ГӀалгӀайче (газет)
| «ГӀАЛГӀАЙЧЕ» | |
|---|---|
 | |
| Ший цӀи | «ИНГУШЕТИЯ/ГӀАЛГӀАЙЧЕ» |
| Тайпа | юкъарлен-политикан газета |
| Формат | А3 |
| Доалдер | ГӀалгӀай Республикан правительство |
| Издатель | ГАУ редакция газеты «Ингушетия» |
| Паччахьалкхе | Эрсече |
| Керттера редактор | Боканаькъан Шамсудин |
| Штате бола корреспонденташ | 10 саг |
| Хьадийлад | 24.04.1993 |
| Мотт | эрсий |
| Арадувл | хӀара кӀира́ |
| Доккхал | 32 оаса |
| Керттера офис |
 Никита Хрущева цӀерагӀа йола урам, 12-гӀа цӀа. |
| Тираж | 5000 |
| МазаоагӀув | gazetaingush.ru |
ГӀалгӀайче (Ингушетия) — газет[1]. ГӀалгӀайчен правительствон официальни зарбан маьже я[2]. Йизза йола юридически цӀи — ПАУ «ГӀалгӀайче» газета редакци (ГАУ редакция газеты «Ингушетия»).
Тематика
Газето ГӀалгӀай мехкаца дувзаденна долча хӀамех хоам бу, чу хинна дале а, арахьа хинна хӀама дале а. Къаьстта аьлча, юкъарлен-политикан хьалах дувц, экономикаца дувзаденнача хаттарех жоп тел, иштта унахцӀено лоръярахи, дешарахи, юртбоахамахи иштта кхыча гӀулакхех лаьца дола хьалаш тохк[3][4].
ГӀалгӀай Республика арахеца керда законодательни акташта а кепатох цунца цхьана уж юридически дӀачӀоагӀдерца.
ХӀара кӀирара тираж — 5000 газет.
Тархьар
Газета хьалхара номер шолжа шахьара «Къахегама байракх» яхача газета кӀийлен а йолаш 1993-ча шера бекарга бетта 24-ча дийнахьа кепатеха араяьннай Сипсой-ГӀалий тӀа (хӀанз Шолжа-Пхьа я). «ГӀалгӀайче» газет хьакхолла аьнна амар Овшанаькъан Руслана кӀеззига тӀехьагӀа даь хиннад — Тушел 27-ча дйинахьа.
Газета оттадаьри цун хьалхара тоадархо хиннари цӀихеза вола Шадинаькъан Сулумбика Хьусейн хиннав, ГӀалгӀайчен Пачхьалкхкомитета зарбан хьалхара кулгалхо хинна вола.[5]. 1994-ча шера цунна когаметта Чахканаькъан Ӏалаутдина Манолис тӀавенав (тӀехьагӀа ГӀалгӀайчен президента пресс-секретарь, ГӀалгӀайчен культура министр, Эрсечен Минкультура пресс-гӀулакха кулгалхо хургвола)[6]
2016-ча шера формати, дизайни, арахецара хаи хийца а хийца, бизнез-чудуллар «Беркат» а долаш редакци кердача газета тӀа даьнннад. Цу хана хоамий онлайн-портал а йолаяьй[7].
2016-ча шера PDF-формате электронни дӀатӀаязвалар юкъедаьккхад.
Редакци
«ГӀалгӀайчен» керттера тоадархой:
- Шадинаькъан Хьусейн (1993—1994, 1995—1997).
- Чахканаькъан Манолис (1994—1995, 1999—2002).
- Ноакастой Хаваш (1997—1999).
- Гадаборшанаькъан Або (1997, 2002—2008).
- Боранаькъан ФатӀимат (2008—2012).
- Мержой Ӏийса (2012—2015).
- Боканаькъан Шамсудин (2015 — вай ханнолца).
Белгалдаккхар
- ↑ Республиканские СМИ. www.ingushetia.ru. Хоам хьаийца таьрахь: 2017 шера наджгоанцхой бетта 12-гӀа ди.
- ↑ Перечень наименований зарегистрированных СМИ. Роскомнадзор. Хоам хьаийца таьрахь: 2017 шера наджгоанцхой бетта 12-гӀа ди.
- ↑ Об издании, «Ингушетия» (интернет-газета) (13 тушола 2016). Техкад укх дийнахьа: 4.01.2017.
- ↑ История газеты – это история республики. pravitelstvori.ru. Хоам хьаийца таьрахь: 2017 шера наджгоанцхой бетта 4-гӀа ди.
- ↑ Масс-медиа | Лица Ингушетии | Коммуникационное агентство «Партнёр плюс». right-partner.ru. Хоам хьаийца таьрахь: 2017 шера наджгоанцхой бетта 4-гӀа ди.
- ↑ Министерство Культуры Российской Федерации. mkrf.ru. Хоам хьаийца таьрахь: 2017 шера бекарга бетта 23-гӀа ди.
- Ингушетия.Ru (2016 шера тушола бетта 21-гӀа ди). Хоам хьаийца таьрахь: 2017 шера наджгоанцхой бетта 4-гӀа ди.