаькъан Товсолта Розайна ГӀалгӀай Мехка дукха дика хӀамаш карагӀдийна исбахьален болхло яха звания еннай.

Белгалдаккхар