Далганаькъан

Далганаькъан (эрс: Долгиевы) — гӀалгӀай къаман массехк тайпай дакъа да, вешта аьлча, тайпан е ваьра никъ.

ЦӀи

ГӀалгӀай меттала Далганаькъан яхача ваьра наькъа цӀи хьахиннай: Далг яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Долгиев», «Долгиева», «Долгиевы» аьнна язъю^[1].

Тархьар

Далганаькъан ба ТӀумахой яхача тайпан. Хьабаьнна моттиг тахкача, цар бувзам ба Долакх-Юртаца. Уж бах Долакх-Юрта а, СурхотӀа а, Наьсаре а.^[2].

Далганаькъан наькъаш хьадоладалар да цу массехк тайпан хиннача Далг яхача сагагара, ишта цу Далгах хьа мел байна нах «Далганаькъан» а ба, ший-ший тайпан а ба.

1886 шера ТӀумахой тайпан Далганаькъан Долакх-Юрта 43 фусам хиннай, СурхотӀа - 10, Наьсаре 4 фусам хиннай^[2].

ЦӀихеза нах

Далганаькъан Олмаза Аьдалгири (1850—1903) — Россе имперера юкъарлон къахьегамхо;
Далганаькъан ГӀайре Къоасам (1852—1919) — Россе паччахьа эскара полковник, Деникина эскарца кӀайчарех хиннав, хьалхара гӀалгӀа-артиллерист.
Далганаькъан Уцига Малсаг (1825—1857) — гӀалгӀай турпал.
Далганаькъан Хьамзат (1992) — вӀашагӀъийнача латарий латархо.

Литература

Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.

Цхьатарра тайпанцӀи йолча нахах лаьца долча лустамий листам.
Нагахьа санна хьо укхаза РУВИКИ энциклопеден кхыча оагӀон тӀара кхаьчавале(-яле), из укхазахьа вугаш бола тӀатовжам тоабе беза, къаьстта цхьан сагах болча лустамага из тӀахьожабеш хургболаш. Хьажа иштта долаш долча лустамий бӀарчча болча листамага.

[_6eeb3213280403a2-1] Ономастикон Ингушетии, 2021, оа. 17.

[_69dd7d5d37e70804-2] ¹ ² Дахкильгов, 1991, оа. 13.

[1]

[2]