ISO 3166-2
| ISO 3166-2 | |
|---|---|
| Стандартизацега гӀолла йола маьже | ISO[d] |
| Кепатохара таьрахь | 1998 |
| ЦӀи | ингал: Codes for the representation of names of countries and their subdivisions—Part 2: Country subdivision code |
 РУВИКИ.Медиа чура файлаш | |
Стандарт ISO 3166-2 — ISO 3166 стандарта да́къа да. Арахийцай Къамашта юкъерча стандартизацех йолча организацес. Массадолча мехкай административно-территориальни декъадалара керттерча цхьоалений геокодаш белгалдоах цо. Духхьашха стандарт кеатехай 1998 шера.
Тувла ца йича бакъахьа да во́кха стандартаца — ООН статистически отдело пайда эцара́ долча бюллетеня́ юкъеяьха йолча паччахьалкхенийи маьрша доаца лаьттийи цӀерий кодаш шийна юкъедолча ISO 3166-1 стандартаца. ХӀаьта ISO 3166-2 стандарта геокодаш кхеллад къамай статистикани, географени, стандартизацени маьжений исходни хоама тӀа бух а болаш, иштта паччахьалкхений лаьтташ административно-территориальни декъадалара исходни хоам дӀабала бокъо йолаш кхыча маьженийи организаций исходни хоама тӀа бух а болаш.
ISO 3166-2 стандарта лерхӀар да — шоай бӀарчча цӀераш мо а йоацаш, дуккха аттагӀеи цхьалхагӀеи хургдолча тайпара, дерригача мехкай административно-территориальни цхьаоленаш белгалйоахаш долча, лоацеи ше мо кхы доацаши алапащцеи дагаргашцеи яздеш долча, геокодий къамашта юкъера стандарт дӀаоттаяр. ISO 3166-2 стандартах дола хӀара код шин даькъах латт, дефисаца дийкъа а дийкъа́:
• геокода хьалхара дакъа ISO 3166-1 Alpha2 стандартах долча паччахьалкхен кодах латт (лакхерча лагӀан къаман домен а белгалду цо);
• шоллагӀа дакъа — цхьан-, шин- е кхаь хьараках латта код да, алапашца е дагаргашца яздаь.
ДукхагӀча хана паччахьалкхен а, региона а, шахьара а, областа а, провинцен а, графства а, пхье а, пхье даькъа а лаьттан административно-территориальни декъадалара цхьоалений ингалсий меттала йолча цӀерашта тара хул из алапашцара код е цар аббревиатура хул из.