Чабенаькъан Саварбика Танзила
| Чабенаькъан Саварбика Танзила | |
|---|---|
| Чабиева Танзила Саварбековна | |
 | |
| Яь таьрахь | 22 кӀимарса 1986 (40 шу) |
| Яь моттиг | Шолжа-Пхье |
| Паччахьалкхе |
 СССР →  Россе Федераци |
| Ӏилман никъ | тархьархо, этнолог |
| Белха моттиг | Н. Н. Миклухо-Маклая цӀерагӀа йолча РАН этнологеи антропологеи института Кавказа отдела Ӏилман болхло |
| Ӏилманхой дарж | тархьара Ӏилмай кандидат |
| Ӏилманхой звани | доцент |
Чабенаькъан Сава́рбика Танзи́ла (эрс: Чабиева Танзила Саварбековна; 22 кӀимарса 1986, Сипсой-Гала), Нохч-ГӀалгӀай АССР) — тархьархо, этнолог, Тархьара Ӏилмай кандидат, РГГУ, МАИ, ТГУ хьехархо, А. Н. Косыгина цӀерагӀа йолча Россе паччахьалкхен университета доцент, Н. Н. Миклухо-Маклая цӀерагӀа йолча РАН этнологеи антропологеи института Кавказа отдела Ӏилман болхло.
Биографи
Танзила яьй 1986-ча шера кӀимарса бетта 22-ча дийнахьа. Цо 2008-ча шера дийша йистеяьккхай ГӀалгӀай паччахьалкхен университета тархьара факультет. 2008—2011 шерашка Танзилас дешар дӀадихьад Н. Н. Миклухо-Маклая цӀерагӀа йолча РАН этнологеи антропологеи институте. 2012-ча шера цо чакхъяьккхай «XX — XXI бӀаьшерашка динагахьа дола гӀалгӀай уйлай наькъаш» яха кандидатски диссертаци, Булатова А. О. кулгалдеш. 2017-ча шера цо магистерски диссертаци язъяьй «Кагирхой динах бола юкъара кхетам» («Религиозная идентичность ингушской молодежи»). Из цо дӀайийцай Москверча пхьерча психолого-хьехархой университете. 2012—2022 шерашка Танзилас болх баьб А. Н. Косыгина цӀерагӀа йолча Россе паччахьалкхен университета доценталла.
2012-ча шера денз из я Н. Н. Миклухо-Маклая цӀерагӀа йолча РАН этнологеи антропологеи института Кавказа отдела Ӏилман болхло. 2023-ча шера денз цо доценталла болх бу Россе паччахьалкхен университете Соцтех, МГЭУ, Синергия социологеи журналистикеи кафедре[1].
Ӏилман болх
Цо хьехача Ӏилман доакъошта юкъе да: А. Н. Косыгина цӀерагӀа йолча Россе паччахьалкхен университете хьехаш дола Ӏилмаш — «Этнологии этнографии», «Религиоведени», «Этноконфликтологи», «Социальни антропологи», «Социологи», «Массаненна юкъерча коммуникаций Социологи», «Дина тархьари чулоацами», «Социальни реклама»; «Юридически антропологи», «Кавказоведени», «Этнокультурнии бӀорахойи юкъара кхетам», «РФ паччахьалкхен халкъашта юкъера политика»; «Социологи», «Говзалага вигар», «Этнопсихологи»; «Юкъара психологи», «Хана психологи»; «Эрсечен тархьар»; «Этнопсихологи», из Ӏилма цо хьех РАНХиГС[1].
Эксперта болх
Москверча халкъий цӀен массаза йола эксперт я из[2], цул совгӀа «Московское долголетие» яхача проекта лектор а. Иштта Танзилас федеральни каналашка «Культура», «1 Канал» эксперта йолаш интервью тел[1].
«ГӀалгӀайчеи гӀалгӀайи» («Ингушетия и ингуши») яха лекцеш еш Н. А. Некрасова цӀерагӀа йолча библиотеке[1].
Белгалдаккхар
- ↑ 1 2 3 4 Чабиева Танзила Саварбековна] / Институт этнологии и антропологии им. Н.Н. Миклухо-Маклая Российской академии наук. iea-ras.ru. Хоам хьаийца таьрахь: 8.10.2025.
- ↑ Семинар «Родной язык как важный фактор формирования и сохранения духовно-нравственных ценностей народов России» в рамках проекта «Сохранение языкового разнообразия в России: опыт и перспективы». mdn.ru. Хоам хьаийца таьрахь: 8.10.2025.