Ан-Нахьль

Сурат 16 — Ан-Нахьль
Сурата Ӏарбий йоазув
ЦӀераш
Ӏарбий цӀи	النحل‎
ЦӀера таржам	Нокхарий
Кхыйола цӀераш	ан-НиӀам
КъорӀана чура моттиг
Сурата номер	16
Цунна хьалхадоагӀар	Аль-Хьиджр
Цунна тӀехьадоагӀар	Аль-Исроаъ
Джуз / хизб	14 / 27,28
Доссар
Десса моттиг	Макка
Доссара аргӀа	70
Статистика
РукуӀан таьрахь	16
Аятий дукхал	128
Деший / алапий дукхал	2840 / 7707
Кхыбола хоам
Суджуд	۝
РУВИКИ.Медиа чура файлаш
КъорӀан академен таржамаш

Ан-Нахьль (Ӏарб. النحل — Нокхарий) — КъорӀан ялхайттлагӀа сурат. Макка Ӏодессачарех лоархӀаш да. Ан-Нахьль 128 аятах латт.

Чулоацам

Нокхарий сурата чу 68-чеи 69-чеи аяташка хьоахаду. Сурат мушрик наха хургдола таӀазар бакъдеш тоссаш болча АллахӀа кхерамца долалуш да. Сигаленаши лаьттеи кхоллар цун низа дикагӀа дола далил да. Уккхаза доашх АллахӀа наха малагӀа ниӀматаш деннад а. Сурата тӀа цу ниӀматех АллахӀа хам беи шукар деи дезаш хилари цун цхьаннена мара Ӏибадат де йиш ца хилари яздаьд. Цул тӀехьагӀа мушрик наха ЦаӀ волча АллахӀаца им дилла яхача тӀахьехама керасти даьлга дувц.

Сурата тӀа АллахӀа наха денна рузкъа эргаш долга яз а даьд, вӀаьхичун мискачун хьалхара е сийле а е кӀарагӀдалар а доацилга белгал а даьккхад. Укхаза иштта дувц нах — маӀа нах а кхалнах а — Далла хьалхашка цӀена мах баь а болаш тӀехье хургйолаш хьакхоллара диках. Укх сурата тӀа нийсхонахи, денна дош кхоачашдарахи дола ислама хьехамаш Ӏояздаьд, иштта Къуръана хӀама тарделургдоацилга а цу тӀара мотт шаьра хилар а белгалдаьккхад.

АллахӀа болх кхоачаргба, оаш из сиха а ма бе. ЦӀена ва Из, ЛакхагӀа а ва цар Шийх беттача новкъостех. ۝ Малайкаш доссаду Цо Ший амарца вахьи дахьаш Шийна ловчунга Ший лаьшта юкъера «Оаш кхерам ле, Со воацар даьла ца хилар. Сох кхера а кхера». ۝ Сигаленаши лаьттеи кхеллад Цо боккъонца. ЛакхагӀа а ва Из цар Шийх беттача новкъостех. ۝ Саг а кхеллав Цо тӀадамах, тӀаккха из белгала вола къовсамхо хул. ۝ Хьайбаш а кхеллад Цо, царгахь шоана йӀовхал а пайдаш а да. Царех оаш шоашта хӀама а дуъ. ۝ Царгахь шоана хозал а я, оаш уж сарахь чулоахкача хана а Ӏуйран дӀалоахкача хана а. ۝ Шун мовхьаш дӀакхухь цар, шо халла мара дӀакхоачаргдоацача мехка. Даьра шун Даьла-м КӀаьда Къахетаме ма-в.

Белгалдаккхар

Литература

• Abdullah Yusuf Ali. The Holy Quran: Text, Translation & Commentary (ингл.). — Lahore: Shaikh Muhammad Ashraf, 1938. — 1862 p.
• «Ан-Нахьль – Нокхармозий» // Сийдолча КъорӀан тафсир гӀалгӀай метта : хьалхара дакъа / Харси-наькъан Д. М., ТӀонг-наькъан Я. Хь. — 2-гӀа, тоадаь. — Магас, Минеральные Воды : «Кавказская здравница», 2014. — С. 597—629. — 672 с. — 2000 экз.