Цисканаькъан Уце Мухьмад-Башир
| Цисканаькъан Уце Мухьмад-Башир | |
|---|---|
| Цицкиев Магомед-Башир Уциевич | |
 | |
| Ваь таьрахь | 22 маьцхали 1936 |
| Кхелха таьрахь | 14 саькура 2006 (69 шу) |
| БӀорахол |
 Россе Федераци |
| Леладу гӀулакх | хоамбоаржабархо |
Цисканаькъан Уце Мухьмад-Башир (эрс: Цицкиев Магомед-Башир Уциевич 22 маьцхали 1936 — 14 саькура 2006) — хьехархо, хоамбоаржабархо, ГӀалгӀайчен дукха дика хӀамаш карагӀдийна товшхала болхло[1].
Биографи
Берал
Цисканаькъан Уце Мухьмад-Башир ваьв 1936-ча шера маьцхали бетта 22-ча дийнахьа. 1944-ча шера цар дезал гӀалгӀай мехках баьха́ча дийнахьа Казахехьа Ӏобигаб. Цо ший ва́хара́ доккха де́норг хетадаьд, цу тӀа яздаьд из ди мел хала хиннад. Чуве́нача дас хоам бенаб кхоана мехках доах вай аьнна, нана цо яхар дика кхета ца дойя а, цхьацца хӀама гулъе этта хиннай. Цхьабакъда гаргара нах тийшабац Ӏуйран хӀама етта салтий болабаллалца. ХӀамаш гулъяь ханнахьа йисте ца я́лар бахьан долаш, салтечо цу дийнахьа йийнай цун даь-веший Османа сесаг Забрат[1][2].
Болх
1957-ча шера из балха дӀачуийцав ЖӀайрахерча ворхӀ шера йолча ишколе хьехархочун дарже, 1965-ча шера из цу ишколе тархьар хьехаш хиннав, цул тӀехьагӀа Краснооктябрьски юкъерча ишколе кулгалхо хиннав. 1971-ча шера из дӀачуийцав «Сердало» газета па́рте́ ва́хара отделе литболхло волаш. 1972-ча шера цо болх баьб «Спортлото» яхача Къулбаседа Кавказа зональни урхале кулгалхочун когаметтаоттара дарже. Кхо шу даьнначул тӀехьагӀа из болх беш хиннав Шолжа-ГӀалий тӀарча № 42 йолча ишколе тархьар хьехаш. 1981-ча шера Шолжа-ГӀалий тӀарча паччахьалкхен цирка кулгалхочун когаметтаоттар хиннав. 1984—1987 шерашка «Сердало» газете болх баьб цо тайп-тайпарча даржашка[1][2].
1990-ча шера «Эхо гор» яха газета кулгалхо волаш болх баьб Мухьмад-Башира. Кхо шу даьлча из хьожаваьв ГӀалгӀай мехка национальни Ӏалама парка кулгалхочулла. 1995-ча шера цо болх баьб ЖӀайрахарча шахьаре Госкомитета экологех вола воккхагӀвола пачхьалкхъинспектор волаш. 2000-ча шера из хиннав ГӀалгӀайчен музей-заповедника кулгалхо. ТӀехьарча шерашка болх баьб къаман товшхала юкъарченашца болх беш йолча отделе консультант волаш. СССР хоамбоаржабархой юкъарлон доакъашхо хиннав 1981-ча шера денз. 2005-ча шера Мухьмад-Башира еннай «ГӀалгӀайчен дукха дика хӀамаш карагӀдийна товшхала болхло» яха сийлен цӀи. Цо арахийцай «Аьгекхал» яха буклет[1][2].
Сийлен совгӀаташ
• 2005-ча шера Мухьмад-Башира еннай «ГӀалгӀайчен дукха дика хӀамаш карагӀдийна товшхала болхло» яха сийлен цӀи.
Белгалдаккхар
- ↑ 1 2 3 4 Оздоева, 2016.
- ↑ 1 2 3 Султыгов Я. Свободен лишь тот, кто может позволить себе не лгать. https://ghalghay.com/+(31.05.2006). Хоам хьаийца таьрахь: 14.08.2025.
Литература
- Оздоева Мадина. О жизни и творчестве журналиста, публициста М.-Б. Цицкиева // «Сердало» : газет. — 2016. — 2 сентября.
 | Укх лустама́ кхыдола РУВИКИ лустамаш тӀатовжаш дац. |