Donk

Рувики материал
Данил Крышковец
Donk (киберспортсмен).jpg
Ваь таьрахь 25 наджгоанцхой 2007(2007-01-25) (19 шу)
Ваь моттиг
БӀорахол
А́мал рифлер (энтри фраггер)
Хьаийца цӀераш donk
Карьера 2021 — хӀанзара ха
Ловзараш Counter-Strike: Global Offensive, Counter-Strike 2

Дани́л «donk» Крышкове́ц (25 наджгоанцхой 2007, Томск[d]) — Эрсечен Team Spirit команде рифлера позице волаш Counter-Strike 2-х ловзаш вола Эрсечен киберспортсмен. Perfect World Shanghai Major турнире Counter-Strike 2-х чемпион ва.

2024-ча шера Эрсечен Forbes шер-шера оттаеча «З0 до 30» рейтинге[1] толам баьккхарашта юкъевахав «Спорти киберспорти» яхача оагӀатагӀа[2]. HLTV порта́ла хетачох 2024-ча шера эггара дикагӀвола ловзархо ва[3].

Биографи

2007-ча шера наджгоанцхой бетта 25-ча дийнахьа Томске ваьв Данил. Counter-Strike  (эрс.) (гӀа.-х 5 шу даьннача хана ловза волавеннав ший вешийца. Ши шу даьннача гӀолла ловзара кердача эрша тӀа дӀатӀабаьннаб уж. КӀаьнк массайтта сахьаташ дӀаухийташ ловзаш вагӀаш хиннав, цхьабакъда ишколе цо лерттӀа дешарах дас-нанас ловзарах хӀама ца оалаш вуташ хиннав из.

Киберспорта карьера

14 шу даьннача хана Данила аьттав баьннаб европерча FPL-C юкъе́ваха, цун ханага диллача цун из дика карагӀдаьннилга лоархӀ кхыча ловзархоша. Из карагӀдаьнначул тӀехьагӀа OverDrive яхача ловзархочо зийннав из, цунца массехказза лайзачул тӀехьагӀа Team Spirit академенна хьийхав цо из. Цхьабакъда организаци ловзархочунца контракт язъе сихлуш хиннаяц йоккхийча турнирашка цун хӀаьта а да́къа ла́цийта аьттув хургбоацилга а ховш: яьннача ха́нага хьежаш кагийбараш ловзар дехк цига. Кердача командагахь волаш кӀаьнка ловзар вошдекар хилар а хиннад лоадам болаш: ворхӀ турнире 22 карта тӀа юкъердар лаьрхӀача 0.97 рейтинг мара йоаккхаш хиннаяц цо. Халонаш хиннаяле а, шаккхе а оагӀув бартагӀа а яха́ Данил юххера академе «драконашта» юкъе́ваха́в из[4][5].

Team Spirit академегахь волаш ловзача хана Данил ше-ший гойтамаш во хиннадац. 2022-ча шера чаккхенца HLTV порта́ла́ хетачох кхоалагӀа моттиг яьккха́ча sh1ro  (эрс.) (гӀа. яхача ловзархочо кӀаьнка начӀал хилар белгал а даьккха кастта шера ткъаь дикагӀболча ловзархоех хургва из аьнна аьннад[6]. FPL иштта кӀаьнка гойтамаш дика хилар белгалдаьхад, ший даьнна 15 шу мара доацашше лигайна бӀарг мел вайнача эггара чӀоагӀагӀа доминаци еш волча рифлерех ва из аьнна а аьннад цох[7]. Team Spirit академически тоаба йоагӀаш-йоагӀаш дикка де́гӀа а е́на юххера массехк бутт балалехьа тешшаме дунен дикагӀйолча командий топ-50 юкъе дӀачӀоагӀъеннай. Team Spirit керттерча тоабан хьал бӀастамгахьа а долаш цу хана ийша хиннад: тоабан чура кхо ловзархо дӀаваха́ хиннав, цудухьа царна когаметта кердабараш лаха безаш хиннаб. Цудухьа академе чура кхоъ хьаэца лаьрхӀав, цу кхаьннена юкъе Данил а хиннав[5][8].

Team Spirit командо ший ловзар сиха хьавӀаштӀехьа а даьккха, ший хьалхарча CCT North Europe Series #6 яхача турнире котъяьнна хьалхара моттиг яьккхай цо. Цу турнире Данил дикагӀвола ловзархо хиннав ше-ший гойтамашка хьежача, иштта цо яьккхай массаболча ловзархошта юкъе кхоалагӀа моттиг. ТӀехьатӀае́нача CCT Online Finals #2 турнире тоабано яьккхай шоллагӀа моттиг, тӀаккха donk ше-ший гойтамех хьалхара хиннав. Ший хьалхарча LAN-турнире а, Dunav Party, хьалхара моттиг яьккхай цар иштта, тӀаккха donk хьалха мо турнира дикагӀвола ловзархо хиннав.

HLTV порталагара ший хьалхара MVP  (эрс.) (гӀа. цӀи Данила яьккхай BetBoom Dacha турнире толам баккхарах. Из турнир зӀамсаго 1.31 рейтинг йолаш яьккхай[9]. Donk MVP цӀи йолаш тархьаре шоллагӀа къонагӀвола ловзархо волаш эттав — 16 шуи 10 бутти баьнна хиннав из[10].

2024 шу

Шера эггара чӀоагӀагӀа лоадам болча IEM Katowice 2024 турнире Данил тӀехдика ловзаш хиннав. Цу турнире цхьан командан аьттув баьннабац Team Spirit команда эшае. HLTV портало donk ловзар йоккхийча турнирашка тархьаре мел хиннача дебютех эггара дикагӀъяр хиларца мукӀарло даьд. Иштта зӀамсаг босний ловзархо волча NiKo-чун рекордал а тӀехваьннав йоккхача турнире ше-ший гойтамах (1.70 рейтинг 2.0)[11]. Цу турнире Данила MVP цӀи яьккхай, йоккхийча турнирашка цу тайпара цӀи яьккха эггара къонагӀа вола ловзархо хьахиннав из. Цу тайпара Катовице  (эрс.) (гӀа. из лайзачул тӀехьагӀа болхговзанчаша Данила тӀехдика ловзар дувца болабеннаб. Цу турнире ловзархочох бехкаш доахар шийна духьала ловзачарга цо цӀогӀилг дӀатӀахьекхар бахьан долаш. Украинхой киберспортсмени тренери волча B1ad3 яхачо donk дика ловзилга хьоаха а даь, къонача киберспортсмена ший дегӀа оамал тоае езар аьнна аьннад цудухьа[12].

Ший хьалхарча мажоре «драконаш» плей-офф стаде кхозза кот а баьнна юкъебахаб, цхьабакъда финале, Team Spirit фос яккхара́ керттера претенденташ хиннабале а[13], хьалхарча ловзаре FaZe Clan командас эшабаьб уж, из цу хана HLTV рейтинге хьалхарча метта лаьттай. ТӀеххьарча матче Данил цаӀ мара хиннавац команде статистиках «плюсе́» ваха́, тӀаккха турнир ше 1.35 рейтинг йолаш командан дикагӀвола ловзархо волаш яьккхай[14][15].

2024-ча шера лайчилла бетта 15-ча дийнахьа Team Spirit команда котъяьннай Counter-Strike 2-х Perfect World Shanghai Major  (эрс.) (гӀа. турнире, финале FaZe Clan 2:1 чот йолаш эша а еш[16]. Турнире чакхъяларца donk Крышковеца́ MVP цӀи еннай[17].

2025 шу

2025-ча шера наджгоанцхой бетта 6-ча дийнахьа Данил «donk» Крышковец Илья «m0NESY» Осиповца котваьннав Evelone Duo Cup онлайн-турнире, цар эшаяьй Олег «baz» Кулиничеи Максим «kyousuke» Лукинеи дуэт[18][19].

2025-ча шера наджгоанцхой бетта 20-ча дийнахьа donk дикагӀвола ловзархочулла хержав BLAST Bounty Spring 2025 турнире къайлагча квалификаце чаккхенах. Цун рейтинг 1,88 хиннай, боабарий коэффициент (K/D) — 1,95, тӀаккха раунде юкъера даь зе́ (ADR) — 116,9[20].

2025-ча шера наджгоанцхой бетта 26-ча дийнахьа команда котъяьннай BLAST Bounty Spring 2025 турнире, туркий Eternal Fire 3:1 чот йолаш эша а еш[21]. Данил «donk» Крышковец турнира эггара везагӀа вола ловзархо ва аьнна лаьрхӀав (MVP) HLTV порта́ло[22].

2025-ча шера маьтсела бетта 18-ча дийнахьа Team Spirit тоаба котъяьннай PGL Astana 2025 турнире[23][24], donk турнира эггара везагӀа вола ловзархо (MVP) ва аьнна[25].

2025-ча шера кӀимарса бетта 3-ча дийнахьа коллективо 1-гӀа моттиг яьккхай IEM Cologne 2025 турнире, финале MOUZ коллектив 3:0 чот йолаш эша а еш. Толам баккхарах Team Spirit командас 400 эзар доллар яхьарат даьккхад[26]. Турнира дикагӀвола ловзархо (MVP) donk ва аьнна кхайкаваьв[27].

2025-ча шера кӀимарса бетта 17-ча дийнахьа Team Spirit команда котъяьннай BLAST Bounty Fall 2025 турнире, финале The MongolZ 3:0 чот йолаш эша а беш[28]. Данил «donk» Крышковец турнира дикагӀвола ловзархо ва аьнна дӀакхайкаваьв[29].

Командий тархьар

Юкъ Команда[30] Матчаш В/Н/П, %
28.12.2021 — 05.07.2023 Team Spirit Academy 11 64/0/36
05.07.2023 — 29.09.2023 Team Spirit 20 70/0/30
29.09.2023 — н.в. Team Spirit 139 78/0/22

КарагӀдаьннари совгӀаташи

Клубе

Counter-Strike 2-х йоккхийча киберспорта турнирашка командан карагӀдийннар:

Шу Моттиг Турнир Команда ДӀайихьа моттиг Яхьарат (USD) СовгӀат Бух
2023 шоллагӀа CCT Online Finals #2 Флаг России Team Spirit ЕС Онлайн 40 000 — [31]
хьалхара BetBoom Dacha 2023 Флаг ОАЭ Дубай 180 000 MVP[32] [33]
2024 хьалхара IEM Katowice 2024 Флаг Польши Катовице 400 000 MVP[34] [35]
5-гӀа/8-гӀа PGL CS2 Major Copenhagen 2024 Флаг Дании Копенгаген 45 000 EVP [36]
шоллагӀа BetBoom Dacha Belgrade 2024 Флаг Сербии Белград 100 000 MVP[37] [38]
кхоалагӀа IEM Dallas 2024 Флаг США Даллас 20 000 — [39]
хьалхара BLAST Premier: Spring Final 2024 Флаг Великобритании Лондон 200 000 MVP[40] [41]
5-гӀа/8-гӀа Esports World Cup 2024 Флаг Саудовской Аравии Эр-Рияд 40 000 — [42]
хьалхара BetBoom Dacha Belgrade Season 2 Флаг Сербии Белград 250 000 MVP[43] [44]
шоллагӀа BLAST Premier World Final 2024 Флаг Сингапура Сентоса 250 000 EVP [45]
хьалхара Perfect World Shanghai Major 2024 Чинхойчен байракх Шанхай 500 000 MVP [17]
2025 хьалхара Evelone Duo Cup Team DM ЕС Онлайн 200 000 MVP [18]
хьалхара BLAST Bounty Spring 2025 Флаг России Team Spirit Флаг Дании Копенгаген 500 000 MVP[22] [21]
шоллагӀа IEM Katowice 2025 Флаг Польши Катовице 180 000 — [46]
хьалхара PGL Astana 2025 Флаг Казахстана Астана 200 000 MVP[25] [23][24]
хьалхара IEM Cologne 2025 Флаг Германии Кёльн 400 000 [26]
хьалхара BLAST Bounty Fall 2025 Флаг Мальты Мальта 287 812 MVP[29] [28]
  • MVP — Most Valuable Player (Эггара везагӀа вола ловзархо);
  • EVP — Exceptionally Valuable Player (Къаьстта веза вола ловзархо).

Ший цхьанне

  • 2024-ча шера «Forbes 30 Under 30»  (эрс.) (гӀа. яхача Россе Forbes рейтинга́ юкъе вахав «спорти киберспорти» яхача оагӀате[2];
  • 2024-ча шера Counter-Strike 2-х дикагӀвола ловзархо, HLTV Awards 2024[3];
  • 2025-ча шера саькура бетта 3-гӀа моттиг яьккхай «10 самых высокооплачиваемых киберспортсменов России 2025» яхача Forbes Sport яхача арахецаро оттаяьча рейтинге[47].

Белгалдаккхар

  1. ↑ 30 до 30. «З0 до 30» Forbes. Хоам хьаийца таьрахь: 12.09.2025.
  2. ↑ 1 2 Котов, Алексей Донк из состава Team Spirit по Counter-Strike 2 вошёл в список «30 до 30» от Forbes. Чемпионат. Хоам хьаийца таьрахь: 12.09.2025.
  3. ↑ 1 2 Результаты и итоги премии HLTV Awards 2024. cybersport.metaratings.ru (12.01.2025). Хоам хьаийца таьрахь: 12.09.2025.
  4. ↑ One for the future: DONK (ингал.). HLTV (30.06.2023). Хоам хьаийца таьрахь: 12.09.2025.
  5. ↑ 1 2 Мику, Иван 17-летняя звезда Counter-Strike из России — кто такой donk и почему о нем все говорят. CQ.ru (12.02.2024). Хоам хьаийца таьрахь: 12.09.2025.
  6. ↑ Top 20 players of 2022: SH1RO (3). HLTV (14.01.2023). Хоам хьаийца таьрахь: 12.09.2025.
  7. ↑ 15-year-old from Team Spirit Academy named FPL's best player in 2..., csgo.com. Техкад укх дийнахьа: 12.09.2025.
  8. ↑ Spirit announce new roster with Academy Trio Including DONK (ингал.). HLTV (5.07.2023). Хоам хьаийца таьрахь: 12.09.2025.
  9. ↑ BetBoom Dacha 2023 | Stats (ингал.). HLTV. Хоам хьаийца таьрахь: 12.09.2025.
  10. ↑ Donk named Betboom Dacha MVP (ингал.). HLTV (10.12.2023). Хоам хьаийца таьрахь: 12.09.2025.
  11. ↑ Donk equals big event record rating to earn iem katowice MVP (ингал.). HLTV (2024-2-11). Хоам хьаийца таьрахь: 12.09.2025.
  12. ↑ B1AD3: "Donk has a great future, but i think he needs to fix his Behavior" (ингал.). HLTV (5.02.2024). Хоам хьаийца таьрахь: 12.09.2025.
  13. ↑ Валентин Васильев. PARI: Team Spirit обыграет FaZe и пройдет в полуфинал PGL Major Copenhagen 2024 по CS2. Ведомости (28.03.2024). Хоам хьаийца таьрахь: 12.09.2025.
  14. ↑ Faze outlast spirit in instant classic in Copenhagen (ингал.). HLTV (28.03.2024). Хоам хьаийца таьрахь: 12.09.2025.
  15. ↑ Мику, Иван Российская Team Spirit вылетела с мэйджора по CS 2 в Дании, отыграв семь матч-пойнтов. Чемпионат (28.03.2024). Хоам хьаийца таьрахь: 12.09.2025.
  16. ↑ Мику, Иван. Российская Team Spirit команда стала чемпионом мира по Counter-Strike 2 (15 оагӀой 2024). Техкад укх дийнахьа: 12.09.2025.
  17. ↑ 1 2 Donk стал MVP мейджора по CS2 в Шанхае. www.cybersport.ru (15.12.2024). Хоам хьаийца таьрахь: 12.09.2025.
  18. ↑ 1 2 M0NESY и donk стали чемпионами Evelone Duo Cup. escorenews.com (7.01.2025). Хоам хьаийца таьрахь: 12.09.2025.
  19. ↑ Команда donk и m0NESY стала чемпионом Evelone Duo Cup. cybersport.metaratings.ru (7.01.2025). Хоам хьаийца таьрахь: 12.09.2025.
  20. ↑ Результаты квалификации BLAST Bounty Spring 2025: donk стал лучшим игроком, Esports.ru (20 наджгоанцхой 2025). Техкад укх дийнахьа: 12.09.2025.
  21. ↑ 1 2 Котов, Алексей. Team Spirit — чемпион турнира BLAST Bounty Spring 2025 по Counter-Strike 2. Техкад укх дийнахьа: 12.09.2025.
  22. ↑ 1 2 Donk выиграл седьмое звание MVP от HLTV.org на BLAST Bounty Spring 2025, Cybersport.ru (26 наджгоанцхой 2025). Техкад укх дийнахьа: 12.09.2025.
  23. ↑ 1 2 Team Spirit заняла первое место на PGL Astana 2025, dota2.ru (18 маьтсела 2025). Техкад укх дийнахьа: 12.09.2025.
  24. ↑ 1 2 Мику, Иван. Российская Team Spirit — чемпион PGL Astana 2025 по CS 2 (18 маьтсела 2025). Техкад укх дийнахьа: 12.09.2025.
  25. ↑ 1 2 Donk признан самым ценным игроком PGL Astana 2025, Cybersport.ru (18 маьтсела 2025). Техкад укх дийнахьа: 12.09.2025.
  26. ↑ 1 2 Team Spirit обыграла MOUZ и стала чемпионом IEM Cologne 2025, Cybersport.ru (3 маьцхали 2025). Техкад укх дийнахьа: 12.09.2025.
  27. ↑ Donk стал лучшим игроком по рейтингу на IEM Cologne 2025 — на втором месте kyousuke, Cybersport.ru (4 маьцхали 2025). Техкад укх дийнахьа: 12.09.2025.
  28. ↑ 1 2 Российская Team Spirit стала чемпионом BLAST Bounty 2025 по Counter-Strike 2. championat.com (17.08.2025). Хоам хьаийца таьрахь: 12.09.2025.
  29. ↑ 1 2 Donk стал самым ценным игроком BLAST Bounty Fall 2025. cybersport.ru (17.08.2025). Хоам хьаийца таьрахь: 12.09.2025.
  30. ↑ donk из Team Spirit CS2 – профиль игрока, биография, матчи, награды (неопр.). Cybersport.ru. Хоам хьаийца таьрахь: 12.09.2025.
  31. ↑ CCT 2023 Online Finals 2 Overview. HLTV.org. Хоам хьаийца таьрахь: 12.09.2025. Архиваци яьй 14.09.2024.
  32. ↑ 16-летний Donk стал самым ценным игроком на BetBoom Dacha по версии HLTV.org. Cybersport.ru (10.12.2023). Хоам хьаийца таьрахь: 12.09.2025. Архиваци яьй 17.02.2024.
  33. ↑ BetBoom Dacha 2023 overview. HLTV.org. Хоам хьаийца таьрахь: 12.09.2025. Архиваци яьй 5.08.2024.
  34. ↑ Donk стал самым ценным игроком IEM Katowice 2024. Cybersport.ru (11.02.2024). Хоам хьаийца таьрахь: 12.09.2025. Архиваци яьй 17.02.2024.
  35. ↑ Иван Мику. Российская команда Team Spirit стала чемпионом IEM Katowice 2024 по CS 2, разгромив FaZe — 3:0. Чемпионат (11.02.2024). Хоам хьаийца таьрахь: 12.09.2025. Архиваци яьй 21.06.2024.
  36. ↑ PGL CS2 Major Copenhagen 2024 overview. HLTV.org. Хоам хьаийца таьрахь: 12.09.2025. Архиваци яьй 10.08.2024.
  37. ↑ donk named MVP of BetBoom Dacha Belgrade. HLTV (19.05.2024). Хоам хьаийца таьрахь: 12.09.2025. Архиваци яьй 23.05.2024.
  38. ↑ BetBoom Dacha Belgrade 2024 overview. HLTV.org. Хоам хьаийца таьрахь: 12.09.2025. Архиваци яьй 2.06.2024.
  39. ↑ IEM Dallas 2024 overview. HLTV.org. Хоам хьаийца таьрахь: 12.09.2025. Архиваци яьй 18.06.2024.
  40. ↑ Мику, Иван 17-летний Данил donk Крышковец признан лучшим игроком BLAST Premier по CS 2. Чемпионат (16.06.2024). Хоам хьаийца таьрахь: 12.09.2025. Архиваци яьй 16.06.2024.
  41. ↑ Иван Мику. Российская Team Spirit стала чемпионом топ-турнира BLAST Premier по CS 2 в Лондоне. Чемпионат (16.06.2024). Хоам хьаийца таьрахь: 12.09.2025. Архиваци яьй 18.06.2024.
  42. ↑ Esports World Cup 2024 overview. HLTV.org. Хоам хьаийца таьрахь: 12.09.2025. Архиваци яьй 30.08.2024.
  43. ↑ donk wins his fourth MVP of 2024 at BB Dacha Belgrade S2 (1.09.2024).
  44. ↑ BetBoom Dacha Belgrade Season 2 overview. HLTV.org. Хоам хьаийца таьрахь: 12.09.2025. Архиваци яьй 27.08.2024.
  45. ↑ BLAST Premier World Final 2024 overview. HLTV.org. Хоам хьаийца таьрахь: 12.09.2025. Архиваци яьй 9.11.2024.
  46. ↑ Котов, Алексей. Team Vitality заняла первое место на чемпионате IEM Katowice 2025 по Counter-Strike 2 (9 саькура 2025). Техкад укх дийнахьа: 12.09.2025.
  47. ↑ 10 самых высокооплачиваемых киберспортсменов России — 2025 (неопр.). Forbes.ru. Хоам хьаийца таьрахь: 12.09.2025.
Хьаст — «https://inh.ruwiki.ru/w/index.php?title=Donk&oldid=126538543»