Планаш
| Планаш | |
|---|---|
| эрс: Микрорайон №1 | |
| 43°03′09″ с. ш. 44°43′54″ в. д.GЯO | |
| Мата | |
| Пхье | Буро |
| Пхье административни округ | Иристонски |
| Хьалха хинна статус | юрт |
| Пхье доазонна хьачулаьца шу | 1946 шу |
| Этнохороним | планашхо, планашхой |
| Пошта индексаш | 362900 |
| Майда | км² |
| Бахархой | 4800 саг |
| Фусамий юкъара майда | эзар м² |
| Телефоний кодаш | 8672 |
Пла́наш, Пла́нашка (я) (хӀир. Карца, эрс: Планы, Карца; микрорайон № 1) — Бурон № 1 йола микрошахьар[1]. Хьалха къаьстта юрт хиннай[2]. Планашка ба́хараш дукхагӀа гӀалгӀай ба, хӀаьта Буро тӀа хӀанз дукхагӀа хӀирий ба́харга хьежжа, Планашкарча гӀалгӀай ва́хар сатийна дац[3][4][5].
Географи
Спутник яхача тӀеман пхьенна духьали Шолхенна улуви улл Планашка [3][4].
ЦӀи
Пла́наш, Пла́нашка
ГӀалгӀай меттала юртах Пла́наш[6][7] оал, цкъаза Пла́нашке а яздеш нийслу — из, хьагучох, мича? яхача хаттара́ жоп луш хилча, Пла́нашка оалаш хиларах иштта этта́ хила де́заш да, цкъаза Пла́нашка юрта цӀи лоархӀаш а хул[8][9]. Из цӀи ишта я юрт Ӏаьдало пла́нах йилла́ хиларах.
Эрсий меттала цкъарчоа Планы яхаш хиннай юрт, тӀаккха Карца́ аьнна дӀахийцай — из хӀирий цӀи я юххьанца. Пла́нашкех цу тайпара цӀи тилалехь Шолхи хиннай хӀирийи эрсийи меттала Карца́ яхаш, цхьабакъда Шолхи ЖӀайрахой-Юртаца вӀашагӀ а те́ха Октябрьское йилла́й, цудухьа, Карца́ яха цӀи мукъаяьнна хиларахЮ Пла́нашта дӀатиллай из[10].
Тархьар
Буро тӀа теракт хинначул тӀехьагӀа, 2010 шера сентябрь 10 дийнахьа массех бӀаь хӀирий кагирхо Ӏоволавенна хиннав гӀалгӀашта духьала дола къамаьл кхайкадеш Планашка йолча оагӀорахьа. Цу юкъа Планашка бахараш шоашта зулам дергхилара́ кийчлуш хиннаб. ХӀирашта дезар хиннад ГӀалгӀай Мехкацара доазув дӀакъовлари шоай Ӏаьдал дӀадаккхари. Буро тӀара денз полице машенаша Ӏосувца а яхаш Планашка дӀатӀакхаьча бала боахкаш хиннаб уж юххера хӀирий Ӏаьдал ОМОНацеи БТРашцеи хьадухьалдена хиннад царна уж чакх ца боалийташ Ӏаьдало кагирхошца къамаьл даь хиннад Ӏаьдал гӀулакхага хьожаргда а аьнна барт баь дӀа-хьа къаьстаб цигара нна[3][11].
Куре хӀираштеи гӀалгӀаштеи къовсамаш хул каст-кастта. Нах лозабеш, човнаш яь дарбанче ӀотӀабига безаш хулийташ 2017 шера а летаб[12], 2021 шера Планашка доагам дувттача моттига́ йисте тепч дӀа-хьа тохаш моттигаш а хиннай, ЗӀилбухерча ХӀириийчера беха́ хьабехка́раш бахьан долаш[13][14].
Бахархой
2010 шера Планашка вахаш 4800 саг хиннав, царех 3700 гӀалгӀа а волаш[4].
Белгалдаккхар
- ↑ Устав Владикавказа. Хоам хьаийца таьрахь: 19.07.2011. Архиваци яьй оригинала тӀара 19.10.2010.
- ↑ Карца (поселок сельского типа) // Wayback Machine архиве дӀадилла шоллар (25.11.2010) // Система «Налоговая справка»
- ↑ 1 2 3 Алленова, сентябрь, 2010.
- ↑ 1 2 3 Алленова, октябрь, 2010.
- ↑ Фарниев, Мурадов, 2010.
- ↑ Кодзоев Н. Д. Русско-ингушский словарь / Ред. Р. Р. Хайрова, к. филол. н.; рец. З. Х. Киева, д. филол. н. — Справочно-энциклопедическое издание. — Ростов-на-Дону: Лаки Пак, 2022. — 656 с. — 500 экз. — ISBN 978-5-906785-55-8.
- ↑ Ономастикон Ингушетии, 2021, оа. 39.
- ↑ Куркиев, 2010.
- ↑ Ӏарчакхнаькъан, 2017, оа. 3.
- ↑ Куркиев, 2002.
- ↑ Фарнаев, Мурадов, 2010.
- ↑ Кавказский узел // Два ингуша пострадали в стычке с осетинами в Пригородном районе
- ↑ Фортанга.орг // и осетины пострадали в результате перестрелки на Карцинском шоссе, 11.11.2021
- ↑ Кавказ.Реалии // В пригороде Владикавказа в селении Карца произошел конфликт со стрельбой, 01.09.2017
Литература
- А. Куркиев. О некоторых топонимических названиях плоскостной Ингушетии // Литературная Ингушетия : тептар. — 2002. — № 2 (20).
- Заур Фарниев, Муса Мурадов. Владикавказ нашел село отпущения // Коммерсантъ : газет. — 2010. — 14 сентября (№ 169). — С. 5.
- Ольга Алленова. Люди все время боятся, что из-за этой сволочи их придут убивать // Коммерсантъ Власть : газет. — 2010. — 4 октября (№ 39). — С. 38.
- Ольга Алленова. Если мы поднимемся, мало не покажется // Коммерсантъ Власть : газет. — 2010. — 20 сентября (№ 37). — С. 30.
- Ономастикон Ингушетии / Сост. Н. Д. Кодзоев, З. Х. Киева. Рецензенты: доктор пед. наук, проф. Т. В. Жеребило, канд. филол. наук, с.н.с отдела ингушского языка ИНИИГН Ф. М. Костоева, Редакторы: Х.А. Накостхоев, Р. Р. Хайрова; Консультант: Б. А. Хайров. — Справочно-энциклопедическое издание. — М.: ТПК «Центробланк», 2021. — 120 с. — 500 экз. — ISBN 978-5-91303-022-1.
- С. Арчаков. Мишта язъю вай юртий цӀераш? (гӀал.) // Сердало : газет. — 2017. — 9 саькура (№ 17 (11753)). — С. 3.