Гӏалгӏайчен къаман библиотека

Гӏалгӏайчен къаман библиотека
Гӏалгӏайчен къаман библиотека
	Янданаькъан Х. Ж. цӀерагӀа йола ГӀалгӀай Республика Къаман библиотек
	43°18′53″ с. ш. 45°02′59″ в. д.GЯO
Мохк	Эрсече;
Адрес	Россия, Ингушетия, Сунженский район, г. Сунжа, ул. Луначарского, д. 106
Йиллай	1993
МазаоагӀув	nbri.ru (эрс.)

Янданаькъан Х. Дж. цӀерагӀа йола Гӏалгӏайчен къаман библиотека (эрс: Национальная библиотека Республики Ингушетия имени Дж. Х. Яндиева) — 1993-ча шера Ӏойилла йола Шолжа-Пхьера Россе библиотека.

Тархьар

1993-ча шера бекарга бетта 6-ча дийнахьа соцам баьб библиотека Ӏойилла аьнна. Цун хьалхара цӀи хиннай республикан библиотека яхаш. 1994-ча шера маьцхала бетта 6-ча дийнахьа библиотекан доалахьа дӀаеннай кинотеатра гӀишло^[1].

1995-ча шера ардара бетта дешархошта хьайийлай библиотека. Кулгалхочулла эттай дукха дика хӀамаш карагӀдийна товшхала болхло ГӀазданаькъан ӀабдуллоахӀа Радима. 1997-ча шера ГӀалгӀай Мехка даьккхача законах библиотеко дӀаийцад хиланза даргдоаца каьхаташ. 1999-ча шера кӀимарса бетта 13-ча дийнахьа библиотеках къаман библиотека аьнна цӀи тиллай^[1].

1997-ча шера денз библиотеке дӀакхухьаш да мехка библиотекан гӀулакхацара тохкамаш. 1998-ча шера денз болх беш да «ГӀалгӀайчен зарбан тархьар» яха библиографически гойтарги «ГӀалгӀай мохк. Таьрахьаши хиннараши» яха зарбанчен проекти^[2].

2002-ча шера вӀашагӀъеллай библиотекан юкъарло. 2004-ча шера гӀишло эргаяьккхачул тӀехьагӀа шозлагӀа хьайийлай. 2005-ча шера цу чу хьайийлай бокъон хоамий центр, 2007-ча шера — цифровой технологен центр^[2].

Белгалонаш

Библиотекан фонда́ юкъе да 150 эзар документи 230 хиллал периодически издании. Фонда юкъе да 1995-ча шера 2001-ча шера Товшхала министервос денна дола 5 эзар Ӏоахаранаькъан ГӀойберда Нурдин коллекцех кинишкаши, 2005-ча шера хьауийца дола Байсаранаькъан Муртаза Мурада коллекцех 321 экземпляри^[2].

Библиотекан ший электронни базеи электронии каталоги да^[1].

Библиотеке болх беш я зарбанчен отдел, цо арахец мехках дола зарбанчен проекташ. Арахийцад 200 проект^[2].

Белгалдаккхар

↑ ¹ ² ³ Лилия Харсиева. 6 апреля 1993 года была документально создана Национальная библиотека Ингушетии (эрс.). Ингушетия (6.04.2022).
↑ ¹ ² ³ ⁴ Хроника библиотеки (эрс.). Национальная библиотека Ингушетии.

ТӀатовжамаш

Харсиева Л. Юбилейная дата: К 30-летнему юбилею Национальной библиотеки Республики Ингушетия имени Дж. Х. Яндиева // Ингушетия / Гл. ред. Р. Хамхоев. — 2023. — 7 бекарга.
nbri.ru (эрс.) — Национальной библиотеки Ингушетии керттера мазаоагӀув

[ing-1] ¹ ² ³ Лилия Харсиева. 6 апреля 1993 года была документально создана Национальная библиотека Ингушетии (эрс.). Ингушетия (6.04.2022).

[hist-2] ¹ ² ³ ⁴ Хроника библиотеки (эрс.). Национальная библиотека Ингушетии.

[1]

[2]