Овшанаькъан Дреса Махьмад

Овшанаькъан Дреса Махьмад
Аушев Магомед Дресович
Ваь таьрахь	1903(1903)
Ваь моттиг	ТӀой-Юрт
Венна таьрахь	1962(1962)
БӀорахол	Россе импери →  СССР
Леладу гӀулакх	йоазонхо, хоамбоаржабархо, оазархо
Лостам	исбахьален литература
Жанр	оазарле
Кхолламий мотт	гӀалгӀай

Овшанаькъан Дреса Ма́хьмад (эрс: Аушев Магомед Дресович) — гӀалгӀай йоазонхо, ГӀалгӀай йоазонхой юкъарлон кулгалхо, «Сердало» газета керттера редактор ва. Цун кхоллама юкъе цӀихеза я «Даьй наькъаш» яха поэма. Ваьв 1903 шера ТӀой-Юрта, дӀаваьннав 1962 шера.

Даь цӀи

Овшанаькъан Махьмада даь цӀи цхьаццайолча моттигашка гӀалат а долаш ХӀирета е Фирета аьнна язъеш хиннай хьалха.

Болх

1927—1928 шерашка «Сердало» газета керттерча редактора дарже а хиннав из. 1930-ча шера Овшанаькъан Махьмадах ИнгАПП (гӀалгӀай пролетарски йоазанхой ассоциаце) кулгалхо ваьв, цул тӀехьагӀа дукха а тайп-тайпара а балхаш даьд цо.

Кхоллам

«Даьй наькъаш» яха поэма хетаяь я БӀорахой тӀема, гӀалгӀай къамах хьабаьннача, шоай мохк лорабеш лаьттача турпалашта а. Дешархошта цу йоазонга гӀолла йовз Гарда́наькъан Тоаркхо-Хьажий, Ӏарчакханаькъан Ӏарчакха, Налганаькъан Мандречун, Орцхананаькъан Хизара цӀераш .

Даьй наькъаш. Поэма юхь

Мух хьовш мо, лоам чухь нах хьалхьайна,

Никх хинна гӀетта́, хьайзар мохк,

Гулделар адам, кхел е лайна,

Дой хехкаш, айдаь демий дохк.

Ӏоядар топаш, гӀапаш кача…

Аре дӀалаьца, эттар нах.

Чопаш баь говраш хьувзар коача,

ЦӀе беса лестар, лакхлуш, малх…

Таржам

Махьмада таржам даь, эрсий метталара гӀалгӀай меттала даьккха хиннад эрсий йоазонхочун Тихонов Николая «Серго лоамашка» яхача поэмацара дакъа.

Белгалдаккхар

ТӀатовжамаш

• Ӏарчакханаькъан Сали. Газета керте лаьтта саг (гӀал.) // «Сердало» : газет. — 2023. — 23 наджгоанцхой.