Григорьев Андрей Николаевич
| Григорьев Андрей Николаевич | |
|---|---|
 | |
| Ваь таьрахь | 12 маьтсела 1989 (37 шу) |
| Ваь моттиг | |
| Звани | Лохехьара сержант[d] |
| Сраженеш/тӀемаш | Украине дола тӀема латар (2022 шера денз) |
| СовгӀаташи премеши |
 |
Андрей Николаевич Григорьев (12 маьтсела 1989, Киров[d], Сахахьен АССР[d]) — россе тӀемахо, ефрейтор, Украине хиннача тӀема латарий доакъашхо ва, позывной «Тута» я. Россе Федерацен Турпал (2025)[1].
Биографи
Андрей Григорьев ваьв Сахехьерча Нюрбински улусе, дукха бераш долча дезале[2]. Тракторист волаш болх баьб юртбоахама кооперативе ший Нюрбински шахьаре[3].
Украине тӀема гӀулакхашка дакъа лоацаш хиннав. Цун позывной я — «Тута». Россе Федерацен Мехка Низа «Малхбоале» («Восток») яхача бӀений тоабан юкъе 39-гӀча гварде мотострелкови бригаде бӀул деш ва[4][5].
2025 шера саькура бетта 23-ча дийнахьа Эрсече Даьхен гӀончий ди дез а деш россе салташта совгӀаташ луча церемоне Президент Владимир Путинс Андрей Григорьева Эрсечен Турпала «Дошо седкъа» яха мейдилг ялар[6].
Сахехьа Андрея́ шахьара Ӏаьдало квартира а лаьтта а деннад, хӀаьта фермераша гӀо даьд ший ферма хьае, 20 етт а сахий фух говра а енна[3].
Майралца даь гӀулакх
Лайчилла бетта 2024 шера ВСУ лаьрхӀа хиннад ДНР-ера Трудовое яха юрт хьаяккха. Андрей Григорьев бийнашца лата эттав украинхой салтечунца. Довхочун тагӀа тӀа яьллача камеро хьатӀадаьккхад из латар. 2025 шера духе из видео социальни мазашка гӀолла дӀахьаяьржай. Цу хана хайнад ма дарра мишта хиннад а. Андрей Григорьевс хьадийцар шийга а ший новкъостага а амалт даьдар аьнна Трудовое яхача юрта россе байракх йогӀа, амма из декхар кхоачашдеча юкъа Григорьеваца хинна салте вийнав украинхой пулемётчика. ТӀехьагӀа украинхой салте гӀийртав Григорьев герз Ӏокхоссийта, есаралла гӀо яхаш[7], амма Андрей юха ца воалаш духьал эттав[8]. Григорьевага сахий урс хиннад, цунца котваьннав из ший довхочох. Украинхой салтечо дунен тӀа эггара чӀоагӀагӀа салте ва хьо аьннад укхунга, вита ше, «паргӀатта дӀакхолхийта» ше аьнна дехар а даьд. Григорьевс дехар кхоачашдаьд. Латар хинначул тӀехьагӀа Григорьев ше цхьаь кхы а ялх дийнахьа дийна виса гӀерташ Ӏеш хиннав гоннахьа моастагӀий болча[9]. Россе салтечунна 14 осколочни чови, 2 урсаца чови, контузии яь хиннай. Госпитале дарба дайташ иллав.
Андрей Григорьев котваьнна вола ВСУ салте мала хиннав а оттадаь хиннад. 30 шу даьнна Одессай областера ВСУ 71-ча бригадера бӀухо хиннав из Дмитрий Масловский яхаш. Позывной «Кобра» хиннай[10].
Россе Федерацен Президент Владимир Путинс 2025 шера наджгоанцхой бетта 11 дийнахьа Андрей Григорьева Эрсечен Турпала звани яннай «за мужество и героизм, проявленные при исполнении воинского долга» аьнна белгалдаьккха[11].
Цу дийнахьа Андрей Григорьеваца вӀашагӀкхийттав Сахехьен мехкда а Айсен Николаев. Цо белгалдир, бӀухо — эхь хеташ, зӀамсаг ва, шийх турпал а ца хеташ. Цо майралца даьча гӀулакхах йола видео ецаре, из цхьаннена ца вовза а мегар аьнна. ВӀашагӀкхетар чакхдоаллаш Айсен Николаевс Андрей Григорьева керда сахий урс делар[12]. Цул совгӀа Андрея керда «Рысь» яхаш снегоболотоход а дроний детектор а ялар[2].
Дезал
Саг йоалаяь ва, пхи бер кхедеш ва[13].
СовгӀаташ
- Россе Федерацен Турпал (2025)[14].
Белгалдаккхар
- ↑ Указ о присвоении звания Героя Российской Федерации ефрейтору Андрею Григорьеву, Президент России. Техкад укх дийнахьа: 25.09.2025.
- ↑ 1 2 Цвенгер, 2025.
- ↑ 1 2 Игорь Рябов. В Якутии герой, победивший в рукопашной схватке бойца ВСУ, получил квартиру. gazeta.ru. Газета.Ru (11.03.2025). Хоам хьаийца таьрахь: 25.09.2025.
- ↑ Козлов, Иван. Грыз зубами, бил ножом. Перед смертью солдат ВСУ восхитился якутским бойцом, AiF. Техкад укх дийнахьа: 25.09.2025.
- ↑ Маск прокомментировал рукопашную схватку штурмовика из Якутии с военным ВСУ - Российская газета, Российская газета (4 наджгоанцхой 2025). Техкад укх дийнахьа: 25.09.2025.
- ↑ Путин наградил ефрейтора, победившего украинского солдата в рукопашной, РБК. Техкад укх дийнахьа: 25.09.2025.
- ↑ Путин присвоил звание Героя России ефрейтору Григорьеву, Известия (11 наджгоанцхой 2025). Техкад укх дийнахьа: 25.09.2025.
- ↑ Илон Маск прокомментировал схватку якутского военного с боевиком ВСУ, РЕН ТВ (4 наджгоанцхой 2025). Техкад укх дийнахьа: 25.09.2025.
- ↑ Путин присвоил звание Героя РФ бойцу Григорьеву, победившему в рукопашной - Российская газета, Российская газета (11 наджгоанцхой 2025). Техкад укх дийнахьа: 25.09.2025.
- ↑ Козлов, Иван. Стонал напрасно. Боец ВСУ, погибший в схватке с якутом, не дождался помощи, AiF. Техкад укх дийнахьа: 25.09.2025.
- ↑ Путин присвоил звание Героя РФ ефрейтору из Якутии Андрею Григорьеву, TACC. Техкад укх дийнахьа: 25.09.2025.
- ↑ Глава Якутии встретился с героем Андреем Григорьевым, прославившимся на поле боя. Техкад укх дийнахьа: 25.09.2025.
- ↑ Российские ученые увеличили срок службы никелида титана с помощью наноструктурирования. gazetabalakovo.ru. Газета Балаково. Хоам хьаийца таьрахь: 25.09.2025.
- ↑ Указ о присвоении звания Героя Российской Федерации ефрейтору Андрею Григорьеву, Президент России. Техкад укх дийнахьа: 25.09.2025.
ТӀатовжамаш
- Татьяна Цвенгер. Глава Якутска подарил Андрею Григорьеву снегоболотоход. Евгений Григорьев провёл встречу с бойцом с позывным Тута (статья). yakutia.kp.ru. «Комсомольская Правда» (11.01.2025). — глав. ред. О. В. Носова; шеф-ред. сайта В. Ф. Канский. Хоам хьаийца таьрахь: 25.09.2025.