Барта гӀала

Башня Согласия (Магас Тауэр)
	Достопримечательность
Башня Согласия (Магас Тауэр)
	Magas Tower Concord (англ.); Барта гӏала (инг.)
	43°10′00″ с. ш. 44°48′06″ в. д.GЯO
Паччахьалкхе	Россе Федераци
Пхье	Магас, ГӀалгӀайче
Архитектура стиль	ГӀалгӀай гӀалай архитектура
Проекта автор	С. Б. Ткаченко (эрс.) (гӀа.
Хьалйоттар	2012—2013 шераш
Лакхал	100 метр
Хьал	тӀехдика
	РУВИКИ.Медиа чура файлаш

Барта гӀа́ла, е Мага́са гӀа́ла (эрс: Башня согласия) — гӀалгӀай юкъерча бӀаьшерий вӀовнал диазза лакхагӀа йолаш 2013-ча шера Магасе хьалъетта́ лакха гӀишло. Барта гӀалий лакхал я^[2]^[3] 100 метр. Цу тӀа хьалтӀавала километр никъ бе беза пандуса тӀагӀолла (лифт яц)^[2]. Из ГӀалгӀай мехка эггара лакхагӀйола гӀишло я, иштта Къулбаседа Кавказе лакхагӀйола гӀала а я.

Тархьар

Барта ГӀала йоттар. 2013-ча шера маьтсела бутт

Дукха хана денз хьадоагӀ гӀалгӀай тайпаш шоай гӀалаш йолаш. Барта гӀала цхьан тайпан гӀала яц, из дерригача тайпай барт беш етта гӀала я.

Проекта вӀашагӀъеллар ва — архитектор Сергей Ткаченко (эрс.) (гӀа.. ГӀала хьалйоттара ахча деннар ва цӀихеза бизнесмен, меценат Харсенаькъан Ӏалихан (эрс.) (гӀа.^[1]. ГӀала йотта йолаяьй 2012-ча шера. Из йоттача хана кхоачашдаьд шира Ӏадат: из етта йистеяьккхай 365 дийнахьа. Хьалъетта йистеяьннай 2013-ча шера.

Чура тоаеш, къахьегаш хиннаб мехкара суртанчаш. Цар сурташка дийхкад гӀалгӀай мифологе цӀихезача турпалий аматаш — Колой КӀанта, Сеска Солсий, шумерий, сарматий. Иштта Кавказ хьаяккхарах (1942—1943), ГӀалгӀайи нохчийи мехках бахарах дола сурташ а го йиш я хьалтеха доахкаш. КӀаларча гӀата тӀа ширача хана хиннача тайпара кийчъяьй моттиг^[4].

Филателиягахьа

Барта гӀалий сурт хьатӀадаьккхад Лаосеи (шишша йола сувенирни марка) Россеи арахийца хиннача пошта маркаш тӀа^[2]. 2014 шера аьтинга бетта 4-ча дийнахьа Россе арахийца хиннай № 1830 йола Барта гӀалий сурт латта пошта марка. Цун тираж 288 эзар экземпляр хиннай, хӀаьта дизайнер А. Дробышев хиннав^[5].