Лаьнанаькъан Султана Ахьмад
| Лаьнанаькъан Султана Ахьмад | |
|---|---|
| эрс: Льянов Ахмед Султанович | |
 | |
| Ваь таьрахь | 13 оагӀой 1971 (54 шу) |
| Ваь моттиг |
 СССР |
| БӀорахол |
 Россе Федераци |
| Леладу гӀулакх | артист, режиссёр |
Лаьнанаькъан Султа́на Ахьмад (эрс: Льянов Ахмед Султанович; 13 оагӀой 1971) — ГӀалгӀайчен Халкъа артист, Эрсий паччахьалкхен мукъама-драматически театра режиссер, Щукински училища дешархо.
Биографи
Юхьиг
Лаьнанаькъан Ахьмад ваьв 1971-ча шера оагӀой бетта 13-ча дийнахьа[1]. Цун берал дӀадахад Пла́нашка. Ишколе деша вагӀача хана тайп-тайпарча гойтамашка чоалхане амалташ кхоачаш деш хиннад цо. Ший ханара кагирхой санна, ха хьатӀакхаьчача миноте из бӀул кхоачаш де вахав. Цул тӀехьагӀа Ахьмад деша эттав ГӀалгӀайчен чурча гӀулакхий маьженашка. Цхьабакъда, цу наькъа тӀагӀолла из дӀахо дӀавахавац. Цо хержад шийна кхыдола балха дакъа.
Дешар
1995-ча шера из деша эттав Щукински училище. Деша вагӀача цунна карагӀдаьннад Азазелло (Булгакова «Мастер и Маргарита»), Пиросмани (Кузнецова «Пиросмани»), Свидригайлова (Достоевски «Преступление и наказание») амалташ кхоачашде. Училище цо дийша йистеяьккхай 1998-ча шера. Из ГӀалгӀайчен Халкъа артист ва.[2].
Кхоллам
Кхоллама никъ болабенна мара бацар цо толамаш доахача хана: цои цун новкъосташи вӀашагӀделлача «Современник» театро Хьалхарча Дельфийски ловзарашка дошув даьккхад, цул тӀехьагӀа, «Марш мира и согласия» акце дакъа лоацаш, Россе пхьешка дӀа-хьа ихаб. Иштта дакъа лоацаш хиннаб «Театр без границ», «Сцена без границ», «Комплимент» яхача фестивалашка, Къамашта юкъерча Къулбаседа Кавказа республикий эрсий театрий фестивале а, иштта кхыча яхьашка а[3].
Болх
2025 шера из дакъа лоацаш хиннав «Наш спецназ. Ингушетия-2» яхача сериале. ШоллагӀча сезонах Асхьаба амалт кхоачашдаьд цо. Хьалхара сезон араяьннай 2024-ча шера лайчилла бетта, шоллагӀа сезон араяьннай 2025 шера.
2025 шера оагӀой бетта хьекхай спектакль «Одна ночь». Лаьнанаькъан Ахьмад цу юкъе режиссёра болх кхоачашбеш хиннав. Спектакль оттаяьй Кайсына Кулиева цӀерагӀа йолча Балкхарой паччахьалкхен драматически театре. 2026 шера маьцхали бетта цо дакъа лаьцад «Культура» яхача программа «Магас» каналах[4].
Белгалдаккхар
- ↑ Темерлан Дзейтов поздравил с юбилеем Народного артиста РИ А.С. Льянова
- ↑ Ахмет Льянов
- ↑ Ахмед Льянов: «Спектакль — дело коллективное, где и провал, и успех — итог работы режиссера и актеров»
- ↑ Балкарский госдрамтеатр представил премьеру спектакля «Одна ночь». vestikbr.ru. Хоам хьаийца таьрахь: 10.09.2026.