Галай Хьамида Лема
| Галай Хьамида Лема | |
|---|---|
| эрс: Галай Хьамида Лема | |
| Ваь таьрахь | 1968 |
| Ваь моттиг | Яндаре, Наьcарен шахьар, Нохч-ГӀалгӀай АССР |
| Венна таьрахь | 2022 |
| Паччахьалкхе |
 СССР →  Россе Федераци |
| Ӏилман никъ | Филологи |
| Белха моттиг | ГӀалгӀай паччахьалкхен университет |
| Дешар | Л. Н. Толстой цӀерагӀа хинна Нохч-ГӀалгӀай университета филологический факультет |
| Ӏилманхой дарж | филологе Ӏилмай кандидат |
| Ӏилманхой звани | доцент |
| ЦӀихеза ва укх бахьан |
Ӏилманхо |
| СовгӀаташи премеши | |
Галай Хьамида Лема (эрс: Галаева Лема Хамидовна) — метта Ӏилманхо, ГӀалгӀай паччахьалкхен университета гӀалгӀай метта кафедрай хинна кулгалхо я[1].
Вахар
Галай Лема яьй 1968-ча шера маьтсели бетта 14-ча дийнахьа Нохч-ГӀалгӀай АССР Наьсарен шахьаре, Яндаре. 1975-ча шера из деша яхай Яндарерча юкъерча № 1 йолча ишколе, 1985-ча шера ишкол яьккхачул тӀехьагӀа Лема деша эттай Л. Н. Толстой цӀерагӀа йолча Нохч-ГӀалгӀай университете филологе факультете заочни отделене. Цу шера из балха араяьннай ше деша яьгӀа́ча ишколе. 1991-ча шера цо университет йистеяьккхай эрсий мотти, литературеи, гӀалгӀай мотти литературеи хьехача говзалах.
Болх
1998-ча шера денз 2022-ча шерага кхаччалца Лема болх беш хиннай ГӀалгӀай паччахьалкхен университете гӀалгӀай метта кафедре хьехархо йолаш. 2003-ча шера из деша эттар аспирантуре «Россе Федераце къамай метташ» (эрс: Языки народов Российской Федерации) яхача говзалах. 2006-ча кандидата диссертаци бакъъяьй цо.
2010-ча шерара маьтсели бетта денз 2022-ча шерара оагӀой беттага кхаччалца из болх беш хиннай ГӀалгӀай метта кафедре кулгалххочун декхараш кхоачашдеш. Цо деш хинна тохкамаш гӀалгӀай метта лексикологеца, отраслевой лексикаца дувзаденна хиннад. Университете цо хьехаш хинна дисциплинаш я: «Современный ингушский язык (лексикология)», «Отраслевая лексика в ингушском языке», «Актуальные вопросы отраслевой терминологии ингушского языка»[1]. Цо язбаь, кепатеха арабаьнна 35 Ӏилман болх ба, 50 совгӀа Ӏилман лустамаш да.
СовгӀаташ
• «ГӀалгӀай паччахьалкхен университета Ӏилма дегӀадоалдеш доккха дакъа лацарах» (эрс: «За значительный вклад в развитие науки Ингушского государственного университета»);
• «Дешар далара даькъе лакха толамаш дахарахи, университета Ӏилман белхагахьа ше ше дакъа лацарахи, иштта Россе Ӏилман ди дездар бахьан долаши» (эрс: «За высокие достижения в сфере образования, личный вклад в научную деятельность университета и в связи с празднованием Дня российской науки»).
Кхалхар
Галай Хьамида Лема кхелхай 2022-ча шера оагӀой бетта 9-ча дийнахьа.
Белгалдаккхар
ТӀатовжамаш
Ингушский язык. сайт ИнгГУ. ГӀалгӀай паччахьалкхен университет. Хоам хьаийца таьрахь: 19.10.2024.