Ахценаькъан Жабраила Хаччат
| Ахценаькъан Жабраьила Хаччат | |
|---|---|
| эрс: Ахциева Хадижат Джабраиловна | |
 | |
| Яь таьрахь | 28 наджгоанцхой 1959 (67 шу) |
| Яь моттиг | |
| Паччахьалкхе | |
| Леладу гӀулакх | артист, мукъамхо |
Ахценаькъан Жабраьила Хаччат (эрс: Ахциева Хадижат Жабраиловна; 28 наджгоанцхой 1959, Алма-Ата[d]) — гӀалгӀай ашархо, иллиалархо. ГӀалгӀай Мехка халкъа артистка (2007).
Биографи
Ахценаькъан Хаччат яьй 1959-ча шера наджгоанцхой бетта 28-ча дийнахьа Казахий СССР Алма-Ате тӀемахочун дезале. БархӀ шу даьннача хана денз хиннай илли оалаш, цунца болх баьр я мукъамхо Янданаькъан Мухьмада Мадина, Дунен къамашта юкъе цӀихеза йола дирижёр. 1974—1976 шерашка пионерашта юкъе концерташка дакъа лийцад цо, солистка йолаш[1].
1982-ча шера Хаччата дийша йистеяьккхай Нохч-ГӀалгӀай мукъама училище вокала отделени (хьехархо хиннай Г. И. Гончарова). Деша ягӀача хана гастролешка дакъа лоацаш хиннай: цун репертуаре хиннай операш Дж. Верди, Дж. Перголези, Ш. Гуно, В. Беллини, Г. Генделя, Н. А. Римского-Корсакова, М. И. Глинки, П. И. Чайковски[1].
Цу хана дӀаяздаьд цо ЧИАССР Гостелерадио гӀолла ший хьалхара гӀалгӀай меттала дола иллеш: «Беттала бийса» (Чахканаькъан Ювсапа дешаш, Хамхой А. мукъам), «Хьа бӀаргаш» (Угурчанаькъан Азамат-Гире дешаш), «Ингушский вальс» (Хамхой А. дешаши мукъами), "Шира йиӀий илли, «ГӀарагӀураш» (Чахканаькъан СаӀида дешаш), «Наьсарен вальс» (Гаьгенаькъан Гирихан), «Хоза бӀаргаш» (Маькенаькъан А. дешаши мукъами)[1].
Ахценаькъан Хаччат болх баьб ЧИАССР Гостелерадио инструментальни ансамблеи ГӀалгӀай паччахьалкхен филармонеи, «ГӀалгӀайче» яхача къаман халхара паччахьалкхен ансамблеи солистка йолаш[1].
Дезал
Да́ — Ахценаькъан Ражапа Жабраил дахчан пандар дика лакха ховш хиннав; нана — Тамари Алматерча мукъама-драматически театре болх беш хиннай. Хаччата йиша — Ахценаькъан Жабраила Роза, иштта цӀихеза ашархо я[2].
СовгӀаташ
• ГӀалгӀай Мехка дукха дика хӀамаш карагӀдийна артистка (1997);
• ГӀалгӀай Мехка Товшхала министерствон «Золотая лань» преме хьалхара лауреат (1998);
• ГӀалгӀай Мехка халкъа артистка (2007).
Белгалдаккхар
- ↑ 1 2 3 4 Ахценаькъан И., 2024.
- ↑ Музыкальный атлас. Ингушетия, 2023, оа. 259.
Литература
- Музыкальный атлас. Ингушетия / Авторы-сост.: Дзаурова Т. А-Х., Гогиев Я. И., Дударов А. Я., Чередниченко А. Р., Матиев М. А., Куркиев Р. С., Ильясова А. З., Кодзоева Д. А., Ахциев И. М., Таркоев Р. Р., Газиков Б. Д.. — Ростов-на-Дону : Южный издательский дом, 2023. — Т. I. — С. 352. — 1000 экз. — ISBN 978-5-98864-167-4.
- Ахценаькъан Ислам. Хадишат Ахциева — легенда ингушской эстрады // «ГӀалгӀайче» : газет. — 2024. — 29 января.