Къоастой Устархана Ширвани

Къоастой Устархана Ширвани
Къоастой Устархана Ширвани
Ваь таьрахь	1923
Ваь моттиг	Галашке, Нохч-ГӀалгӀай АССР
Кхелха ха	6 маьцхали 1949
Кхелха моттиг	Елгава, Латве ССР, СССР
БӀорахол	СССР
БӀун тайпа	СССР-а тӀема-фецара нидзаш
Звани	includeonly>
Кулгалдаьд	авиаце чӀуг
Сраженеш/тӀемаш	Сийлахь-Боккха Даьхен тӀом

Къоастой Устархана Ширвани эрс: Ширва́ни Устарха́нович Косто́ев; 1923, Галашкe, Лоамарой АССР — 6 маьцхали 1949, Елгава^[d]) — воккхагӀа лейтенант, авиацен сура юкъейоагӀача чӀуга хьовда, Сийлахь-Боккха Даьхен тӀема доакъашхо, Россе Федерацен Турпал. Из совгӀат цунна деннад 1995 деннад кӀимарса бетта 6-ча дийнахьа (венначул тӀехьагӀа).

Биографи

Ширвани ваьв 1923-ча шера Нохч-ГӀалгӀай АССР Галашка. 1941-ча шера из бӀул кхоачашдеш хиннав ЦӀеча Эскара юкъе. 1942-ча шера цо дийга йистеяьккхай Краснодарера тӀема авиаце пилотий ишкол. БӀул кхоачашдаьд Поволжьеи Сибареи.

ТӀем тӀа хиннав 1942-ча шера денз. Ил-2 самолётаца гӀетташ хиннав. 100 совгӀа ихав из моастагӀий бӀенашта штурма, кхозза лозаваь хиннав, лозаваьчул тӀехьагӀа меттаэтте юха тӀема юкъеихав.

Курске тӀом беча хана цо йохаяьй моастагӀчун 11 танк. Цкъа юхавийрзачул тӀехьагӀа цунна го баьб моастагӀчун кхаь самолёто. Царех ца1 Ширване чуяхийтай, цхьабакъда укхан самолёт ше лозаяь хиннай. Ӏоханза Ӏе йиш йолаш хиннавац. Хала Ӏохайнав ший доазон тӀа. 11 Ӏург хиннад даьккха.

КӀайэрсечеи Прибалтикеи Малхбоален Пруссии мукъайоаккхача дакъа лоацаш хиннав из. 1945-ча шера бекарга бетта Кёнигсберге цо чудахийтад 125 салети эпсари чубола кема. Иштта шозлагӀа фецара котало яьккхай, «Фокке-Вульф Fw 190» кема чудахийта^[1]. Цул тӀехьагӀа цун полк Берлина чухьадара операцех дакъа лоацаш хиннав. Германена капитуляци йилалехьа ши-кхо ди хьалха Ширване моастагӀчун кхоалагӀа самолёт чуяхийтай^[2].

ТӀом дӀабаьнначул тӀехьагӀа

Цунн хьожаяь хиннай Советий Союза Турпала цӀи, цхьабакъда аьнна бахьан доацаш юхаяьккхай. Хьовдаша лоархӀаш хиннав из, цудухьа 1944-ча шера юхаваьккхавац, гӀалгӀайи нохчийи мехках боахача хана. 1945-ча шера из Казахехьа Алма-Ате вахав, гаргарча нахах бӀарг тоха а, шийна могача бесса царна гӀо де а.

ТӀом дӀабаьнначул тӀехьагӀа Прибалтикан тӀема округе ВВС бӀена юкъе хиннав из. ГӀеттара-испытательни болх беш хиннаб цар. 1949-ча шера маьцхали бетта 6-ча дийнахьа кхелхав из. ДӀавеллав Латвий ССР Елгава пхье.

Сийлахь-Боккхача Дьахен тӀем тӀа хьинаре немцашта-фашисташта духьалъоттарах 1995-ча шера кӀимарса бетта 6-ча дийнахьа даьккхача № 679 Россе Федераце Президента амарах воккхагӀволча лейтенанта Къоастой Ширванена кхелхачул тӀехьагӀа еннай Россе Федераце Турпала цӀи.

СовгӀаташ

Майдилг «Дошо седкъа»;
ЦӀеча Байракха Орден;
1-ча даржа Даьхен тӀема орден;
2-ча даржа Даьхен тӀема орден;
ЦӀеча седкъий орден;
майдалгаш.

Дагалоацам

2025-ча шера бекарга бетта Къулбаседа Кавказа Россети Ширване цӀерагӀа яьй МагӀалбикера 110/35/6 кВ «Вознесеновская-2» постанцеш.

ТӀатовжамаш

↑ Ширвани Костоев (эрс.). magas.bezformata.com/ (24.03.2025). Хоам хьаийца таьрахь: 14.10.2025.
↑ Участник Великой Отечественной войны — Костоев Ширвани Устарханович (эрс.). ing-nii.ru/ (4.04.2025). Хоам хьаийца таьрахь: 14.10.2025.

[1] Ширвани Костоев (эрс.). magas.bezformata.com/ (24.03.2025). Хоам хьаийца таьрахь: 14.10.2025.

[2] Участник Великой Отечественной войны — Костоев Ширвани Устарханович (эрс.). ing-nii.ru/ (4.04.2025). Хоам хьаийца таьрахь: 14.10.2025.

[1]

[2]