Чахкенаькъан ӀабдуллахӀа Ӏийса
| Чахканаькъан Ӏабдуллоахьа Ӏийса | |
|---|---|
| эрс: Чахкиев Иса Абдуллович | |
 | |
| Ваь таьрахь | 18 бекарга 1957 (68 шу) |
| Ваь моттиг |
 СССР ГӀазакхстанехье |
| БӀорахол |
 Россе Федераци |
| Леладу гӀулакх | артист |
| СовгӀаташи премеши |
ГӀалгӀайчен дукха дика хӀамаш карагӀдийна искусствон болхло |
Чахканаькъан Ӏабдуллоахьа Ӏийса (эрс: Чахкиев Иса Абдуллович; ваьв: 18 бекарга 1957, Алматай шахьар[d], Алматай область[d]) — ГӀалгӀайчен артист, И. Базоркина цӀерагӀа долча ГӀалгӀай паччахьалкхен драматически театра кулгалхо, ГӀалгӀайчен Халкъа артист[1].
Биографи
Чахканаькъан Ӏийса ваьв 1957-ча шера маьцхали бетта 18-ча дийнахьа Алма-Атерча шахьаре Калинина колхозе.
1975-ча шера из деша эттав Ленинграда паччахьалкхен театреи, мукъамеи, кинематографеи институте «Актер драматического театра и кино» яхача говзалах. Из цо йистеяьккхай 1978-ча шера. 1981—1983 шерашка цу университете цо йистеяьккхай ассистентура-стажировка «Сценическое движение» яхача говзалах[1].
1978-ча шера Ӏийса балха эттав Нурадилова цӀерагӀа йолча Нохч-ГӀалгӀай паччахьалкхен драмтеатре II даржерча актёралла. 1983-ча шера из балха дӀаийцав Т.Жургинова цӀерагӀа йолча театреи кинони Казахий паччахьалкхен институте «Сценического движения» яхача кафедре воккхагӀволча хьехархочун дарже. 1992-ча шера цох Паччахьалкхен драмтеатра лакхерча даржера актёр хиннав , цул совгӀа цу шера из хьожаваьв театре исбахьален кулгалхочулла[1].
1997-ча шера денз из кулгалдеш ва И. Базоркина цӀерагӀа долча ГӀалгӀай паччахьалкхен драматически театра. 2008—2009 шерашка Ӏийсас болх баьб ГӀалгӀайчен Товшхала министр волаш[2][1].
СовгӀаташ
• ГӀалгӀайчен дукха дика хӀамаш карагӀдийна искусствон болхло (2002)
• «Ветеран труда» (2006)
• Майдалг «Лучшие люди России — Национальное достояние Отечества» (2006)
• ГӀалгӀайчен Халкъа артист (2007)
• «КарагӀдаьннарех» орден (2007)
• «За обустройство земли Российской» орден (2009)
Белгалдаккхар
- ↑ 1 2 3 4 Оздой М., 2019.
- ↑ Директор театра
ТӀатовжамаш
- Оздой Мадина. Иса Чахкиев: «Театр поучает так, как этого не способен сделать никакой другой вид искусства» // «Ингушетия» : газет. — 2019. — 2 января.