Хьоашаланаькъан

Хьоашаланаькъан (эрс: Хашагульговы) — гӀалгӀай къаман массехк тайпай дакъа да, вешта аьлча, тайпан е ваьра никъ.

ЦӀи

ГӀалгӀай меттала Хьоашаланаькъан яхача ваьра наькъа цӀи хьахиннай: Хьоашал яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Хашагульгов», «Хашагульгова», «Хашагульговы» аьнна язъю.

Тархьар

Хьоашаланаькъан гӀаьбартоех хьабаьнна ба, цул тӀехьагӀа Албохчанаькъанца вошал тессад цар. Царех хьадаьнна тайпаш да Мочкъий-Юртара Куркъанаькъани, Яндарера Латыранаькъани. Яндаре 84 цӀа даха, Экажакъонгий-Юрта 13 цӀа.

Хьоашаланаькъан наькъаш хьадоладеннад массехк тайпан хиннача Хьоашал яхача сагагара, ишта цу Хьоашалах хьа мел байна нах «Хьоашаланаькъан» а ба, ший-ший тайпан а ба.

1886 шера Яндаре Хьоашаланаькъан 22 фусам хиннай, Экажакъонгий-Юрта цхьа фусам, СурхотӀа цхьа фусам, ТӀой-Юрта 17 фусам.

ЦӀихеза нах

Хьоашаланаькъан тайпах бола цӀихеза нах.

• Хьоашаланаькъан Татре Ӏаьла — Ӏаьдало духьале еш хиннавола цӀихеза хинна гӀалгӀай оазархо;
• Хьоашаланаькъан Махьий Мухьмад — гӀалгӀай оазархои прозаики;
• Хьоашаланаькъан Ювсапа Султан — Россе эпсар, подполковник, 58-ча гварде бӀун юкъе мотострелкови эскара хьовда, ТӀема спецопераце доакъашхо. «Дошо седкъа» яха майдилг яларца белгалваьккха вола Россе Федераце Турпал.

Белгалдаккхар

Литература

• Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
• Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.