ГетагӀазанаькъан Мухьмада Ӏайна
| ГетагӀа́занаькъан Му́хьмада Ӏайна́ | |
|---|---|
| ГетагӀазанаькъан Ӏайна | |
 | |
| Керттера хоам | |
| Яь таьрахь | 13 оагӀой 1984 (41 шу) |
| Яь моттиг | Буро, ХӀирий АССР |
| Мохк |
 Россе Федераци |
| Болхговзалаш | ашархо, композитор |
| Жанраш | йиш |
| getagazova.ru | |
ГетагӀа́занаькъан Му́хьмада Ӏайна́ (эрс: Гетагазова Айна Магомедовна; 13 оагӀой 1984, Буро) — гӀалгӀай ашархо, композитор. ГӀалгӀай Мехка халкъа артист а, Нохчий мехка халкъа артист а я. «Маьл» яхаш сагӀаш деча фонда попечителий совета доакъашхо я[1]
Биографи
Берал
ГетагӀазанаькъан Ӏайна яьй 1984 шера оагӀой бетта 13-ча дийнахьа Буро тӀа дукха дезал болча фусаме. Пхе йишех цаI я из. ЗӀамига йолча хана денз ашараш лакха ловш хиннай Ӏайна, дезалхошта юкъе из цаӀ мара хиннаяц ашараш лекхаш. 1992 шера ГӀалме шахьареи Буро тӀеи маьршача гӀалгӀашта туржаӀ дарах мехках бовла бийзаб цар. Узбекехье баха дӀабаха хиннаб уж[2].
ДукхагӀдолча даькъе цун да-нана бизнес лелаеш хиннаб[3]. Нанна, Лизайна, берий хана ашархо хила ше сатийссандаь, лайнад Ӏайнаех мукъамхо хилар[4]. Репетитораца болх баьб йиӀига.
Ӏайнас яьккхай Ташкентера Глиэра цӀерагӀа йола къаьстта мукъама ишкол, цул тӀехьагӀа яьккхай Москвера Гнесиных цӀерагӀа йола эстрадно-джазови колледж[4].
ГетагӀазанаькъан Ӏайна дакъа лоацаш хиннай Россерчеи къаман юкъарчеи яхьашка, цига цо толамаш даьхад. Толамашта юкъе «КхоалагӀча Россе Дельфийски ловзарашка» даьккха совгӀат да[4][5].
Диплом даьккхачул тӀехьагӀа Ташкентера ГӀалгӀай мехка цӀаенай, цул тӀехьагӀа цхьа юкъ яьккхай иллиалархочун балхара дӀаяьнна, дезал кхебар бахьан долаш. Бераш доккха хинначул тӀехьагӀа из балха юхаенай. Из филармоне болх баь ца Ӏеш, ше сольни болх беш я[4].
Кавказа оамалех да цун мукъамаш эстрадни дале а. Из болх бе хьож Россе а ший мехка а товшхала́ пайда хургболаш[4].
1990—2000 шерашка Ӏайнас арахийцад ший хьалхара альбом. Из арахийцачул тӀехьагӀа Ӏайнай чӀоагӀа цӀихезай, цун кхоллам дукха безабеннаб боккхийча кагийча а наха́[6].
14 шу даьннача хана денз цо дукха нах гулабу ший концерташка. Цу хана денз къаманна езаш, цӀихеза иллиалархо я[6].
Болх юха соцабаь 10 шу даьккхадале а, наьха цун кхолламацара чам байнабац. 2014-ча шера цо 4-гӀа альбом. Из араадаькхачул тӀехьагӀа, цу альбома тӀара иллеша чехка дӀа-хьа даьржад, царна юкъе хиннад «ГӀалгӀайче» яха илли.[6].
2025-ча шера Ӏайнас арахийцад «Лишь один» яха клип[7].
Нохчий мехка я́ха дӀаяхар
2018-ча Кадыров Ахьмада Рамзана дӀа а йийха болх бе дӀаяхай Нохчий мехка. Цига цунна яннай «Нохчий мехка халкъа артист» яха звани. Дукхача яхьашка, концерташка дакъа лаца йолаеннай. «Песня года-2018» яхача яхье «БӀаьсти яьлча» яхача ашарах 7-гӀа моттиг цо яьккхай. Аднана Шахбулатова цӀерагӀа йолча Филармоне балха дӀаийцай из. 2019-ча шера оагӀой бетта Шолжа-ГӀалий тӀа ший сольни концерт оттадаьд.
Дезал
Ӏайнай кхо дезалхо ва — ши кӀаьнки цхьа йиӀиги[4].
Альбомаш
- «Ингушетия»;
- «Ретро»;
- «Лучшее»;
- «Лезгинка».
Белгалдаккхар
- ↑ Первый Республиканский Конкурс «ФурӀал ЙоӀ» для девушек с ограниченными фезичекими возможностями. Хоам хьаийца таьрахь: 11.09.2025. Архиваци яьй 21.02.2019.
- ↑ Новицкая, 2024.
- ↑ Айна Гетагазова (Ayna Getagazova). Хоам хьаийца таьрахь: 11.09.2025. Архиваци яьй 21.02.2019.
- ↑ 1 2 3 4 5 6 Белецкий, 2015.
- ↑ Третьи молодежные Дельфийские игры России. Победители и призеры. delphic.games. Международный Дельфийский комитет (2003). Хоам хьаийца таьрахь: 11.09.2025.
- ↑ 1 2 3 Сольная шоу-программа певицы Айны «Амазонка» (2016). Хоам хьаийца таьрахь: 11.09.2025. Архиваци яьй 21.02.2019.
- ↑ Айна Гетагазова — Лишь один, Премьера клипа 2025. https://zvuk-m.com (22.07.2025). Хоам хьаийца таьрахь: 23.09.2025.
Литература
- Белецкий Д. Кто представляет Северный Кавказ на телепроекте «Новая звезда» (электр. изд.). stav.kp.ru. «Комсомольская Правда». Сев. Кавказ. (19.02.2015). Хоам хьаийца таьрахь: 9.09.2025. Архиваци яьй 21.02.2019.
- Новицкая К. Айна Гетагазова. Aina Getagazova (электр. изд. / глав. ред. А. Ашимова). 24smi.org. «24 СМИ» (2024). Хоам хьаийца таьрахь: 11.09.2025.
ТӀатовжамаш
- Биография Айны Гетагазовой (офиц. сайт). getagazova.ru (2020). Хоам хьаийца таьрахь: 9.09.2025. Архиваци яьй оригинала тӀара 14.03.2022.