Оздой Хазбота Муса

Рувики материал
РУВИКИ чу кхы а лустамаш да иззамо тайпанцӀи е фамили йолча нахах лаьца, хьажа: Оздой.
Оздой Хазбота Муса
Оздой Хазбота Муса.jpg
Юххьанца тилла цӀи Оздой Хазбота Муса
Ваь таьрахь 1 лайчилла 1955(1955-11-01) (70 шу)
Ваь моттиг Казахий ССР, Кустанай область, Урицка шахьар, Урицк юрт
БӀорахол  СССР
 Россе Федераци
Белхаговзал Хореограф, театра режиссёр, театра хьехархо
Театр ДӀаьгӀастен паччахьалкхен театр
СовгӀаташ
РФ дукха дика хӀамаш карагӀдийна артист (1996)
ДӀаьгӀастен дукха дика хӀамаш карагӀдийна артист (2004)
ДӀаьгӀастен Халкъа артист (2012)

Оздо́й Хазбо́та Муса́ (эрс: Оздоев Муса Хазботович 1 лайчилла 1955) — гӀалгӀай хьалхара балета артист, хӀанзарчеи классическии халхараш хьеха хореограф. ГӀалгӀай Мехка Халкъа артист (1995), РФ дукха дика хӀамаш карагӀдийна артист (1996), ДӀаьгӀастен дукха дика хӀамаш карагӀдийна артист (2004), ДаьгӀастен Халкъа артист (2012).

Биографи

Оздой Муса ваьв 1955-ча шера лайчилла бетта 1-ча дийнахьа Кустанай областа Урицка шахьара Урицк яхача юрта. СССР Доккхача Театра хореографически училище деша эттав 1968-ча шера, 1974-ча шера из йистеяккхарца цо дӀаболабаьб мехка балета театрашкара болх. 1990-ча шера цо йистеяьккхай А. В. Луначарски цӀерагӀа йола паччахьалкхен театра искусствон институт, хореографа говзал караерзаеш[1].

Из дакъа лоацаш хиннав классически балеташка — Альберта парти кхоачашъеш А.Адана «Жизеле» , Хоакина амалт хьокхаш А.Артемьева «Звезда и смерть Хоакина Мурьетты» яхача балете, , Крапивина йолаш А.Шнитке «Беге». Иштта лоархӀаме амалташ кхоачашдарах, из юкъевахав йоккхача классиканна, балетмейстера дарж карадерзаде мегаьд.

Перме «Камерный балет» яхача театре цо болх баьб хореограф-оттамхои, кулгалхои, исбахьален кулгалхои волаш. Цига цо хьекхай М.Равеля «Болеро», «Аьлан виӀийца хиннар» («Приключение принца»), В.Лобоса «Шиъ» («Двое»), П.Габриеля «Син цӀогӀа» («Крик души»), иштта йийтта шоу-программ «Танцующие модели» яхача модан театра.

1992-ча шера Перма «Балет Евгения Панфилова» яхача театра Мусас юхь сийдаяьккхар А.Волинина цӀерагӀа йолча къамашта юкъерча Париже дӀайихьача джазовии, хӀанзарчеи, классическии халхара яхье лауреат хиларца.

1998-ча шера Париже хиннача яхье «Цирк будущего» яхача номинаце «Шар Пикассо» номер хьокхарах цох лауреат хиннав.

2000-ча шера Муса вийхав ГӀалгӀай Мехка товшхала министра когаметтаоттара дарже, кастта из товшхала министра дарже дӀачӀоагӀваьв[1].

ГӀалгӀай Мехка цо оттаяьй кхоъ багахбувцама-этнографически спектакль, иштта «Гӏалгӏайче (ансамбль)» яхача паччахьалкхен ансамбля «Эздий», «Сийде» яха халхараш. Цо кулгалдеш, балета тоаба халхараш хьокхаш хиннай 2005-ча шера Москве РАМТа майдан тӀа, 2008-ча шера ДаьгӀастен товшхала Ди дездеча, 2012-ча шера ГӀалгӀай Мехка товшхала денош дездеча.

2011-ча шера балета тоаба дакъа лоацаш хиннай «Белые ночи в Перми» яхача фестивале. 2006-ча шера Оздой Мусайна имам Шамала цӀерагӀа йолча фонда имам Шамала цӀерагӀа йола дошо майдалг еннай «Имам Шамиль» яхача спектакле керттерча турпала амалт дизза хьокхарах.

Театральни хьокхамаш

  1. «Горянка» М. Кажлаев (балет) — 2003 шу (хореограф)
  2. «Колесо жизни» П. Габриэль (мюзикл) — 2003 шу (реж. и хореограф)
  3. «Денеб — Новая звезда» (шоу) — 2003 шу (мукъама режиссёр, хореограф)
  4. «Солнечный диск» (мукъама спектакль) — 2005 шу (режиссёр, хореограф)
  5. «Имам Шамиль» М. Кажлаев (балет) — 2006 шу (хореограф)
  6. «Энигма» М. Крету (балет) — 2007 шу (хореограф)
  7. «Плутни Скапена» (драм. сп-ль) — 2008 шу (хореограф)
  8. «Чарли — Великий маг» (балет) — 2009 шу (хореограф)
  9. «Кровавая свадьба» (драм. сп-ль) — 2009 шу (хореограф)
  10. «Валида» М. Кажлаев (оперетта) — 2010 шу (мукъама режиссёр, хореограф)
  11. «Земля и небо» М. Кажлаев (ревю) — 2010 шу (мукъама режиссёр, хореограф)
  12. «Имам Шамиль» М. Кажлаев (балет — 2-гӀа кеп) — 2010 шу (хореограф)
  13. «Колесо жизни» П. Габриэль (мюзикл — 2-гӀа кеп)— 2010 шу (режиссёр, хореограф)
  14. «Легенда о любви» М. Кажлаев (балет) — 2011 шу (хореограф)
  15. «Поэт и Муза» П. Чайковский (балет) — 2011 шу (хореограф)
  16. «Гамлет» П. Чайковский (балет) — 2012 шу (хореограф)
  17. «Энигма» М. Крету (балет −2-гӀа кеп) — 2012 шу (хореограф)
  18. «Шарвили» М. Гусейнов (опера) — 2013 шу (хореограф)
  19. «Дом Бернарды Альбы» (драм. сп-ль) — 2013 шу (хореограф)
  20. «Ромео и Джульетта» П. Чайковский (балет) — 2013 шу (хореограф)
  21. «Песнь вечной любви» (мукъама сп-ль) — 2013 шу (хореограф)
  22. «Камалил Башир» Ш. Чалаев (мукъама сп-ль) — 2014 шу (режиссёр, хореограф)
  23. «Ханума» Г. Канчели (мукъама сп-ль) — 2014 шу (хореограф)
  24. «Людвиг ван Бетховен» Л. Бетховен (балет) — 2014 шу (хореограф)
  25. «Жди меня» В. Гевиксман (балет) — 2015 шу (хореограф)
  26. «Невыплаканные слёзы» (драм. сп-ль) — 2015 шу (хореограф)
  27. «Тамара» М. Балакирев (балет) — 2016 шу (хореограф)
  28. «Рапсодия любви» М. Гусейнов (балет) — 2018 шу (хореограф, гӀирсах вола суртанча)
  29. «Сильва» И. Кальман (оперетта) — 2017 шу (хореограф)
  30. «Навруз» Р. Фаталиев (детская опера) — 2018 шу (хореограф)
  31. «Ревизор» (драм. спек.) — 2019 шу (хореограф)
  32. «Прерванный полет» Ш. Чалаев (балет) — 2019 шу (хореограф)
  33. «Carmina Burana» К. Орф (вокально-хореографически хьокхам) — 2019 шу (хореограф)

СовгӀаташ

• ГӀалгӀай Мехка Халкъа артист (1995)
• РФ дукха дика хӀамаш карагӀдийна артист (1996)
• ДӀаьгӀастен дукха дика хӀамаш карагӀдийна артист (2004)
• ДӀаьгӀастен Халкъа артист (2012)[2] — 2012г.

Белгалдаккхар

  1. ↑ 1 2 Известный ингушский хореограф Муса Оздоев считает, что народы Кавказа должны иметь свой национальный балет. https://gazetaingush.ru/. Хоам хьаийца таьрахь: 2.09.2025.
  2. ↑ Указ Президента РД от 7.12.2012 г. № 195 О присвоении почетного звания «Народный артист Республики Дагестан» Ахмедову А. М., Оздоеву М. Х. и Фаталиеву А. А. Хоам хьаийца таьрахь: 2.09.2025. Архиваци яьй 23.10.2013.

ТӀатовжамаш

Хьаст — «https://inh.ruwiki.ru/w/index.php?title=Оздой_Хазбота_Муса&oldid=126539077»