Ӏалбаканаькъан

Ӏалбаканаькъан, е Албаканаькъан (эрс: Албаковы) — гӀалгӀай къаман юкъерча массехк тайпай дакъа да, вешта аьлча, тайпан е ваьра никъ.

ЦӀи

ГӀалгӀай меттала Ӏалбаканаькъан яхача ваьра наькъа цӀи хьахиннай: Ӏалбак яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Албаков», «Албакова», «Албаковы» аьнна язъю^[1].

Тархьар

Ӏалбаканаькъан ба ТӀумхой тайпан: цхьабараш хьалха ГӀалгӀай-Юрта баьха ТӀой-Юртара а ба, вожаш Дошлакъий-Юртара ба. Ӏалбаканаькъан ба БӀархой тайпан, Дошлакъий-Юртара ба уж а. Беканаькъанчарех хьабайнараш а ба цхьабола Ӏалбаканаькъан, Галашкара ба уж. ОнгуштӀара Ӏалбаканаькъан ба, уж Хамхой тайпах лоархӀаш ба. Аьрштера Ӏалбаканаькъан маьлхий ба^[2].

Ӏалбаканаькъан наькъаш хьадоладалар да цу массехк тайпан хиннача Ӏалбак яхача сагагара, ишта цу Ӏалбаках хьа мел байна нах «Ӏалбаканаькъан» а ба, ший-ший тайпан а ба.

1886 шера ЭгӀарча ТӀумагӀа Ӏалбаканаькъан 25 фусам хиннай^[2].

ЦӀихеза нах

Ӏалбаканаькъан яхаш тайпан наькъа цӀи лелаеш цӀихеза ба:

Албаканаькъан МурцаӀалий Жабраил (1940—1968) — гӀалгӀай оазархо;
Албаканаькъан Изновра Ахьмад (1916—1976) — гӀалгӀай советий эпсар. Сийлахь-Боккхача Даьхен тӀема доакъашхо.

Литература

Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.

[_6eeb3213280403a3-1] Ономастикон Ингушетии, 2021, оа. 16.

[_69dd7d5d37e70806-2] ¹ ² Дахкильгов, 1991, оа. 11.

[1]

[2]