Гайсананаькъан Яхььяьй Рашид
| Гайсананаькъан Яхььяьй Рашид | |
|---|---|
 | |
|
| |
 ГӀалгӀай Мехка мехкдаь декхараш кхоачашдер
 |
|
| кӀимарса бетт 3-гӀа ди — 2009-ча шера маьцхали бетта 12-ча дийнахьа | |
| Хьалхахиннар | Евкуранаькъан Ювназ-Бек |
| ТӀехьахиннар | Евкуранаькъан Ювназ-Бек |
 ГӀалгӀай мехка Доалчен тхьамада
|
|
| 2008-ча шера лайчилла бетта 13-гӀа ди — 2009-ча шера ардара бетта 5-гӀа ди | |
| Хьалхахиннар | Дзейтанаькъан ХӀарон |
| ТӀехьахиннар | Алексей Воробьёв |
|
|
|
| Ваьв |
17 тов 1972 (53 шу) |
| Парти | |
Гайса́нанаькъан Яхььяьй Раши́д (эрс: Гайсанов Рашид Яхьяевич; 17 тов 1972, Дошалкъий-Юрт, Нохч-ГӀалгӀай АССР) — Россе паччахьалкхени политикеи болхло, ГӀалгӀай Мехка дукха дика хӀамаш карагӀдийна экономист. ГӀалгӀай Мехка Доалчен тхьамада хиннав 2008-ча шера лайчилла бетта 13-ча дийнахьа денз 2009-ча шера ардара бетта 5-ча денга кхаччалца, ГӀалгӀайчен Мехкдаь декхараш кхоачаш деш хиннав 2009-ча шера кӀимарсеи маьцхалии бетташка. 2010 шера денз Россе Федераце Доалче болх беш ва.
Биографи
Гайсананаькъан Рашид ваьв 1972-ча шера тов бетта 17-ча дийнахьа Дошалкъий-Юрта Нохч-ГӀалгӀай АССР.
1993-ча шера цо йистеяьккхай Ростова юртбоахама института ахчан-экономикан факультет, цул тӀехьагӀа Наьсаре цӀавенав, цига цо болх баьб Эрсечен Сбербанка гӀалгӀай отделене ревизор волаш 1994-ча шерага кхаччалца.
1994—1998 шерашка Рашида болх баьб «Аьрзи» яхача коммерчески банка урхале тхьамадан когаметтаоттар волаш.
1998-ча из балха тӀехьа лакхвеннав: РФ Сбербанка гӀалгӀай отделене кулгалхочун когаметтара даржера волавенна, цо болх баьб Федераце Совета доакъашхочун а, ГӀалгӀай Мехка президента Овшанаькъан Руслана гӀонча волаш а, ГӀалгӀай Мехка мехкдаь экономикан хаттаре вола гӀонча волаш а[1].
1999-ча шера оагӀой бетта 2-ча дийнахьа Рашид хьожаваьв ГӀалгӀай Мехка экономикан министра дарже, из цу хана, 27 даьнна волаш, Эрсечен кагийча министрашта юкъе эггара зӀамагӀа хиннав.
2003-ча шера цо яьккхай РФ президента паччахьалкхен гӀулакхчен Россе академи.
2005 шу—2006 шу шерашка цо болх баьб ГӀалгӀай паччахьалкхен университета проректор волаш.
2006—2008 шерашка Рашид болх беш хиннав РФ президента викала аппарате ЗӀилбухерча федеральни округе, 2008-ча шера — ЮФО проектийи инвестиций программайи департамента эггара хьалха кулгалхочун когаметтаоттари, тӀехьагӀа кулгалхои.
2008-ча шера лайчилла бетта 13-ча дийнахьа Гайсананаькъан Рашид хьожаваьв ГӀалгӀай Мехка Доалчен тхьамадалла.
2009-ча шера тушола бетта 6-ча дийнахьа денз — «ЦаӀ йола Эрсече» парте гӀалгӀай отделене президиума секретарь.
2009-ча шера кӀимарса бетта 3-ча дийнахьа денз маьцхали бетта 12-ча денга кхаччалца из Евкуранаькъан Баматгире Ювназ-Бек лозаваьча хана, цунна дарба деча юкъа ГӀалгӀай Республика Мехкдьа декхараш кхоачаш деш хиннав[2][3].
2009-ча шера ардара бетта 5-ча дийнахьа, вийрза, мехка цӀавенача Ювназ-Бека ГӀалгӀай Мехка Доалче дӀахьахийцай, иштта къаьсттача амарца цо доалчен тхьамадан даржера дӀаваьккхав Гайсананаькъан Рашид а[4]. Цу хана денз цун цӀи Россе прессе кхы хьоахаеш хезаяц.
2010 шера денз Россе Федераце Доалче болх беш ва. Россе Федераце 3 класса паччахьалкхен хьехамча ва[5].
СовгӀаташ
- «ГӀинбухера Кавказ» Ассоциацен Сийлен грамота (2003)[5].
Белгалдаккхар
- ↑ Рашид Яхьяевич Гайсанов. Биографическая справка. Хоам хьаийца таьрахь: 18.09.2025. Архиваци яьй 28.06.2009.
- ↑ Указ Президента Российской Федерации от 03.07.2009 г. № 737 «О временном исполнении обязанностей Президента Республики Ингушетия». Президент России. Хоам хьаийца таьрахь: 18.09.2025. Архиваци яьй 25.10.2019.
- ↑ Указ Президента Российской Федерации от 12.08.2009 г. № 934 «О признании утратившим силу Указа Президента Российской Федерации от 3 июля 2009 г. N 737 „О временном исполнении обязанностей Президента Республики Ингушетия“». Хоам хьаийца таьрахь: 18.09.2025. Архиваци яьй 25.10.2019.
- ↑ Правительство Ингушетии отправлено в отставку. Хоам хьаийца таьрахь: 17.09.2025. Архиваци яьй 29.10.2013.
- ↑ 1 2 Патиев, 2023, оа. 150.
Литература
- Ингушетия: популярная иллюстрированная энциклопедия / Сост. Я. С. Патиев; науч. ред. М. Г. Цароева, Т. Х. Матиев. — Магас : «Сердало», 2023. — 816 с. — ISBN 978-594452-185-9.
ТӀатовжамаш
- Алена Ларина. Рашид Гайсанов: Выведем из тени предприятия, которые не платят налоги, но получают хорошие госзаказы (интервью). rg.ru. Интернет-портал «Российской газеты» (16.01.2009). — глав. ред. В. А. Фронин. Хоам хьаийца таьрахь: 17.09.2025.
- Эльдар Надирашвили. И. о. президента Ингушетии Рашид Гайсанов: «Главное — не только силовая составляющая» (интервью). iz.ru. Интернет-портал МИЦ «Известия» (17.07.2009). — глав. ред. М. Д. Пак. Хоам хьаийца таьрахь: 18.09.2025.