ГӀазданаькъан ӀабдуллахӀа Радимхан

ГӀазданаькъан ӀабдуллахӀа Радимхан
ГӀазданаькъан ӀабдуллахӀа Радимхан
	эрс: Газдиева Радима (Циэш) Абдулаевна
Яь моттиг	СССР
БӀорахол	Россе Федераци
Леладу гӀулакх	товшхала болхло, библиотекан болхло
СовгӀаташи премеши	«КарагӀдаьннарех» ордена кавалер

ГӀа́зданаькъан Ӏабдулла́хӀа Радимха́н(эрс: Газдиева Радима (Циэш) Абдулаевна) — ГӀалгӀай Мехка дукха дика хӀамаш карагӀдийна товшхала болхло, Къаман библиотекан кулгалхо, «КарагӀдаьннарех» ордена кавалер^[1].

Биографи

ГӀазданаькъан Радимхан ворхӀлагӀа йиӀиг хиннай дукхача дезале. ЗӀамига йолча хана денз кинижкашца бувзам лелабаьб цо. Ишкол яьккхачул тӀехьагӀа цох йизза библиотекарь хиннай. Цул тӀехьагӀа говзал лакхаяр духьа деша яхай Нохч-ГӀалгӀай товшхал-дешара училище. ДӀахо цо дийшад Москверча паччахьалкхен товшхала университете. Радима товшхала болхло я 1980-ча шера денз. 1998-ча шера цо яьккхай товшхалеи, искусствони, туризмем болхлой кийчбеш йола институт «Библиотекан менеджер» яхача говзалах. 2012-ча шера цо яьккхай ГӀалгӀай паччахьалкен университет «Паччахьалкхени муниципальнии урхал» яхача говзалах^[2]^[1].

ГӀалгӀайчен къаман библиотеке кулгалхочулла хьожаяьй 1995-ча шера. Из хиннад из яь ди, ардара бетта 24-гӀа ди. Балха дукха халонаш нийсъеннай Радимхана, из кулгалхо эттача хана библиотека отташ мара хиннаяц. Библиотекан фонде 6 000 кинижка хиннад, хӀаьта библиотека чуӀеш хиннай хьалха кинотеатр хиннача гӀишлон чу. Радимхана ший балха говзал совъяларца библиотека лакхерча дарже яьккхай, фонде кинижкаш хьачуденад 80 000 совгӀа, кхыча товшхала юкъарчешцара бувзам чӀоагӀбаьб, шердаьд библиотекан доазув^[1].

Цо арахийца дукха проекташи программаши я: «Информатизация библиотек и создание единой автоматизированной корпоративной сети библиотек Республики Ингушетия», «Модельные библиотеки Республики Ингушетия», Электронный сводный краеведческий каталог, «Микрофильмирование краеведческих периодических баз данных», «Ингушский диссертационный зал», «Многофункциональный мобильный культурный центр Национальной библиотеки Республики Ингушетия»^[1].

2017-ча шера ГӀазданаькъан Радимхана вӀашагӀъеллай ГӀалгӀайчен библиотекий юкъарчен концепци. «Память Ингушетии» яхача проекта кулгалхо я Радимхан. Цу проекте гӀолла цо арахийцад «Летопись печати Республики Ингушетия» яха Паччахьалкхен библиографически хьокхарги иштта 4 томах латта ГӀалгӀайчен мохктохкама каталоги^[1].

СовгӀаташ

• Россе Федерацен дукха дика хӀамаш карагӀдийна товшхала болхло
• ГӀалгӀайчен дукха дика хӀамаш карагӀдийна товшхала болхло
• ЮНЕСКО диплом
• «КарагӀдаьннарех» ордена кавалер
• Дунен Артийски комитета юкъарчен «Просветитель XХI века» сийлен цӀера дошо майдилг

Белгалдаккхар

ТӀатовжамаш

ГӀазданаькъан Ахьмад. Человек, мыслящий стратегически и глобально (эрс.) // «Сердало» : газет. — 2021. — 10 25.

[_43156c524c640d55-1] ¹ ² ³ ⁴ ⁵ ГӀазданаькъан А., 2021.

[2] Директор — Газдиева Цаэш Абдуллаевна

[1]

[2]