Янданаькъан Хаважа Тамара

Янданаькъан Хаважа Тамара
Керттера хоам
Яь таьрахь	23 кӀимарса 1955(1955-07-23) (69 шу)
Яь моттиг	Караганда, Казахски ССР, СССР
Мохк	СССР →  Россе Федераци
Болхговзалаш	иллиалархо
Хьинаре хинна шераш	1970 — хӀанзара ха
Жанраш	къаман иллеш
СовгӀаташ
yandieva.ru

Янданаькъан Хава́жа Тама́ра — (яьй 1955-ча шера кӀимарса бетта 23-ча дийнахьа СССР Казахий ССР Караганде) — Советийи Россеи актриса, эстрадан иллиалархо; ГӀалгӀайчен Халкъа артист(2002 шу), Нохч-ГӀалгӀай АССР дукха дика хӀамаш карагӀдийна артист (1984 шу), ХӀирий АССР дукха дика хӀамаш карагӀдийна артист(1985 шу), Абхазий АССР дукха дика хӀамаш карагӀдийна артист (2010 шу).

Биографи

Тамара яьй 1955-ча шера кӀимарса бетта 23-ча дийнахьа Казахий ССР Караганде мехках баьхача гӀалгӀай дезале. Ший актрисай болх цо духхьашха болабаьб ХӀирий студе. Цо дийша йистеяьккхай Санкт-Петербургера паччахьалкхен театра искусствон академи, СССР Къаман артиста Меркурьева Василийи, иштта советий актрисай, режиссёра Мейерхолд Иринайи актёра класс. Дийша яьнначул тӀехьагӀа Тамара дӀаяхай Грозне, цига цо болх баьб Х. Нуридилова цӀерагӀа долча Нохчий паччахьалкхен театре. 1990-ча шерашка тӀом хьайначул тӀехьагӀа, из ший дезалца яха дӀаяхай Москве. 1994-ча шера цох ГӀалгӀай Мехка Доалчен «Лоам» яхача товшхала юкъарлон доакъашхо хиннай. 1998-ча шера цо телевиденеи радиовещанеи болхлочун говзал лакхъеш лакхера режиссёра курсаш яьхай.

Иллиалархочун болх

ЛадувгӀархошта эггара хьалха дег чу дижа гӀалгӀай багахбувцама́ юкъе дика довзаш дола илли да «Хьо сайран хи тӀа еча» (Когда ты придёшь к ручью). Из илли цо даьккхад «Лоам» тоабан доакъашхо хиннача Новрбенаькъан Хьамида Русланаца. Из илли чехка дӀа-хьа даьржад, цул тӀехьагӀа цунна дукха таржамаш даьд нохчий а, гӀаьбартой-балкхарой а, эрсий а меттала.

Янданаькъан Тамарайна РФ Дукха дика хӀамаш карагӀдийначун цӀи еннай 2010-ча шера, Москве «Кхоллама 30 шу дузаш» яха юбилейни концерт хилалехь. Из концерт хиннад Москверча къамашта юкъерча мукъама цӀагӀа 2010-ча шера оагӀой бетта 9-ча дийнахьа.

Дукхача дунен къамашта юкъерча кинофестивалашка дакъа лоацаш хиннай Тамара. Цо болх баьб Л. Н. Толстой цӀерагӀа йолча Нохч-ГӀалгӀай паччахьалкхен университете актёра говзал хьехаш. СССР кинематографистий Союза доакъашхо 1985-ча шера денз. Россе Федерацен театра болхлой Союза доакъашхо. 1985-ча шера Чехова драматурге Ерригсоюза фестивале цунна деннад 1-ча даржера диплом.

Кино болх

Янданаькъан Тамара дакъа лоацаш хиннай 18 фильме, царна юкъе 16 фильме керттера амалт кхоачаш еш хиннай из.

Дискографи

Aльбомаш

• Сахьат (Часы), 2004
• Маьлха Илли (Шира ГӀалгӀай иллеш), 2007
• Лир доага малх, 2011

Фильмографи

1. 1977 — Огненные дороги — Рабия
2. 1978 — Горская новелла — Зара
3. 1979 — Бабек— Парвин
4. 1980 — Я ещё вернусь — Шахназ
5. 1981 — Год дракона — Маимхан
6. 1982 — Если любишь… — Лола
7. 1982 — Колокол священной кузни — Камачич
8. 1983 — О странностях любви — Мадина
9. 1984 — И ещё одна ночь Шахерезады — Анора
10. 1985 — Долгое эхо в горах — Карима
11. 1986 — Здравствуйте, Гульнора Рахимовна! — Гульнора Рахимовна
12. 1986 — Новые сказки Шахерезады — принцесса Эсмигюль
13. 1987 — Последняя ночь Шахерезады — принцесса Эсмигюль
14. 1989 — Чёрный принц Аджуба — Шахназ
15. 1989 — Пиры Валтасара, или Ночь со Сталиным — Сария Лакоба
16. 1989 — Возвращение Ходжи Насреддина — Ханифа-Тюльпан
17. 1990 — Возвращение багдадского вора

ТӀатовжамаш

• Тамара Яндиева — официальный сайт
• Яндиева Тамара (Фильмография)
• Тамаре Яндиевой вручили государственную награду Российской Федерации (тӀакхоачача боаца тӀатовжам)

Литература

• Муса Гешаев. Знаменитые ингуши. — Турин: STIG, 2003. — Т. 1. — С. 464—467. — 620 с. — 2000 экз.