Ӏахкилганаькъан Асхьаба Фатима

Ахкильганаькъан Асхьаба Фатима
Белхаговзал	театра актриса
Театр	Байсаранаькъан Идриса цӀерагӀа йола ГӀалгӀай паччахьалкхен драматически театр
СовгӀаташ	ГӀалгӀай Мехка халкъа артистка

Ӏахкилганаькъан Асхьа́ба Фатима (эрс: Ахкильгова Фатима Асхабовна) — театра болхло, режиссёр, «ГӀолгаш» яхача тележурнала автор я. ГӀалгӀай Мехка халкъа артистка.

Биографи

Юххьанца Казахстане ишколе деша яьгӀай. ЯлхлагӀча классе йолча хана ГӀалгӀай Мехка Наьсарерча № 1 йолча ишколе дехьаяьккхай.

Ӏахкилганаькъан Фатимас 1998-ча шера яьккхай Б. В. Щукина цӀерагIа йола лакхера театра училище актёрий говзала факультет, цунца цхьана режиссерий факультет а яьккхай — Л. Е. Хейфица курс. Эггара хьалха цо дакъа лаьца спектакль хиннай Байсаранаькъан Идриса яздаьча романа тӀагӀолла оттаяь йола «БӀаьшерий боадонгара» яхар. Из цун диплома балха́ юкъе хиннай. Цо ловзаяь роль хиннай Зору нана — Батази. Цул тӀехьагӀа яьккхай Константин Райкина цӀерагIа йола театральни ишкол. Дешаш хиннай цул совгӀа ГИТИС режиссёрий лабораторе.

ХӀанз из болх беш я Байсаранаькъан Идриса цӀерагӀа йолча ГӀалгӀай паччахьалкхен драматически театре. Театра болхлой юкъарлонна юкъе яхай 2002-ча шера. Иштта хьехаш я Исбахьалений студеи, ГӀалгӀай Мехка паччахьалкхен исбахьалений колледжеи.

Дезал

Фатимай ши кӀаьнк ва: Мухьмади Адами.

Сийлен совгӀаташ

• ГӀалгӀай Мехка халкъа артистка (2018 шера аьтинга бетта).

Белгалдаккхар

ТӀатовжамаш

• Харсиева Л. Фатима Ахкильгова: Мое жизненное кредо — идти и добиваться  (неопр.). gazetaingush.ru. Газета «Ингушетия» (7.09.2018). Хоам хьаийца таьрахь: 13.01.2026.
• Кодзоева Д. Гореть звезде на сцене и на небе…  (неопр.) serdalo.ru. Газета «Сердало» (9.11.2010). Хоам хьаийца таьрахь: 13.01.2026.