Овшанаькъан Ахьмада Муса
| Овшанаькъан А́хьмада Му́са | |
|---|---|
| эрс: Аушева Муса Ахмедович | |
| Ваь таьрахь | 1 маьтсела 1933 |
| Ваь моттиг | СурхотIе |
| Венна таьрахь | 25 маьцхали 2020 (87 шу) |
| БӀорахол |
 СССР →  Россе Федераци |
| Леладу гӀулакх | |
| Премеш | ГӀалгӀай Мехка дукха дика хӀамаш карагӀдийна товшхала болхло |
Овшанаькъан А́хьмада Му́са (эрс: Аушев Муса Ахмедович) — гӀалгӀай йоазонхо, хьехархо ва. ГӀалгӀай Мехка дукха дика хӀамаш карагӀдийна культуран болхло[1].
Вахар
Овшанаькъан Муса ваьв 1933-ча шера маьтсели бетта 1-ча дийнахьа СурхотӀа. ГӀалгӀай къам мехках доаккхача хана Сибаре вигав 1944-ча шера, хӀаьта 1957-ча шера мехка цӀавенав. Шолжа-ГӀала тӀа гӀалгӀай метта курсаш яьхай цо цӀавеначул тӀехьагӀа, цул тӀехьагӀа балха вахав ваьча юрта гӀалгӀай метта хьехархо волаш. 1957—1961 шерашка бӀул кхоачашдеш волча хана, Мусас яьккхай Севастопала тӀема-форда училище (эрс: Севастопольское военно-морское училище) радиометриста даькъе[1].
Хьехархочун болх баь ца Ӏеш, Мусас болх бир ишкола завуч волаш. 1967-ча шера, заочно дешаш, йистеяьккхай Ночх-ГӀалгӀай хьехархой института тархьара-филологе факультет. 1968—1972 шерашка цо болх баьб СурхотӀарча ишколе директор волаш. 1972—1974 шерашка СурхотӀарча Сельсовета да́ волаш, 1974—1975 шерашка Наьсарерча райисполкома тхьамадан когаметтаоттар волаш[1].
1975-ча шера Наьсарерча райисполкома товшхала отдела кулгалхо хиннав из. 1995—2000 шерашка ГӀалгӀай Мехка товшхала министерстве болх баьб цо, министра когаметтаоттар, Къаман кхоллама цӀагӀа (эрс: Дом народного творчества) директор волаши[1].
Кхоллам
Йоазонцара болх бе волавеннав 1970 шерашка. Цун хьалхара дувцараш кепатеха арадаьннадар «Путь Ленина» яхача газете. 1995-ча шера цо арахийцаб «Язык Адама и Евы» яха лустамий гуллам[1].
Белгалдаккхар
Литература
- Патиев Я. Писатели Ингушетии / Сост. проф. И. А. Патиев. — Ростов-на-Дону : «Южный издательский дом», 2022. — 111 с.