Таржам

Ло:Нет сносок Таржам (да), е талма́чал (да) (эрс: Перевод) — цхьан метта тӀара кхыча метта дешаш да́хар, маӀан дар. ГӀалгӀай меттала талма́чал оал багах деча таржамах, хӀаьта таржам яха дош шерагӀа да: из багах а йоазонца а хул. Таржам дечох таржамхо оал, талмачал леладечох талма́ч.

Овла

Таржам яха дош Ӏарбий метта тӀара доагӀа: е Ӏар. تَرْجَمَ‎ [тарджама] — таржам де яхача тӀара доагӀа из, е тюркий метташка гӀолла доагӀа: е Ӏар. تَرْجَمَة‎ [тарджамахӀ] — таржам яхача деша тӀара доагӀа цар terceme аьнна хьадаьчара тӀеххьара алап Ӏодожадеш, е Ӏар. تَرْجَمَان‎ [тарджама́н] — таржамаш яхача деша тӀара доагӀа тӀеххьара н' гӀалгӀа́ша Ӏодожа а деш (شَيْطَان — шайтӀоан — шайтӀа аьнна хьадаьча мо).

Талмачал яха дош талмач яхача тӀара доагӀа, хӀаьта из ше тюркий овла болаш да tylmač яхача деша тӀара а доагӀаш: tyl яхар мотт ба, хӀаьта mač яхар гӀалгӀай меттала хо мо болх лелабеш йола дошкхоллара суффикс я.

Белгалдаккхар

Литература

• Гарбовский Н. К. Теория перевода. — М.: Изд-во МГУ, 2004.
• Мирам Г. Э. Профессия: переводчик