Ведажанаькъан
Ведажанаькъан (эрс: Ведзижевы) — гӀалгӀай къаман массехк тайпай дакъа да, вешта аьлча, тайпан е ваьра никъ.
ЦӀи
ГӀалгӀай меттала Ведажанаькъан яхача ваьра наькъа цӀи хьахиннай: Ведаж яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Ведзижев», «Ведзижеваа», «Ведзижевы» аьнна язъю[1].
Тархьар
Ведажанаькъан тайпа Аьгекхалара хьадаьннад. Царца вошал доагӀаш ба Бохтаранаькъан. 1986-ча шера Пхьилекъонгий-Юрта Ведажанаькъан 13 цӀа хиннад, 1990-ча шерашка 69 цӀа даьхад. Пхьилекъонгий-Юрта баьха ца Ӏеш, цу тайпан нах бах Буро-КӀала а МагӀалбике а[2].
Ведажанаькъан наькъаш хьадоладалар да цу массехк тайпан хиннача Ведаж яхача сагагара, ишта цу Ведажах хьа мел байна нах «Ведажанаькъан» а ба.
ЦIихеза нах
- Ведажанаькъан Абабукара Ахьмад — йоазонхо.
- Ведажанаькъан Мусай ГӀаьбарте — цӀийоацарга дарба ду лор.
 |
Цхьатарра тайпанцӀи йолча нахах лаьца долча лустамий листам. Нагахьа санна хьо укхаза РУВИКИ энциклопеден кхыча оагӀон тӀара кхаьчавале(-яле), из укхазахьа вугаш бола тӀатовжам тоабе беза, къаьстта цхьан сагах болча лустамага из тӀахьожабеш хургболаш. Хьажа иштта долаш долча лустамий бӀарчча болча листамага. |
- ↑ Ономастикон Ингушетии, 2021, оа. 17.
- ↑ Дахкильгов, 1991, оа. 13.