Ноакастой Ӏаьлий Хаваш

Ноакастой Ӏаьлий Хаваш
Ноакастой Ӏаьлий Хаваш
	эрс: Хаваш Алиевич Накастоев
Ваь таьрахь	17 саькура 1956 (70 шу)
Ваь моттиг	Талгар, Казахий ССР
БӀорахол	СССР → Россе Федераци
Леладу гӀулакх	йоазонхо, прозаик, хоамбоаржабархо
Премеш	ГӀалгӀай Мехка дукха дика хӀамаш карагӀдийна товшхала болхло

Ноакастой Ӏаьлий Хава́ш (эрс: Хаваш Алиевич Накастоев) — гӀалгӀай йоазонхо, ГӀалгӀай Ӏилман-тохкама института болхло, ГӀалгӀай йоазонхой юкъарлон тхьамада.

Биографи

Ноакъастой Хаваш ваьв 1956-ча шера саькура бетта 17-ча дийнахьа ГӀазакхстане Ильичевски шахьаре Талгар яхача юрта. 1976—1978 шерашка эскаре бӀул кхоачашдеш хиннав. Из хинна моттиг я Байконури, Саратови. 1985-ча шера Хаваш деша эттав Нохч-ГӀалгӀай паччахьалкхен университете филологе факультете^[1].

Болх

Дийша ваьлча, балха эттав «Сердало» газета редакце, цига цо болх баьб эггара хьалха корректор волаш, цул тӀехьагӀа бехктокхамеча секратара гӀонча волаш. ХӀаьта «ГӀалгӀайче» яха газета болх бе доладеннача хана денз, 1993-ча шера тушола бетта, цу газета редакце болх баьб цо бехктокхаме секратара когаметтаоттар волаш. 1997-ча шера Шолжа шахьаре арадувлача «Шолжа хоаманча» яхача газета кертера редактор ваьв цох. 1997—1999 шерашка «ГӀалгӀайче» яхача газета кертера редактор волаш болх бу Хаваша^[1].

1989-ча шера денз юкъе ва Эрсечен хоамбоаржабархой юкъарлонна. 2004-ча шера денз из болх беш ва Оахаранаькъан ЧхьагӀий цӀерагӀа йолча Ӏилман-тохкама институте. 1999—2004 шерашка ГӀалгӀай Республика Халкъа Гуллама, ГӀалгӀай Республика Доалчен каь хиннав из. 2022-ча шера денз ГӀалгӀай йоазонхой юкъарлон кулгалхо ва Хаваш. Россе ЗӀилбухерча лингвистий-экспертий ассоциаце доакъашхо ва^[1].

2026-ча шера наджгоанцхой бетта ГӀалгӀайчен йоазонхой юкъарлоно вӀашагӀкхетар дӀадихьар Ноакастой Хаваж тхьамадалла волаш. Цига кердача кепе устав даьккхар, иштта Урхале юхахержар. Массане кхаж тассарца Ноакастой Хаваж тхьамадалла хержар кхы а ялх шера. Из хоржам чӀоагӀбир Эрсечен йоазонхой юкъарлон Секретариатаца^[2].

2026-ча шера саькура бетта ГӀалгӀай къаман библиотеке дӀайихьар Ноакастой Хаважа 70 шу дузащ вӀашагӀъелла документальни выставка «Хаваш Накостоев: поэт, литературовед, общественный деятель».

СовгӀаташ

ГӀалгӀай Мехка дукха дика хӀамаш карагӀдийна товшхала болхло^[1].

Белгалдаккхар

↑ ¹ ² ³ ⁴ Патиев, 2022, оа. 111.
↑ На Общем собрании CП РИ в Магасе решили ряд важных вопросов организации (неопр.). pisateli-ing.ru. Хоам хьаийца таьрахь: 3.09.2026.

Литература

Патиев Я. Писатели Ингушетии / Сост. проф. И. А. Патиев. — Ростов-на-Дону : «Южный издательский дом», 2022. — 111 с.

[_ac28db9c65aa0827-1] ¹ ² ³ ⁴ Патиев, 2022, оа. 111.

[2] На Общем собрании CП РИ в Магасе решили ряд важных вопросов организации (неопр.). pisateli-ing.ru. Хоам хьаийца таьрахь: 3.09.2026.

[1]

[2]