Max (приложени)

Рувики материал
Max
Скриншот программы Max
Тайпа компьютера программа
ВӀашагӀъеллар ООО «Коммуникационная платформа»
Операционни системаш iOS, Android, macOS, Windows
Интерфейса метташ ингалсий мотт, эрсий мотт
Хьалхара арахецар 27 тушола 2025
Хьал сиха
Сайт max.ru

Max (эрс: Max) — «ВК» компане арахийца мессенджера а мини-приложений а эцар-дохкара системан а иштта паччахьалкхен сервисий а декхараш кхоачашдеш йола приложени[1]. Из юкъе йола бета-верси араяьннай 2025-ча шера тушола бетта 27-ча дийнахьа iOS, Android, macOS, Windows ларда тӀа мазаоагӀон кепе[2]. 2025-ча шера кӀимарса бетта VK корпораце кхайкадаьд шоаш 5 млн дала кийча болга Мах мело́ лахачоа[3].

2025-ча шера тов бетта 1-ча дийнахьа денз законодательствос ма яххара Max Эрсече керда ара мел йоалача чоалха тӀа хила езаш хургья. Хургйолча хана чухь «Госуслугех» дӀахотта лерхӀаш я из, гӀод такха а, каьхат кийчде а цу чу йиш хургйолаш[4].

Тархьар

Max приложени арахеца кийчъеш хиларах бола хоам арабаьннаб 2025-ча шера тушола бетта 25-ча дийнахьа. App Store, Google Play приложений тикашка кхайкадаьд мессенджера бета-верси араяьнналга а, цунца аьттув хургхилар а да-юха бувзам лелабе а 4 ГБ йола файлаш атта дӀатӀакхувса а. Духхьашха арайоаллача эрша́ юкъе яхай корпоративни чат-боташта йола кечалаш. Цул совгӀа хоам баьб приложени ченкий WeChat приложенена нийсса гӀорг хиларах а[5].

Финансах болча эксперташ баьча соцамах, проект арахецаш хинна инвестицеш 1 млрд сом хиллал хиннад[5].

Тушола бетта 27-ч дийнахьа платформа кийча хиннай болх бе йиш йолаш iOS, Android, macOS, Windows ларда тӀарча мазаоагӀон кепе[2].

2025-ча шера бекарга бетта 14-ча дийнахьа хоам баьб Max сервиса юкъе хьаяьча интеллекта GigaChat 2.0 юкъейоалаярах. ИИ бувзам ба чаташка гӀолла. Max бизнес-клиенташ ИИ эрш харжа йиш йолаш ба — GigaChat 2 Pro е GigaChat 2 MAX[6].

2025-ча шера аьтинга бетта хиннача хоамех, компьютерашкеи мобильни приложенешкеи МАХ мессенджера чу учётни оагӀоний дукхал 1 миллионага кхаьчай[7]. 2025-ча шера кӀимарса бутт болалуш, МАХ лелаераш 2 млн саг совгӀа саг хиннав[8].

2025-ча шера кӀимарса бетта Т2 бувзама операторо безлимитни маза-трафик арахийцай Max мессенджера лаьрхӀа[9].

2025-ча шера кӀимарса бетта 19-ча дийнахьа Max приложене 10-гӀа моттиг дӀалаьцай Google Play Россе сегмента цӀихезача приложенешта юкъе[10].

Функционал

iOS, Android, Windows персональни компьютерий а, macOS приложенешка гӀолла хьачуяккха кийча я МАХ, цул совгӀа веб-интерфейсе гӀолла. App Store, Google Play, RuStorе, AppGallery яхача дагарга тика́шка гӀолла хьачуяккха йиш йолаш я. Регистраци е йиш я телефона номераца — е эрсий е кӀайэрсий. Приложени хьачу а яьккха, духхьашха чувоалача хана цӀи чуязъе а, сурт Ӏочудаккха а дезаш хул[2][11].

Интерфейс йиъ вкладках латт: «Контакташ», «Чаташ», «Йитта́ зӀанараш», «Оттамаш»[11].

  • Max мобильни приложене интерфейс
  • Регистраце хьалхара гӀа

    Регистраце хьалхара гӀа

  • Аватар харжар

    Аватар харжар

  • Max духхьашха йовзар

    Max духхьашха йовзар

  • чаташ чуйола папкаш

    чаташ чуйола папкаш

  • Чат-бот

    Чат-бот

  • Мини-приложени

    Мини-приложени

2025-ча шера кӀимарса бетта 9-ча дийнахьа 12:46 даьннача хана цхьаккха ха́нах а доакъашхой дукхалах а боарам а боацаш видеозӀы тохара баьрел  (эрс.) (гӀа. юкъедаьккхад MAX платформе. ЗӀы тохаргйолаш приложене леладечун «Йийтта зӀанараш» яха лака тоӀа а яь, чувеха тӀатовжама́ генераци е еза. Видеоконференци еча юкъа́ экран дӀагойта а доакъашхой цхарала хьисапе хьагойтар а хьалсага йиш я. Касста чат а, администратора бокъонаш дӀаялар а, нейроаватараш а, маскаш а, виртуальни фонаш а юкъейоаккхаргйолаш я[12].

Коммуникаци

Платформа тӀа стандартни бувзама таронаш йолаш я[2][13]:

  • личнии тоабани чаташ;
  • хоамаши, 4 ГБ-га кхаччалца йола файлаши;
  • оаза хоамаш дӀа-юха ахийтар;
  • эмодзии стикераши лелае йиш хилар[2][13].

Чат-боташи, мини-приложенеши

Max приложене чат-боташи мини-приложенеши хьахотта аьттув лу. Из де таро Ӏалашъю Max Bot API, Max Bridge, MasterBot яхача кечалашца. Боташ хьаю визуальни конструкторашка: BotMother, JetBot, ChatForma, SaleBot гӀолла. Ботий цӀераш bot чаккхе йолаш хила еза (масала, @examplebot)[14].

Хьаяь интеллект

2025-ча шера бекарга бетта 14-ча дийнахьа денз МАХ йийзай ИИ-платформаца GigaChat 2.0. Нейромазо аьттув лу йоазон генераци е а, сурташ кхолла а, оаза хоамаш йоазонга да́ха а, лоаца видео дӀаязъе а, лустамаш юхадувца а, 200 оагӀонга кхаччалца долча A4 документашца болх бе а[6].

ДегӀаяр

ВК компани хьалха а латташ, ООО «Коммуникационная платформа» компане вӀашагӀйоллаш йолча Max платформах дӀахо дӀайодача хана цхьан интерфейсе деррига дагарга декхараш кхоачашдергдола «суперприложени» («суперапп») хьае́ лерхӀаш ба. 2025-ча бекарга бетта лаьттача хьалах, хьае лерхӀа функцеш я[6][5]:

  • мини-приложений экосистемага гӀолла брендий оагӀув хьаллацар;
  • Шоай эцар-дохкара система араяккхар;
  • Паччахьалкхен сервисаш юкъеяр («Госуслуги»)[6][5].

Критика

Max лелаераша белгалдоаккх «ВК» холдинга кхыча сервисашца («ВКонтакте», VK Музыка) бувзам ца хилар. Ши лагӀа дола аутентификаци цахилар а боккха эшам хетт приложени лелаерашта[15][16].

Telegram приложенена тара хилар бахьан долаш дукха критика тессай. Наха белгалдоаккх, цхьа платформа йолаш хилча цунна тара йола платформа эшаш ца хилар[13][17].

2025-ча шера кӀимарса бетта 7-ча дийнахьа МАХ мессенджера йоккха рекламни кампани йолаяьй, цунна юкъе я Санкт-Петербурге хинна VK Fest а. Цхьаболча блогераша сервис чӀоагӀа могаю. Мессенджера рейтингаш башхало йолаш да: App Store — 4.1, хӀаьта Google Play чу — 1.1[18].

Белгалдаккхар

  1. ↑ VK создает аналог китайского мессенджера с госуслугами и платежами WeChat. Ведомости. Хоам хьаийца таьрахь: 15.04.2025.
  2. ↑ 1 2 3 4 5 В России представили MAX — отечественный мессенджер и аналог WeChat. Hi-Tech. Хоам хьаийца таьрахь: 15.04.2025.
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Техкад укх дийнахьа: 9.07.2025.
  4. ↑ Всё о Max: российский национальный мессенджер запустят в 2025 году. Техкад укх дийнахьа: 9.07.2025.
  5. ↑ 1 2 3 4 VK запустит бета-версию аналогичного китайскому WeChat мессенджера Max. Forbes. Хоам хьаийца таьрахь: 15.04.2025.
  6. ↑ 1 2 3 4 Чатная инициатива: нацмессенджер MAX объединился с крупнейшим в РФ ИИ-ботом. Известия. Хоам хьаийца таьрахь: 15.04.2025.
  7. ↑ В российском мессенджере MAX зарегистрировались больше 1 млн пользователей, Hi-Tech Mail (30 аьтинга 2025). Техкад укх дийнахьа: 9.07.2025.
  8. ↑ Пользователям МАХ стали доступны групповые видеозвонки, Известия (9 кӀимарса 2025). Техкад укх дийнахьа: 9.07.2025.
  9. ↑ Т2 запускает безлимитный интернет-трафик на мессенджер Max, TACC. Техкад укх дийнахьа: 16.07.2025.
  10. ↑ Max вошел в топ-10 самых популярных приложений в Google Play в России, TACC (19 кӀимарса 2025). Техкад укх дийнахьа: 21.07.2025.
  11. ↑ 1 2 Max: что известно о новом приложении ВК и аналоге WeChat. РБК. Хоам хьаийца таьрахь: 15.04.2025.
  12. ↑ Платформа MAX запустила неограниченные групповые видеозвонки, ВЗГЛЯД.РУ. Техкад укх дийнахьа: 9.07.2025.
  13. ↑ 1 2 3 VK выпустила Max — бета-версию мессенджера с мини-приложениями, ботами, звонками и API для разработчиков. Habr. Хоам хьаийца таьрахь: 15.04.2025.
  14. ↑ MAX для разработчиков. Max Docs. Хоам хьаийца таьрахь: 15.04.2025.
  15. ↑ MAX: общение, полезные сервисы. RuStore. Хоам хьаийца таьрахь: 16.04.2025.
  16. ↑ VK по-китайски. Что за платформа MAX от ВКонтакте с «невидимкой» и передачей огромных файлов. Trashbox. Хоам хьаийца таьрахь: 14.04.2025.
  17. ↑ Компания VK выпустила приложение MAX — обещают сделать аналог китайского WeChat. Клуб DNS. Хоам хьаийца таьрахь: 16.04.2025.
  18. ↑ Мессенджер МАХ - борьба за пользователя — Малкин про MAX на vc.ru, vc.ru. Техкад укх дийнахьа: 9.07.2025.
Хьаст — «https://inh.ruwiki.ru/w/index.php?title=Max_(приложени)&oldid=126539158»