Джоханна Николс

Рувики материал
Джоханна Николс
Johanna Nichols
Джоханна Николс.jpg
Яь таьрахь 1 наджгоанцхой 1945(1945-01-01) (81 шу)
Яь моттиг
Паччахьалкхе
Ӏилман никъ лингвистика
славистика
кавказйовзар
Белха моттиг Беркле йоалла Калифорнера университет
Дешар
Ӏилманхой дарж духлохама доктор (PhD) лингвистике
Ӏилманхой звани профессор
ЦӀихеза ва
укх бахьан		 тархьара лингвистике йола говзанча
СовгӀаташи премеши Награды Ингушетии (лента).png
МазаоагӀув slavic.berkeley.edu/peop…

Джоха́нна Бибесха́ймер Ни́колс[1] (иштта «Николз»[2], е «Никольс»[3], ингал: Johanna Biebesheimer Nichols; 1 наджгоанцхой 1945, Айова-Сити[d], Айова[d]) — америкера лингвист; тархьара лингвистиках а, типологех а, славяний меттаех а, нахски меттаех а говзанча. Беркле йоаллача Калифорнерча университета  (эрс.) (гӀа. славяний меттайи литературийи отделенен профессор-эмерит.

Лингвистикай типологен ассоциацен доакъашхо я, 2011—2015 шерашка — цу Ассоциацен президент[4]. Россе Ӏилмай академен кхыча мехкара доакъашхо я 2022 шера денз[5].

Биографи

Джоханна Николс яьй 1945 шера наджгоанцхой бетта 1-ча дийнахьа Хетта Америкерча Штаташка Айова-Сити яхача пхье. 1967 шера Айован университет яьккхай (Ӏилмай бакалавр, тӀехдика дийша диплом даьккхад керттерча говзалах «фаьренгий мотт»), цига иштта Ӏомабаьб цо эрсий мотти лингвистикеи. 1971—72 шерашка эрсий мотт хьийхаб Нью-Мексико университете хӀанзарча замани классическии меттай отделене чу, иштта флейта а пикколо а яха локхаргаш лийкхай Альбукеркерча  (эрс.) (гӀа. Симфонически оркестре[6].

1973 шера лингвистике Ph.D. степень яьккхай Беркли йоаллача Калифорнерча университете, диссертацен тема — «Балтий-славяний предикативни инструменталис: диахронически синтаксиса проблема» (The Balto-Slavic predicate instrumental: A problem in diachronic syntax).

Цу университета славяний меттайи литературийи отделене чу болх баьб 1970-ча шерашкара денз, царех 1985 шера денз — профессора дарже а йолаш. 2009 шера эмерит хьахийннай. Иштта 2004 шера денз цу университета лингвистикан отделене чу болх беш а я. НИУ ВШЭ чу хьаяь хиннача Дунен къамашта юкъерча меттай конвергенцен лабораторен Ӏилман кулгалхо хиннай 2017 шера[7].

Т. В. Гамкрелидзеи В. В. Ивановеи (1984 шерара) «Индоевропейский язык и индоевропейцы» яхача цӀихеза книжка ингалсий меттала даьккха таржамхо я Николс, 1995 шера арахийцад из Mouton de Gruyter яхача зарбанче[8].

Керттера белхаш

  • Johanna Nichols. Predicate Nominals: A Partial Surface Syntax of Russian. Berkeley: University of California Press, 1981. ISBN 0-520-09626-6
  • Johanna Nichols. Linguistic Diversity in Space and Time. Chicago: University of Chicago Press, 1992. ISBN 0-226-58056-3
  • Johanna Nichols and Arbi Vagapov. Chechen-English and English-Chechen Dictionary = Noxchiin-ingals, ingals-noxchiin deshnizhaina. London; New York: Routledge Curzon, 2004. ISBN 978-0-203-56517-9
  • Johanna Nichols. Ingush-English and English-Ingush dictionary = Ghalghaai-ingalsii, ingalsii-ghalghaai lughat. London; New York: Routledge Curzon, 2004. ISBN 0415315956
  • Johanna Nichols. Ingush Grammar. Berkeley: University of California Press, 2010. ISBN 0-520-09877-3. (Книжка маьрша тӀакхоачача да: укхаза // Wayback Machine архиве дӀадилла шоллар (5.01.2017))

СовгӀаташ

  • Джоханна Николса «Айламеи хана чухьи метташ башха хилар» (Linguistic Diversity in Space and Time) яхача книжка́ 1994 шера Американ лингвистикай юкъарлоно (LSA) телаш йола Леонард Блумфильда преми еннай — «лоадам болча хана кӀоаргаленашкеи тӀехйоккхача гаьналашкеи меттай тархьар тахкара керда никъ хьехаш лингвистика чу баьча боккхача къахьегамах» (a major contribution to linguistics, providing a novel framework for studying language history at great time-depth and over vast distances)[9].
  • ГӀалгӀай лингвистика дегӀайоалаеш карагӀдаьннарех а дуккхача шерашка тешшаме баьча къахьегамах а ГӀалгӀай Республика Мехкдаь 2005 шера бекарга бетта 27-ча дийнахьа № 106 йолча амарца ГӀалгӀай Мехка лакхера паччахьалкхен совгӀат деннад — «КарагӀдаьннарех» орден[10].

Белгалдаккхар

  1. ↑ Николс Джоханна // Wayback Machine архиве дӀадилла шоллар (10.11.2019) (эрс.) на сайте hse.ru
  2. ↑ Как и зачем лингвисты измеряют морфологическую сложность
  3. ↑ Неисчерпаемый клад родного слова (13.04.2005)
  4. ↑ Архивированная копия. Хоам хьаийца таьрахь: 4.01.2017. Архиваци яьй 9.03.2016.
  5. ↑ Списки избранных академиков, членов-корреспондентов и иностранных членов Российской академии наук. «Научная Россия» (2.06.2022). Хоам хьаийца таьрахь: 6.06.2022. Архиваци яьй 7.06.2022.
  6. ↑ Johanna Nichols. Short curriculum vitae, September 2016 (тӀакхоачача боаца тӀатовжам)
  7. ↑ Международная лаборатория языковой конвергенции — Национальный исследовательский университет «Высшая школа экономики». Хоам хьаийца таьрахь: 19.09.2017. Архиваци яьй 19.09.2017.
  8. ↑ Иванов Вяч. Вс., Гамкрелидзе Т. В.  Индоевропейский язык и индоевропейцы: Реконструкция и историко-типологический анализ праязыка и протокультуры. В 2 тт. — Тбилиси: Изд-во Тбилисского ун-та, 1984. — xcvi + 1328 с. (engl. trans. by J. Nichols. Berlin; New York. 1995).
  9. ↑ Leonard Bloomfield Book Award Previous Holders | Linguistic Society of America. Хоам хьаийца таьрахь: 4.01.2017. Архиваци яьй 13.08.2016.
  10. ↑ http://www.ingush.ru/serdalo92_1.asp // Wayback Machine архиве дӀадилла шоллар (9.03.2016) http://www.ingush.ru/serdalo187_3.asp // Wayback Machine архиве дӀадилла шоллар (9.03.2016)

ТӀатовжамаш

Хьаст — «https://inh.ruwiki.ru/w/index.php?title=Джоханна_Николс&oldid=126530279»