Бакайнаькъан Жабраила Заьлмах
| Бакайнаькъан Заьлмах | |
|---|---|
| Зелимхан Бакаев | |
 | |
| Шийх бола хоам | |
| БӀарчча цӀи | Бакайнаькъан Жабраила Заьлмах |
| Паччахьалкхе | |
| Специализаци | футбол |
| Клуб | Спартак, Спартак-2, Арсенал |
| Ваь таьрахь | 1 кӀимарса 1996 (29 шу) |
| Ваь моттиг | |
| Спорта карьера | 2014 — хӀанзара ха |
| Тренераш | Алексей Леонидович Лунин |
| Лакхал | 180 |
| Дозал | 77 |
 РУВИКИ.Медиа чура файлаш | |
Бака́йнаькъан Жабраила Заьлмах (эрс: Бакаев Зелимхан Джабраилович; 1 кӀимарса 1996[1], Наьсаре, ГӀалгӀайче) — Россе футболист, «Зенит» яхача клуба полузащитник ва.
Биографи
Хьалхара шераш
Бакайнаькъан Заьлмах ваьв 1996-ча шера кӀимарса бетта 1-ча дийнахьа. Футболах ловза волавеннав бархӀ шу даьннача хана. Заьлмахи, цун воша Салтмуради Ӏомабаьр ва цар да́, Наьсарерча возгален юхе шаьрача ара, ши хи бе́гӀа́, коанаӀараш а яь, ловза моттиг яь хиннай воккхагӀча вошас[2]. 2007-ча шера, итт шу даьннача хана, Заьлмах дас вигав Москве, «Локомотиве», цхьабакъда Заьлмах цига чакхваьннавац, шоллагӀа йола тренировка йистеяларца из цигара цӀавенав. ШозлагӀа Москве нийсавенначул тӀехьагӀа, из чакхваьннав «Спартак» академе[3].
ДӀачуийцачул тӀехьагӀа, цо цхьа шуи ах шуи даьккхад интернате Ӏеш волаш, цхьабакъда футболах хьалха санна каст-каста ловзаш хиннавац, цудухьа футболиста низ дегӀабоалабе цун аьттув хиннабац цу юкъа. Дуккха тӀехьагӀа Москве ба́ха дӀабахаб цу даи, нанеи, вошеи. Цун хьалхара тренер хиннав Алексей Леонидович Лунин[4]. «Спартак» академе нийсавеннача хана, 11 шу даьнна хиннав из, ший нийсархошта юкъе белгга́ а хиннавац е лакха хиларах а е тенна хиларах а. Дас дукха къахьийгад цун дегӀа низ совбоаккхаш из хила везача кепе хургволаш.
Клубе да́къа лацар
Заьлмах клуба юкъе ловза волавеннав 2013-ча шера Москверча Спартака кагирхой лоаттама юкъе волаш. Цу шера кӀимарса бетта 15-ча дийнахьа, «ЦӀе-кӀайчара (кагирхой)»[5] тоабанна духьала Самарера «Советий ткъамаш» (эрс: Крылья советов) ловзача хана, цо баьккхаб ший хьалхара футболиста толам (0:1), 58-ча миноте Павел Глоба когаметта араваьнна[6]. 2013-ча шера, маьцхали бетта 24-ча дийнахьа гостевой матче 6-ча турах «Амкара» тоабанна духьала «кагирхой» ловзача хана, 61-ча миноте «кагирхошкахьа» (молодёжка) волаш цо чутехай бургац (2:1). «ЦӀе-кӀайчаргахьа» волаш, цо да́къа лаьцад 61 матчах, цу матчашка 10-зза бургац чутехай[7]. 2014-ча шера бекарга бетта 26-ча дийнахьа из лайзав «Фарм-клуб» «Спартак-2» тоабангахьа волаш ПФЛ первенствах 23-ча туре «Металурга́» духьала (2:3), Савичев Константина когаметта 72-ча миноте араваьнна. 2016-ча шера бекарга бетта 7-ча дийнахьа лайзав ФНЛ первенствах 30-ча турах «Балтика» духьала «Спартакагахьа» волаш (1:1). «Спатак-2» тоабангахьа волаш, цо дӀайихьай 53 матч, царна юкъе йиънех бургац чутехай.
«Спартак» (Москва)
2015-ча шера тов бетта 23-ча дийнахьа Россе Кубке 2015/2016 из лайзав «Спартакагахьа» волаш ЭгӀарча Новгородерча «Волга» яхача тоабанна духьала, 61-ча миноте Глушаков Дениса когаметта араваьнна[8]. Тов бетта 28-ча дийнахьа из ловзаш хиннав Краснодарерча «Къо́бан» (эрс: Кубань) тоабанна духьала (0:1)[9]. ДӀахо дӀайодача хана ФНЛ Первенствошка 2015/2016, 2016/2017 из «Спартакагахьа» лайзав. Цо да́къа лаьцад 41 ловзара́ юкъе.
_(cropped).jpg)
«Арсенале» дакъа лацар
2018-ча шера маьцхали бетта 1-ча дийнахьа из арендагӀа «Арсенал» яхача Тулерча клуба юкъе вахав. Цун кулгалхо хиннав Кононов Олег Георгиевич. Баьча соцамах «Арсенала́» юкъе хила везаш вар Футболах йола чемпионат 2018/2019 чакхъяллалца[10].
2018-ча шера Маьцхали бетта 4-ча дийнахьа кердача клубагахьа волаш Санкт-Петербургерча «Зенита» духьала ловзаш, Заьлмаха толам баьккхаб Россе Премьер-Лиге 2-ча тура матче, 67-ча миноте Лесовой Даниила́ когаметта араваьнна[11]. Маьцхали бетта 12-ча дийнахьа цо бургац чутехай, «Арсеналагахьа» волаш, 3-ча тура матче Шолжа-ГӀалий тӀарча «Ахмат» яхача тоабанна духьала ловзача хана[12]. Тов бетта 15-ча дийнахьа Россе чемпионата 7-ча тура матче «Крылья Советов» яхача тоабанна духьала ловзаш, 72-ча миноте Эванса Кангвы когаметта араваьнна, цо чуяьккхай йиълагӀа йола гол[13]. «Арсеналагахьа» волаш РПЛ Заьлмаха дӀайихьай 25 матч, 8 гол чуяьккхай цо цу матчашка, хӀаьта футболах йолча Россе Кубке цо 4 матч дӀайихьай. Ший аренда чакхъяларца из, «Арсенала» юкъера а ваьнна, юха «Спартаке» дӀачуваьннав[14].
Сезон 2019/20
«Арсенале» хинна юхавеначул тӀехьагӀа Бакаева Эрсечен Чемпионат 2019/2020 хилалехьа"Спартака" керттерча тренерегара Кононов Олегагара 10-гӀа номер йийхай. Олег раьза хиннав[15]. Юхавеначул тӀехьагӀа ший хьалхара матч дӀайихьай цо 2019-ча шера кӀимарса бетта 13-ча дийнахьа Эрсечен чемпионате 1-ча турах «Сочи» лиган дебютанта духьала (1:0)[16]. 2019/20 сезон йолалуш «Спартака» полузащитник хиннав цох. КӀимарса бетта 20-ча дийнахьа Эрсечен чемпионата 2-ча турах «Ростова» духьала (2:2) «Матч Премьер» телеканала тӀехдика ловзархо аьнна кхайкаваьв[17]. Маьцхали бетта иштта «дубль» яьккхай гостевой матчах Европай Лиган 3-ча квалификационни раундах Шувцарехьарча «Туна» тоабанна духьала (3:2)[18]. Маьцхали бетта 11-ча дийнахьа Эрсечен чемпионатах гостевой матчах 5-ча раундах Шолжа-ГӀалий тӀарча «Ахмат» клуба духьала (3:1) шозза бургац чуяьккхай, «Спартака» юкъеволаш[19], цу матчах а тӀехдика ловзархо аьнна кхайкаваьв[20]. Тов бетта 25-ча дийнахьа Эрсечен Кубка 1/16 раундах «КАМАЗа» духьала (2:1) ши гол дӀаеннай Эсекьеля Понсе, иштта новкъостал даьд ший тоабанна дӀахо чакхъяла[21].
Кононов Олег дӀаваьнначул тӀехьагӀа 2019-ча шера тов бутт чакхбоалаш, Доменико Тедеско керттерча метте хьожаваьчул тӀехьагӀа из юстарча полузащитника даржера юкъерча полузащитника дарже ваьккхав[22], «Спартака» керттера ловзархо ваьв Бакаев Заьлмахах[23].
«Зенит»
2022-ча шера аьтинга бетта 15-ча дийнахьа маьршача агента бокъонца цо контракт дӀачӀоагӀдаьд Санкт-Петербургерча «Зенит» яхача тоабанца[24]. КӀимарса бетта 30-ча дийнахьа «Зенитагахьа» волаш цо чуяьккхай гол Москверча «Локомотива» коанаӀарашка, бургац 11 метр гаьнара чутеха́ (5:0)[25].
Дезал
Да — Бакаев Бахьаудина Жабраил (1969 шера), футболист, лакхача балхаговзалах цкъа мара лайзавац — «Ангушта» юкъе Нарткалерча «Нарта» духьала. 18 шу даьннача хана Буро тӀарча «Спартак» тоабан тренер волча Романцев Олега дӀачувеннав, шоллагӀча тренировках вахавац, из дагадоалаш хиннав[2].
ЗӀамагӀвола воша Солтмурад а(ваьв 1999) «Спартаке» хинна ва.
2019-ча шера оагӀой бетта 15-ча дийнахьа цо йоалаяьй Бохтаранаькъан Фатима. ХьоалчагӀа ГӀалгӀай мехка хиннад[26].
2019-ча шера аьтинга бетта ший вешийца Солтмурадаца цхьана цо Наьсаре хьайийлай футбола ишкол. Цига дешаш 70 бер да, керттера тренер ва Зангенаькъан[2].
Сборне дакъа лацар
| |Россе | Шу | Дунен чемпионата хоржама матчаш | Европан чемпионата хоржама матчаш | УЕФА къамай лига | colspan="2" | Новкъостий матчаш | Ерригаш | ||||
|---|---|---|---|---|---|---|---|---|---|---|---|
| Ловзараш | Голаш | Ловзараш | Голаш | Ловзараш | Голаш | Ловзараш | Голаш | Ловзараш | Голаш | ||
| 2019 | 0 | 0 | 3 | 0 | 0 | 0 | 0 | 0 | 3 | 0 | |
| 2020 | 0 | 0 | 0 | 0 | 2 | 0 | 1 | 0 | 3 | 0 | |
| 2021 | 6 | 1 | 0 | 0 | 0 | 0 | 0 | 0 | 6 | 1 | |
| Ший карьере еррига | 6 | 1 | 3 | 0 | 2 | 0 | 1 | 0 | 12 | 1 | |
| № | Таьрахь | Духьала бараш | Чот | Заьлмаха яьха голаш | Фола | Хувцар | Номер | Яхьаш |
| 1 | 2019-ча шера ардара бетта 14-гӀа ди |  Кипр
|
5:0 | — | — |  78'
|
2 | 2020 шерарча Европан чемпионата хоржама матчаш |
| 2 | 2019-ча шера лайчилла бетта 16-гӀа ди | .svg){kind=small} Бельгехье
|
1:4 | — | — | 50'
|
10 | 2020 шерарча Европан чемпионата хоржама матчаш |
| 3 | 2019-ча шера лайчилла бетта 19-гӀа ди |  Сан-Марино
|
5:0 | — | — | — | 10 | 2020 шерарча Европан чемпионата хоржама матчаш |
| 4 | 2019-ча шера тов бетта 3-гӀа ди |  Серби
|
3:0 | — | — |  68'
|
10 | УЕФА къамай лига 2020/2021 |
| 5 | 2020-ча шера ардара бетта 8 ди |  Свенехье
|
1:2 | — | — | 73'
|
10 | Новкъостий матч |
| 6 | 2020-ча шера ардара бетта 14 ди |  Мажарче
|
0:0 | — | — | 56'
|
10 | УЕФА къамай лига 2020/2021 |
| 7 | 2021-ча шера тов бетта 1 ди |  Хорвати
|
0:0 | — | — | 70'
|
10 | 2022 шерарча Дунен чемпионата хоржама матчаш |
| 8 | 2021-ча шера тов бетта 4-гӀа ди | Кипр
|
2:0 | — | — | 65'
|
10 | 2022 шерарча Дунен чемпионата хоржама матчаш |
| 9 | 2021-ча шера тов бетта 7-гӀа ди |  Мальта
|
2:0 |  84′ (пен.)
|
— | 46'
|
10 | 2022 шерарча Дунен чемпионата хоржама матчаш |
| 10 | 2021-ча шера ардара бетта 8-гӀа ди |  Словаки
|
1:0 | — | — | 73'
|
10 | 2022 шерарча Дунен чемпионата хоржама матчаш |
| 11 | 2021-ча шера ардара бетта 11 ди |  Словени
|
2:1 | — | — | 86'
|
10 | 2022 шерарча Дунен чемпионата хоржама матчаш |
| 12 | 2021-ча шера лайчилла бетта 14 ди | Хорвати
|
0:1 | — | — | 78'
|
10 | 2022 шерарча Дунен чемпионата хоржама матчаш |
Еррига: 12 матч / 1 гол; 7 толам, 2 ничья, 3 эшар.
| Россе (21-ча шерага кхаччалца) | Шу | Новкъостий матчаш | 2017 шерарча Европан кагирхой чемпионата хоржама матчаш | Еррига | |||
|---|---|---|---|---|---|---|---|
| Ловзараш | Голаш | Ловзараш | Голаш | Ловзараш | Голаш | ||
| 2016 | 2 | 0 | — | — | 2 | 0 | |
| 2017 | 3 | 3 | 4 | 1 | 7 | 4 | |
| 2018 | 1 | 0 | 5 | 2 | 6 | 2 | |
| Карьере еррига | 6 | 3 | 9 | 3 | 15 | 6 | |
| № | Таьрахь | Духьала бараш | Чот | Заьлмаха яьха голаш | Яхьаш |
| 1 | 2016-ча шера лайчилла бетта 10 ди |  Шувцархой мохк (21 шу да́ллалца)
|
1:2 | — | Новкъостий матч |
| 2 | 2016-ча шера лайчилла бетта 14 ди | Шувцархой мохк (21 шу да́ллалца)
|
2:3 | — | Новкъостий матч |
| 3 | 2017-ча шера маьтсела бетта 27 |  Узбекий мохк (23 шу да́ллалца)
|
4:3 | — | Новкъостий матч |
| 4 | 2017-ча шера маьтсела бетта 31 ди |  КӀайэрсий мохк (21 шу да́ллалца)
|
7:0 | 2 | Новкъостий матч |
| 5 | 2017-ча шера тов бетта 5 ди |  Гибралтар (21 да́ллалца)
|
3:0 | — | 2017 шерарча Европан кагирхой чемпионата хоржама матчаш |
| 6 | 2016-ча шера ардара бетта 6 ди |  Астрий мохк (21 шу да́ллалца)
|
1:0 | — | 2017 шерарча Европан кагирхой чемпионата хоржама матчаш |
| 7 | 2016-ча шера ардара бетта 10 ди | Сербий мохк (21 шу да́ллалца)
|
2:3 | — | 2017 шерарча Европан кагирхой чемпионата хоржама матчаш |
| 8 | 2017-ча шера лайчилла бетта 10 ди |  Эрмалой мохк (21 шу да́ллалца)
|
2:1 | 1 | 2017 шерарча Европан кагирхой чемпионата хоржама матчаш |
| 9 | 2017-ча шера лайчилла бетта 14 ди |  Италой мохк (21 шу да́ллалца)
|
2:3 | 1 | Новкъостий матч |
| 10 | 2018-ча шера тушола бетта 23 ди |  Македонхой мохк (21 шу да́ллалца)
|
4:3 | 1 | Новкъостий матч МЧЕ-2017 |
| 11 | 2018-ча шера тушола бетта 27 ди | Гибралтар (21 шу да́ллалца)
|
5:0 | — | 2017 шерарча Европан кагирхой чемпионата хоржама матчаш |
| 12 | 2018-ча шера маьтсела бетта 20 ди | Кипр (21 шу да́ллалца)
|
3:0 | — | Новкъостий матч |
| 13 | 2018-ча шера тов бетта 11ди | Сербий мохк (21 шу да́ллалца)
|
1:2 | — | 2017 шерарча Европан кагирхой чемпионата хоржама матчаш |
| 14 | 2018-ча шера ардара бетта 12 ди | Сербий мохк (21 шу да́ллалца)
|
5:1 | 1 | 2017 шерарча Европан кагирхой чемпионата хоржама матчаш |
| 15 | 2018-ча шера ардара бетта 16 ди | Астрий мохк (21 шу да́ллалца)
|
2:3 | — | 2017 шерарча Европан кагирхой чемпионата хоржама матчаш |
Еррига: 15 матч / 6 гол; 9 толам, 0 ничья, 6 эшар.
Белгалдаккхар
- ↑ Zelimkhan Bakaev // Transfermarkt (мн.) — 2000.
- ↑ 1 2 3 Денис Романцов. Зелимхан Бакаев, каким вы его не знали: Коробка в Жулебино, смена агента, предложение из Европы и школа для 70 детей. https://matchtv.ru. «Матч ТВ» (4.03.2020). Хоам хьаийца таьрахь: 10.09.2025. Архиваци яьй 4.03.2020.
- ↑ Бакаев: «Меня назвали в честь ингушского Робин Гуда». Sports.ru (1.05.2016). Хоам хьаийца таьрахь: 11.09.2025. // Wayback Machine архиве дӀадилла шоллар (20.08.2017)
- ↑ Зелимхан Бакаев поблагодарил первого тренера, который работал с ним в «Спартаке». sport-express.ru (31.05.2022). Хоам хьаийца таьрахь: 11.09.2025.
- ↑ Россе футбола терминологех Спартаках «цӀе-кӀайбараш» оал.
- ↑ «Крылья Советов» 1 – 0 «Спартак» (Первенство Молодежных команд клубов Премьер-Лиги 2012/2013, 1-й тур). https://premierliga.ru. Российская премьер-лига (15.07.2013). Хоам хьаийца таьрахь: 11.09.2025. Архиваци яьй 11.09.2025.
- ↑ «Амкар» 1 – 2 «Спартак» (Первенство Молодежных команд клубов Премьер-Лиги 2012/2013, 6-й тур). https://premierliga.ru. Российская премьер-лига (24.08.2013). Хоам хьаийца таьрахь: 11.09.2025. Архиваци яьй 10.04.2019.
- ↑ Волга — Спартак (0:7). Кубок России 2015—2016. Протокол матча // Wayback Machine архиве дӀадилла шоллар (29.07.2017), Sportbox.ru (23 сентября 2015)
- ↑ Къобан — Спартак (1:0). Кубок России 2015—2016. Протокол матча // Wayback Machine архиве дӀадилла шоллар (29.07.2017), Sportbox.ru (28 октября 2015)
- ↑ «Арсенал» взял в аренду у «Спартака» Зелимхана Бакаева. Архиве диллад 2025 шера тов 11 дийнахьа. Техкад укх дийнахьа: 11.09.2025.
- ↑ Зенит — Арсенал (1:0) 4 августа 2018. Чемпионат России 2018-19. Протокол матча. www.news.sportbox.ru. Sportbox.ru (4.08.2018). Хоам хьаийца таьрахь: 11.09.2025. Архиваци яьй 2.05.2019.
- ↑ Арсенал — Ахмат (3:1) 12 августа 2018. Чемпионат России 2018-19. Протокол матча. Хоам хьаийца таьрахь: 11.09.2025. Архиваци яьй 2.05.2019.
- ↑ Арсенал — Крылья Советов (4:0) 15 сентября 2018. Чемпионат России 2018-19. Протокол матча. https://news.sportbox.ru. «Sportbox» (15.09.2018). Хоам хьаийца таьрахь: 11.09.2025. Архиваци яьй 16.11.2019.
- ↑ Зелимхан Бакаев: «Счастлив, что я снова в "Спартаке"!» www.spartak.com. «Спартак» (Москва) (11.09.2025).
- ↑ Кононов рассказал, почему Бакаев взял 10-й номер в «Спартаке». www.matchtv.ru. «Матч ТВ» (11.07.2019). Хоам хьаийца таьрахь: 11.09.2025. Архиваци яьй 25.07.2019.
- ↑ Спартак — Сочи (1:0) 13 июля. Чемпионат России. 2019-20. Протокол матча. www.sportbox.ru. Sportbox.ru (13.07.2019). Хоам хьаийца таьрахь: 11.09.2025. Архиваци яьй 14.07.2019.
- ↑ Бакаев признан лучшим игроком матча «Ростов» — «Спартак». https://www.matchtv.ru. «Матч ТВ» (22.07.2019). Хоам хьаийца таьрахь: 11.09.2025. Архиваци яьй 9.11.2019.
- ↑ Тун - Спартак (2:3) 8 августа. Лига Европы 19-20. Квалификация. Протокол матча. www.sportbox.ru. «Sportbox.ru» (8.08.2019). Хоам хьаийца таьрахь: 11.09.2025. Архиваци яьй 9.08.2019.
- ↑ Ахмат — Спартак (1:3) 11 августа. Чемпионат России. 2019-20. Протокол матча. sportbox.ru. «Sportbox.ru» (11.08.2019). Хоам хьаийца таьрахь: 11.09.2025. Архиваци яьй 10.08.2019.
- ↑ Бакаев признан лучшим игроком матча «Ахмат» — «Спартак». https://www.sportbox.ru. «Sportbox.ru» (11.08.2019). Хоам хьаийца таьрахь: 11.09.2025. Архиваци яьй 9.11.2019.
- ↑ КАМАЗ - Спартак (1:2) 25 сентября. Олимп - Кубок России 2019-20. Протокол матча. https://www.sportbox.ru. «Sportbox.ru» (25.09.2019). Хоам хьаийца таьрахь: 11.09.2025. Архиваци яьй 19.10.2019.
- ↑ Тедеско объяснил перевод Бакаева в центр полузащиты. https://www.championat.com. «Чемпионат» (21.10.2019). Хоам хьаийца таьрахь: 11.09.2025. Архиваци яьй 21.10.2019.
- ↑ Дмитрий Зеленов. Бакаев — умница. У «Спартака» есть новый Алекс. https://www.sport-express.ru. «Спорт-Экспресс» (9.11.2019). Хоам хьаийца таьрахь: 11.09.2025. Архиваци яьй 9.11.2019.
- ↑ Зелимхан Бакаев подписал контракт с «Зенитом». Хоам хьаийца таьрахь: 11.09.2025. Архиваци яьй 15.06.2022.
- ↑ Зелимхан Бакаев забил первый мяч в официальных матчах за «Зенит». Хоам хьаийца таьрахь: 11.09.2025. Архиваци яьй 30.07.2022.
- ↑ Одинаково прекрасные: как выглядят жены российских футболистов. ww.thevoicemag.ru. Хоам хьаийца таьрахь: 11.09.2025.