Ахкилганаькъан Асхьаба Фатима

Ахкильганаькъан Асхьаба Фатима
Ахкильганаькъан Асхьаба Фатима
Яь таьрахь	1973
Яь моттиг	Казахий АССР[d], РСФСР, СССР;
БӀорахол	СССР; Эрсече;
Белхаговзал	театра актриса, театра режиссёр
Театр	Байсаранаькъан Идриса цӀерагӀа йола ГӀалгӀай паччахьалкхен драмай театр
СовгӀаташ	ГӀалгӀай Мехка халкъа артистка

Ахкилганаькъан Асхьа́ба Фати́ма (эрс: Фатима Асхабовна Ахкильгова; 1973, Казахий АССР^[d]) — театра болхло, режиссёр, «ГӀолгаш» яхача тележурнала автор я. ГӀалгӀай Мехка халкъа артистка.

Биографи

Ахкилганаькъан Фатима яьй 1973 шера Казахстане. Ахкилганаькъан Бештой тайпан лоархӀаш ба. Юххьанца цигарча ишколе деша яьгӀай. ЯлхлагӀча классе йолча хана ГӀалгӀай Мехка Наьсарерча № 1 йолча ишколе дехьаяьккхай^[1].

Ахкилганаькъан Фатимас 1998-ча шера яьккхай Б. В. Щукина цӀерагIа йола лакхера театра училище (эрс.) (гӀа. актёрий говзала факультет, цунца цхьана режиссерий факультет а яьккхай — Л. Е. Хейфица курс. Эггара хьалха цо дакъа лаьца спектакль хиннай Байсаранаькъан Идриса яздаьча романа тӀагӀолла оттаяь йола «БӀаьшерий боадонгара» яхар. Из цун диплома балха́ юкъе хиннай. Цо ловзаяь роль хиннай Зору нана — Батази. Цул тӀехьагӀа яьккхай Константин Райкина цӀерагIа йола театральни ишкол (эрс.) (гӀа.. Дешаш хиннай цул совгӀа ГИТИС режиссёрий лабораторе^[2].

2002-ча шера Театра болхлой юкъарлонна юкъеяхай Фатима^[2]. 2005 шера ГӀалгӀай Республика Мехкдаь амарца цунна еннай «ГӀалгӀай Мехка дукха дика хӀамаш карагӀдийна артистка» яха звани^[3].

2018 шера аьтинга бетта 1-ча дийнахьа ГӀалгӀай Республика Мехкдаь амарца цунна еннай «ГӀалгӀай Мехка халкъа артистка» звани^[4].

ХӀанз из болх беш я Байсаранаькъан Идриса цӀерагӀа йолча ГӀалгӀай паччахьалкхен драмай театре. Иштта хьехаш я Исбахьалений студеи, ГӀалгӀай Мехка паччахьалкхен исбахьалений колледжеи^[1].

Дезал

Фатима маьре я, ши кӀаьнк а ва: Мухьмади Адами^[1].

Сийлен совгӀаташ

ШоллагӀча даржа диплом даьккхад «КомПлюс» III Медиафестиваля «Телепроект» яхача номинаце берий белама журнал вӀашагӀдолларах (Кодинск, 2008 шу);
КхоалагӀча даржа диплом даьккхад «Белые ночи» яхача Дунен къамашта юкъерча фестивале «Налоговый инспектор» яхача кинох (Санкт-Петербург, 2008 шу);
ГӀаьбартий-Малкхарой Республика товшхала министерствон сийлен грамота — «Дикача уйлаца къахьегарах а ГӀаьбартий-Малкхарой Республика товшхал дегӀадоаладаргахьа чӀоагӀа къахьегарах»;
КхоалагӀча даржа диплом даьккхад «Петербургский экран» яхача Дунен къамашта юкъерча берий а кагирхой а киновидеокхоллама фестивале «Две дороги» яхача кинох (Санкт-Петербург, 2016 шу);
ГӀалгӀай Мехка халкъа артистка (2018 шера аьтинга бетта)^[2].

Белгалдаккхар

↑ ¹ ² ³ Кодзоева, 2010, оа. 7.
↑ ¹ ² ³ Харсиева, 2018.
↑ Указ Президента РИ «О присвоении почетных званий Республики Ингушетия» (эрс.). Официальный сайт Президента Республики Ингушетия (29.06.2005). Хоам хьаийца таьрахь: 19.08.2026.
↑ Указ Главы Республики Ингушетия от 1 июня 2018 г. № 94 «О награждении государственными наградами Республики Ингушетия» (неопр.). Информационно-правовое обеспечение «Гарант» (1.06.2018). Хоам хьаийца таьрахь: 19.08.2026.

ТӀатовжамаш

Лилия Харсиева. Фатима Ахкильгова: Мое жизненное кредо — идти и добиваться (неопр.). gazetaingush.ru. Газета «Ингушетия» (7.09.2018). Хоам хьаийца таьрахь: 13.01.2026.
Кодзоева Д. Гореть звезде на сцене и на небе… (неопр.) serdalo.ru. Газета «Сердало» (9.11.2010). Хоам хьаийца таьрахь: 13.01.2026.

[_42e335678dc2a635-1] ¹ ² ³ Кодзоева, 2010, оа. 7.

[_6bbe75e7d13db0c5-2] ¹ ² ³ Харсиева, 2018.

[3] Указ Президента РИ «О присвоении почетных званий Республики Ингушетия» (эрс.). Официальный сайт Президента Республики Ингушетия (29.06.2005). Хоам хьаийца таьрахь: 19.08.2026.

[4] Указ Главы Республики Ингушетия от 1 июня 2018 г. № 94 «О награждении государственными наградами Республики Ингушетия» (неопр.). Информационно-правовое обеспечение «Гарант» (1.06.2018). Хоам хьаийца таьрахь: 19.08.2026.

[1]

[2]

[3]

[4]