Plants of the World Online

Рувики материал
Plants of the World Online
URL plantsoftheworldonline.org​ (ингл.)
МазаоагӀон тайпа электронни биологецара ресурсаш[d] , онлайнерча дарий гуллам[d]
Мотт Ингалсий мотт
Болх бе йолаеннай тушола бетта, 2017 шера

Plants of the World Online (POWO) — шийна чухьа дерригача дунен тӀара ги чу хулача баьцовгӀех лаьца хоам бола мазаоагӀув я. Проект йиллай Кью яхача королевски ботанически бешо. Болх бе йолаеннай 2017 шера тушола бетта.

МазаоагӀон тӀа гойт ботанически таксоний классификацехи, экамехи, дӀа-хьа яржарахи, цар синонимехи, лорадара статусахи лаьца бола хоам, иштта кепадетт баьцовгӀий сурташ а, ареалий карташ а, молекулярни филогенех дола хоамаш а, къаьстта йола кепаш лелаярахи, царех пайда эцарахи лаьца дар а.

Юххьанца, ресурс болх бе дӀайолаеннача ханара денз, къаьстта терко йора тропически африкерча буненна, къаьстта Замбезен[en] буненна[Ком 1], Малхбузерчеи Тропически Африкан буненна[Ком 2], иштта тропически Малхбоалерча Африкан буненна а. СовгӀа GrassBase[ru] а, Palmweb (Palms of the World Online) а яхача ресурсашкара хоамаш тӀатеха хиннад[1], цхьайолча орхидеей кепех лаьца хоамаш.

POWO проекта декхарех цаӀ да — баьцовгӀаш лорадарах глобальни стратеги[en] Ӏалашъяра́ гӀулакх деш болча World Flora Online (WFO) яхача моартала́ флористически хоамаш дӀадалар.

Проект дегӀаярца цхьацца халонаш я, уж ювзаенна я тайп-тайпарча хьасташкара хоамаш хьакхачарца. Хьасташта юкъе башхало хул синонимех йизза хиларга ца хиларга хьажжа, кепатохара кийча хиларга хьажжа, экспертни оценка мишта кӀоарга я хиларга хьажжа. Таханарча дийнахьа ресурс динамически дегӀайоагӀаш я, хоам даим тӀатохаш ба. 2020 шера POWO дунен массадола баьцовгӀаш чу а лоацаш эггара йизза хоамий ресурс я аьнна лаьрхӀай. Таксономически соцамаш ду, вӀаштехьа ма доалла, техка долча шиш болча хьасташта тӀатовжаш, цудухьа POWO духхьал рекомендательни справочник йолаш мо тӀаэца еза, хӀана аьлча, къаьстта йолча таксоний хьакъехьа е къаьстта йолча регионий хьакъехьа кхыдола дукхагӀа шиш бола хьасташ хила мег[2].

POWO ресурсо шийна чулоац[2]:

  • 1 124 000 баьцовгӀий цӀи, дерригача дунен тӀара,
  • 90 100 таксонех йоазонца сурт оттадар,
  • 193 800 сурт.

Белгалдаккхар

[тоаде | тоаде чура]
Комментареш
  1. ↑ Хьажа иштта: Flora Zambesiaca[ru]
  2. ↑ Теркам бе: укхаза Тропическая Африка яха термин хила ма еззара нийса яц, ма дарра хьажа: Tropical Africa[ru]
Хьасташ
  1. ↑ Palmweb (Palms of the World Online). Хоам хьаийца таьрахь: 6.01.2021. Архиваци яьй 18.01.2021.
  2. ↑ 1 2 About POWO.

ТӀатовжамаш

[тоаде | тоаде чура]
Хьаст — «https://inh.ruwiki.ru/w/index.php?title=Plants_of_the_World_Online&oldid=126197068»