Берий книжкай карта
| Берий книжкай карта | |
|---|---|
 | |
| Доладалар таьрахь | 2026 шу |
| Моттиг |
 Россе Федераци |
| Бахьан | ишколал хьалхара дешархой Ӏомабара паччахьалкхен программа |
| Доакъашхой | 3-ра 6-га кхаччалца шу даьнна бераш |
Берий книжкай карта (Детская книжная карта) — дешадаханза долча берий паччахьалкхен хьеха программа я, 2025 шера аьттинга бетта 5-ча дийнахьа эрсий меттаи Эрсечен къаман метташтеи гӀо деш йола паччахьалкхен политик кхоачашъеш йола заседане Совете Путин Владимира хьоахаяь[1]. ДӀайолалу 2026 шерагара[2]. Кхо эзар сом тӀадола карт хьожадаьд кхаь шерагара ялх шу кхаччалца долча берашта[3]. Экспертни кхело могадаь дола итт книжка эца аьнна, лаьрхӀа[4].
Тархьар
2025 шера аьттинга бетта пхелагӀча дийнахьа эрсий метта гӀо деш йола паччахьалкхен политик кхоачашъешйола заседане Совета Россе президента Путин Владимира тӀадиллар «Пушкина карт» санна «Берий книжкай карта» вӀашагӀдолла, аьнна[1]. Мехка даьга диллача из кхо эзар сом хила деза кхаь шерагара ялх шерага кхаччалца долча берашта лаьрхӀа — литераторашеи, психологашеи, дешадаханза долча берий образовани специалисташи могадаьдола книжкаш эца[3]. Иштта Путин Владимира белгалдаьккхар, из арахецаш бола мах хила беза карт долча дас итт книжка эцал[1].
Книжка — из дезала юкъера Ӏаьдалеи кхетама процессеи дӀадоалашдоаца дакъа да. Уж книжкаш, лакха нравственни маьха дола классически литературе бода никъ хӀаравар тӀакхоачаш хила деза.
Ший меттала (эрс.)Книга – это неотъемлемая часть воспитательного процесса и семейных традиций. И книги для детей, которые открывают путь в мир большой, классической литературы с её высокими нравственными ценностями, должны быть доступны каждому.
Хецар
2026 шерагара денз арахеца лаьрхӀад «Берий книжкай карта»[2]. Паччахьа гӀонча йолча Ямпольски Еленас хьаяхачох из программ регеоне кепаеттара бокъонца догдайташ хургья[1]. Иштта «Дошо доагӀилг»[1], аьнна, карта цӀи тилла мога а даьд цо[1].
ХӀаьта цӀерага диллача со лоархӀаергья могаде: «Дошо доагӀилг»? Доккхача литературни дунен ни1 берашта елаш дола дошо доагӀилг.
Ший меттала (эрс.)А что касается названия, осмелюсь предложить: может быть, «Золотой ключик»? Золотой ключик, которым открывается для ребёнка дверь в мир большой литературы.
ВӀашкаозар
Дага да, кхаь шерагара ялх шерага кхаччалца дола 7-8 миллион хиллал бераш цу программо вӀашкаозаргда[5].
Белгалдаккхар
- ↑ 1 2 3 4 5 6 Заседание Совета по реализации госполитики в сфере поддержки русского языка и языков народов России, Президент России (05.06.2025). Техкад укх дийнахьа: 5.06.2025.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Техкад укх дийнахьа: 6.06.2025.
- ↑ 1 2 Путин предложил запустить программу "Детская книжная карта" - Российская газета, Российская газета (5 аьтинга 2025). Техкад укх дийнахьа: 6.06.2025.
- ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Техкад укх дийнахьа: 6.06.2025.
- ↑ Дети в России. Федеральная служба государственной статистики (1.06.2024). Хоам хьаийца таьрахь: 6.06.2025.
 | Укх лустама́ кхыдола РУВИКИ лустамаш тӀатовжаш дац. |