Наьсарера возгале
| Станция | |
| Наьсаре (эрс: Назрань) | |
|---|---|
| Берса́-Пхье — Сипсой-ГӀа́ла | |
| Къулбаседа Кавказа аьшкникъ | |
 Наьсарерча хӀанзарча возгален сурт | |
| Ло:Wikidata-coord | |
| Аьшкнаькъий регион | Минераловодски |
| Оператор | ОАО «Россе аьшкнаькъаш» (РЖД) |
| Хьайийла таьрахь | 1894[1] |
| Тайпа | Наькъахой, мухь кхухьа |
| Платформий дукхал | 1 |
| Платформа тайпа | 1 оагӀора |
| Платформа кеп | нийса |
| Арава́лар да | укх урамаштеи: Толама, Оздой, ГӀазданаькъан, Осканаькъан, Машара, Тутайнаькъан Аьсета, МутаӀаланаькъан, урамгаштеи: Возгален, Пхьарчанаькъан, машений возгале йолча |
| Улла моттиг | Наьсаре, ГӀалгӀай Мохк |
| Сипсой-ГӀалага йола юкъ |
28 км  |
| Берса́-Пхьега йола юкъ |
21 км |
| Станце код | 540303 |
| АСУЖТ код | 540303 |
| «Экспресс-3» код | 2064049 |
| Лоаллахара с. п. | Беслан[d] |
 РУВИКИ.Медиа чура файлаш | |
Наьсаре — Наьсарера аьшкнаькъа станци. Къулбаседа Кавказа аьшкнаькъа Минераловодски региона́ юкъейоагӀаш я. ГӀалгӀашта юкъе станци йовзаш я Возгале оалаш цкъаза меттагахь Наьсаре пхьенах шийх йоаккха цӀи тӀехьа лоархӀаш, из дош доагӀа эрсий вокзал яхачох.
Тархьар
1891-ча шера маьцхали бутт чакхбоаллаш Наьсарен бурона йисте Ӏодилла доладаьд Берса-Юрт — Петровск яхача аьшкнаькъа гов. 1893-ча шера маьтсела 1-ча дийнахьа хьалъетта́ хьайийлай возгале. Цкъаза возгале йиллар тахан йовзаш йола Наьсаре йилларца а ювз (тархьара Наьсархой шахьар йола дукха ха яле а).
Нохчашкахь тӀом хилалехь Шолжа-ГӀалий тӀа дӀакхоачаш никъ хиннаб, амма из бохабаьб, хӀанз беррига хӀана бац аллал вӀашагӀбаьккхаб из, Наьсарегара аьшкникъ Шолжа-Пхьенага дӀакхоачаш мара бац из хӀанз.
2000-гӀа шераш долалуча хана къаьнара гӀишло дӀа а яьккха керда а́лсамъяьккха́ тӀех па́ргӀато йола возгален комплекс хьалъеттай[2]
2006-ча шера йиълагӀча квартале Къулбаседа Кавказерча аьшкнаькъа Минераловодски региона урхалено оттадаьча жамъӀах «Наьсаре» станце толам баьккха системан коллективашта юкъерча яхьарашка. Станце мехка́ чуийца́ мухь 373.330 тонн хиннай (соахка хинначул 109 процент дукхагӀа). Мухь чуйолча вагонашкара Ӏойоасъяр де́нах юкъердар ӀолаьрхӀача, 17,1 вагон Ӏойоасъеш хиннай (соахкарчунга 108,8 % совда́лар). Къахьегама овсарал 115% кхачаллца совъяьннай. Цу юкъа наькъахой дӀахьакхувлара оахам 82 эзар сагага кхаьчаб (103 %).[3]
2012-ча шера лайчилла бетта 1-ча дийнахь ОАО «Федеральная Пассажирская Компания» (ФПК) яхачои ГӀалгӀай Мехка хьакимашеи барт язбаьб наькъахой дӀахьакхувлара даькъе цхьана болх берг хиларах. ГӀалгӀай Мохк йоккхача Россе хьалхара регион хиннай кердача фирменни цӀермашенаца Наьсарера Москве наькъахой дӀахьакхувлар Ӏалашдеш ФПК даха́ ахча токхаш.
Сурт оттадар
Возгален гӀишлон чу совъяьккха́ паргӀато йола хье́жа цӀенош да. Долаш да доккха хьежа цӀа а, йӀаьхача юкъа́ ха йоаккха цӀенош а, массехк билетий касса а, хоамаш тела моттиг а, наьнеи берийи цӀа а, багаж улае йиш йола багажацара да́къа а, буфеташ а кафетереш а. Возгале спецслужбас лораеш я[4].
ХӀираштеи гӀалгӀаштеи юкъе къовсамаш хилар бахьан долаш Наьсаререи Наьсареи йолхаш йола цӀермашена Берса́-Пхье сувцац.
Возгален цӀай
- 386102, Эрсече, ГӀалгӀай Мохк, Наьсаре пхье, Победа урам, 1 цӀ.
- Хоамаш те́ла моттиг: +7 (8732) 22-23-23
Белгалдаккхар
- ↑ Железнодорожные станции СССР. Справочник. — М.: Транспорт, 1981
- ↑ Газета «Сердало» — День железнодорожника (тӀакхоачача боаца тӀатовжам)
- ↑ Станция «Назрань» стала победителем в соревнованиях за 4 квартал 2006 г. Хоам хьаийца таьрахь: 20.04.2013. Архиваци яьй оригинала тӀара 19.09.2013.
- ↑ Железнодорожный вокзал, г. Назрань. Хоам хьаийца таьрахь: 9.01.2015. Архиваци яьй оригинала тӀара 9.01.2015.