Таржамхо

Керттера лустам: Таржам

Таржамхо, талма́ч — таржам деш — цхьан метта тӀара кхыча метта маӀан доаккхаш — вола говзанча. ГӀалгӀай меттала талмач оал багах таржам деш волчох, хӀаьта таржамхо — багах а, йоазонга а.

Овла

Таржамхо яха дош таржам яхача деша тӀара доагӀа гӀалгӀай дошкхоллара суффикс хо тӀакхетарца. Таржам яха дош ше Ӏарбий метта тӀара доагӀа: е Ӏар. تَرْجَمَ‎ [тарджама] — таржам де яхача тӀара доагӀа из, е тюркий метташка гӀолла доагӀа: е Ӏар. تَرْجَمَة‎ [тарджамахӀ] — таржам яхача деша тӀара доагӀа цар terceme аьнна хьадаьчара тӀеххьара алап Ӏодожадеш, е Ӏар. تَرْجَمَان‎ [тарджама́н] — таржамаш яхача деша тӀара доагӀа тӀеххьара н' гӀалгӀа́ша Ӏодожа а деш (شَيْطَان — шайтӀоан — шайтӀа аьнна хьадаьча мо).

Талмач яха дош тюркий овла болаш да tylmač яхача деша тӀара а доагӀаш: tyl яхар мотт ба, хӀаьта mač яхар гӀалгӀай меттала хо мо саго леладеча гӀулакхаца хоттаенна дошкхоллара суффикс я.

Белгалдаккхар

Литература

• Мирам Г. Э. Профессия: переводчик. К.: Ника-центр, 1999.
• Чаплыгин И. Думай о смысле. Будни переводчика IT-текстов. М.: МИФ, 2022.