Малсаганаькъан Мухьмад-Сале Зарема
| Малсаганаькъан Мухьмад-Сале Зарема | |
|---|---|
| эрс: Мальсагова Зарема Магомед-Салиевна | |
 | |
| Яь таьрахь | 13 маьтсела 1964 (62 шу) |
| Яь моттиг | Наьсаре |
| Кхелха таьрахь | 13 маьтсела 1964 |
| БӀорахол |
 Россе Федераци |
| Леладу гӀулакх | мукъамхо, артист |
Малсаганаькъан Мухьмад-Сале Зарема (эрс: Мальсагова Зарема Магомед-Салиевна; 13 маьтсела 1964) — ГӀалгӀайчен артист, мукъамхо, хьехархо, Россе мукъамхой юкъарлон доакъашхо, ГӀалгӀайчен дукха дика хӀамаш карагӀдийна искусствон болхло.
Биографи
Малсаганаькъан Зарема яьй 1964-ча шера маьтсела бетта 13-ча дийнахьа[1] Нохч-ГӀалгӀай АССР Наьсаре дукхача дезале. Цун да ӀабдуллахӀа Мухьмад-Сали Пенсионни фонда болхло хиннав. Нана Албохчанаькъан Ювсапа Цаэш пандар лакха ховши багахбувцам дика бовзаши хиннай. Заремас 1971-ча шера юкъера ишкол йоаккхаш, мукъама ишкол а яьккхай (класс «фортепиано»). 1979-ча шера яьккхай мукъам ишкол, цул тӀехьагӀа Нохч-ГӀалгӀай АССР мукъама училище дирижёрско-хоровой отделени. Деша ягӀача хана концерташ тийнад Пятигорске а, Махачкале, Буро тӀа а, Ростове а. 1983-ча шера болх бе йолаеннай Наьсарерча мукъама ишколе «Фортепиано», «Хор» классашка хьехархо йолаш.
1985-ча шера деша эттай Краснодарерча паччахьалкхен товшхала институте товшхал-дешара факультете дирижёрско-хоровой отделене, тӀехдика йистеяьккхай 1990-ча шера. 1991-ча шера денз цо болх баьб Наьсарерча мукъама ишколе хьехархо а, завуч а йолаш, цул совгӀа кулгалхочун декхараш кхоачашдеш а, дакъа лоацаш хиннай Хамхой Ахьмада цӀерагӀа йолча паччахьалкхен филармоне оркерстр кхоллаш.
Цу шера хораца даьхад иллеш: «Хьо сога кхайкача» (Йовлой Илеза дешаш), «Дунен чу хозагӀа хьо цаI я сона» (Дешаш Хамхой Ахьмада), иштта кхыдараш а.
1999-ча шера денз дирижёр хиннай Лоамарой кадетий корпуса оркестра.
2004-ча шера Зарема деша эттай С. Рахманинова цӀерагӀа йолча Ростова паччахьалкхен консерваторе теоретико-мукъама факультете (класс «композиция»), 2008-ча шера тӀехдика йистеяьккхай.
2004-ча шера ГӀалгӀайчен искусствон колледже из хьехаш хиннай «Сольфеджио», «Музыкальная литература» яха дисциплинаш. Ше болх беча юкъа цо вӀашагӀъеллай 2 тоаба: «Дошо лийг» мукъама тоабеи Лоамарой кадетий корпуса хори, цо хьийхаьва 80 совгӀа дешархо (класс фортепиано).
Цо язбаьб 40 совгӀа халкъа мукъам. 2006-ча шера цо арахийцаб иллехи романсахи латт «Музыка любви» яха гуллам.
2008-ча шера юкъеяхай Россе мукъамхой юкъарлонна юкъе[2].
Белгалдаккхар
- ↑ День недели в нашей истории. serdalo.ru. Хоам хьаийца таьрахь: 9.10.2025.
- ↑ Мальсагова Зарема Магомедсалиевна. unioncomposers.ru. Хоам хьаийца таьрахь: 9.10.2025.