ЧӀаьпилг
| ЧӀаьпилг | |
|---|---|
| ЧӀаьпилг | |
| МалагӀча къаман даара юкъедода | |
| гӀалгӀай даар, Кавказхой даар | |
| Компоненташ | |
| Керттера | хьоар, морз, сода, тух, дежа даьтта, кӀолд, коартол, ябакх |
ЧӀаьпилг (эрс: лепёшка) — гӀалгӀай даар, хьоарах даь диткъа чӀаьпилгаш да. ЧӀапилгаш детта ду лайсача кӀаьдача хьоарах. ЧӀаьпилг гӀалгӀаша дукха хана денз кийчдеш дола чам бола даар да. ГӀалгӀаша керттера лоархӀача даарех даар а да.
Тархьар
ЧӀаьпилг хьалха товнаш тӀа дотташ хиннад, дуккха тӀехьагӀа мара болабеннабац пишка чу датта, хӀанзарча хана Ӏаькъа чу дотт. Хьалха чӀаьпилг деш хиннад мукхахи кемахи даьккхача хьоарах, цхьабакъда XX бӀаьшу доладеннача хана денз чӀаьпилгаш дотт кӀих даьккхача хьоарах[1].
Кийчдар
ЧӀаьпилг диткъа ду, диткъа хургдолаш бедах герга доакъош доах, тӀаккха доаржаду, диткъду бодкерчоргаца. Бод дӀаболл кӀих даьккхача хьоарахи морзахи, содахи. Морз́а когаметта ета шура тох цхьаболча наха. Юкъе чуйолл гӀоргӀа кӀолд. Иштта чуехк коартол, нахча, баьцадаар, бурака лордаш. Доттача хана чӀаьпилг хьалсовс, балкхарой хычинаш санна. Цхьатарра йотт чӀаьпилга шаккхе оагӀув, йистедаьнначул тӀехьагӀа кӀеж яьккхача хил чуӀотт, хьоар Ӏодаргдолаш, тӀаккха чӀаьпилга тӀахьокх дожадаь даьтта. Нохчий чӀепалгехи балкхарой хычинехи таралесте а, гӀалгӀай чӀаьпилг эргаш да чуйоллачунгахьа а, даттаргахьа а, дааргахьа а. ЧӀаьпилг, доакъош даьхе, чаьца дуъ. Из дика тов дирача, берхӀал еллача хӀаманца[2]
Тайпаш
ЧӀаьпилг хул чуйоллачунга хьажжа укх тайпах:
- КӀолд чуелла
- Коартол чуелла
- Баьцадаар чуделла