Московски область
| Россе Федерацен субъект | |||||
| Московски область | |||||
|---|---|---|---|---|---|
 | |||||
|
|||||
| 55°37′41″ с. ш. 37°44′17″ в. д.GЯO | |||||
| Паччахьалкхе |
 Россе Федераци |
||||
| Адм. центр | Красногорск[d][1] | ||||
| Губернатор | Воробьёв, Андрей Юрьевич[d] | ||||
| Тархьари географии | |||||
| Майда |
|
||||
| Сахьата оаса | MSD , Европа/Москва[d] | ||||
| Охлой | |||||
| Охлой |
|
||||
| Дагарга идентификатораш | |||||
| Код ISO 3166-2 | RU-MOS | ||||
| ОКАТО код | 46 | ||||
| Телефона код | 496, 498 , 495 | ||||
|
|
|||||
| Официальный сайт (эрс.) | |||||
 РУВИКИ.Медиа чура файлаш | |||||
![Флаг[d]](/wiki/%D0%A4%D0%B0%D0%B9%D0%BB:Flag_of_Moscow_oblast.svg)
![Герб[d]](/wiki/%D0%A4%D0%B0%D0%B9%D0%BB:Coat_of_arms_of_Moscow_Oblast_(large).svg)
Моско́вски область (эрс: Московская область) — Юкъерча Федеральни округа юкъе йола Эрсечен субъект я.
Московски областа юкъ я — Москва. Административни доал ду моттигаш Москве а Красногорске а я. Бахархой дукхалга диллача, Московски область Эрсечен субъекташта юкъе шоллагӀа йоагӀа Москва́нна мара тӀехьа ца юсаш.
Малхбоален Европай арен юкъера да́къа дӀалаьцад цо, Идал, Ока, Клязьма, Москва яхача хиний бассейне. ГӀинбухехьа Московски областа гӀай да Тевара областаца, гӀинбухен-малхбоалехьа — Владимира областаца, зӀилбухен-малхбоалехьа — Рязана областаца, зӀилбухен-малхбузехьа — Калуган областаца, зӀилбухехьа — Тулан областаца, малбузехьа — Смоленска областаца, юкъе — Москваца. Ярославла областаца гӀай да гӀинбухехьа.
Московски область хьахиннай 1929-ча шера нажгоанцхой бетта 14-ча дийнахьа, цул хьалхагӀа Московски губерни 1708-ча шера йилла́ хиннайола. РСФСР административно-территориальни единицаш хьайокххий еш политика хиннача хана, Юкъерча-Промышленни областа́ юкъе йодаш хиннай область, 1929-ча шера аьтинга бетта 3-ча дийнахьа цох хьаяьй Московски область[2]. Область латт 52 пхьенахи, 3 юртахи, 5 къайла йолча лаьттан-административни кхолламахи. Муниципальни йийкъача, белгалйоал 60 округ. «Москва» яхача цӀерца ювзаенна я областа цӀи.
XII бӀаьшера Московски областа хӀанзара лаьтта Владимира-Суздала къаьзеченна юкъе додаш хиннад. Ока доазонгахьа улла лаьтта Чернигова къаьзеченна юкъе доагӀаш хиннад, Москва хин кӀалхара лаьтта — Рязана къаьзеченна, хӀаьта хин лакхагӀа, малбузехьа улла лаьтта Смоленска къаьзеченна. Московски областе 2 эзар хиллал хиш да, царех 300 хий йӀоахал 10 км йолаш да. Московски областара хиш Идала бассейне чудолхаш да (Идал дода доазув доккха дац, цо хоададу Тевара областарцара доазув). Московски область 20 эзар шу хьалха нах бахаш моттиг хиннай. Минино яхача тупа тӀа белгалъяьннай бутовски культура. Цига хиннад фатьяна Ӏимараш а, дьяковски культура гойташ дола боарзаш а. ЦӀихеза да X—XII шерашкара боарзаш. Цига бахаш хинна нах ба угрой-финий фух[3][4]..
Белгалдаккхар
- ↑ Дом Правительства Московской области — 2007.
- ↑ Российская Федерация: Центральная Россия, 1970, оа. 70—93.
- ↑ Стоянка и могильник Минино 2
- ↑ Сорокин А. Н. Стоянка и могильник Минино 2 в Подмосковье: костяной и роговой инвентарь. М.: ИА РАН, 2013. 448 с.
Литература
- Лаппо Г. М., Мильков Ф. Н., Хорев Б. С. (ред.). Российская Федерация: Центральная Россия. — М.: Мысль, 1970. — 907 с.