Дидиганаькъан Абукара Раиса

Дидиганаькъан Абукара Раиса
Дидиганаькъан Абукара Раиса
	эрс: Дидигова Раиса Абукаровна
Ваь таьрахь	1956
Ваь моттиг	Ванновка, Тюлькбасски шахьар, Къулбехьера ГӀазакхстанехье
БӀорахол	СССР → Россе Федераци
Леладу гӀулакх	йоазонхо, оазархо
СовгӀаташ	• «Денал долча къахьегамах» (эрс: «За доблестный труд») яха майдилг; • Къамашта юкъерча кхоллама академе дошо майдилг; • «БӀорахочун сийнах» (эрс: «За гражданское достоинство») яха майдилг; • М. Ю. Лермонтова 200 шу дузаш, совгӀата енна Чахканаькъан СаӀида цӀерагӀа йола майдилг; • «Литературе карагӀдаьннарех» (эрс: «За заслуги в литературе») яха сийлен белгало;

Дидигана́ькъан Абука́ра Раи́са́ (эрс: Дидигова Раиса Абукаровна) — гӀалгӀай оазархои, юкъарлон болхлои я. Из хиннай ГӀалгӀай йоазонхой юкъарлон тхьамада^[1].

Биографи

Дидиганаькъан Раиса яьй 1956-ча шера Къулбехьерча ГӀазакхстанехьа Тюлькбасски шахьаре Ваннавка яхача юрта, гӀалгӀай къам мехках даьккха, цига Ӏеш долча хана. Из духхьашха деша яхай гӀалгӀай Сибарера шоай мехка цӀабаьхкачул тӀехьагӀа. Ший мехка хьаийцад цо юкъарча дешарах дола аттестат, дӀахо вахар метта Ӏилманца хеттад цо. 1979-ча шера дика дешархо йолаш, цо йистеяьккхай Пятигорскера паччахьалкхен кхыча мехкарча меттай хьехархой институт, цул тӀехьагӀа Наьсарерча цхьан ишколе балха яхай берашта немций мотт хьеха. Дукха ца говш ишкола директор хьахиннай цох, болх дика барца белгалъяьнначул тӀехьагӀа, цох яьй Наьсарен шахьара дешара отдела хьаким^[1].

ДӀахо Раисас болх баьб ГӀалгӀай Мехка мехкдаь администраце организационни отдела хьакима когаметтаоттар йолаш, массехк шера къахьийгад Наьсарерча администраце даь когаметтаоттар йолаш а ГӀалгӀай Паччахьалкхен Доалчен тхьамадий когаметтаоттар йолаш а. Бехктокхаме балхаш цо кхоллама балхаца цхьана кхоачашдаьд^[1].

Кхоллам

Институте деша ягӀача хана йолаеннай из байташ язъе. Пятигорске язъяьй цо «По лермонтовским местам» яха ший хьалхара байт. Цун хьалхара байташ кепатеха араяьннай «Сердало» газета тӀа а «Жизнь национальностей» яхача Москверча журнала тӀа а. Цул тӀехьагӀа цун кхолламо дӀалаьцад «Литературни ГӀалгӀайче», «Литературни ГӀаьбартой-Малкхаре», «Кавказа оаз», «Вайнах», «Танеи Къобани», «Дии бийсеи», «Великороссъ» яхача журналий оагӀонаш. 2002-ча шера цо арахийцад «Прикосновение» яха кинижка. Из кинижка арахецар бахьан долаш, цун енна «Золотой Пегас» яха бӀалгӀилг а, «Лауреат шестой Артиады народов России» яха сийлен цӀи а кхаь номенацех чакхъяларах. Цу шера Раиса юкъеяхай ГӀалгӀай йоазонхой юкъарлонна а. ХӀаьта 2014 шера денз 2022 шерага кхаччалца цо ГӀалгӀай йоазонхой юкъарлонна кулгалдаьд. 2004-ча шера Раисас да́къа лаьцад Эрсечен артийски комитето ехарца «Знатная женщина XXI» яхача яхье, цига цо котало яьккхар. Из толам баьккхачул тӀехьагӀа, «Знаменитые люди Кавказа» яхача кинижка́ юкъеяхар Дидиганаькъан Раисай цӀи^[1]. Цу юкъа арадаьннад цун «Духовная память» яха шоллагӀдола кинижка. ХӀаьта 2024-ча шера арадаьннад «Печать пророков» яха кинижка^[2].

СовгӀаташ

• «Денал долча къахьегамах» (эрс: «За доблестный труд») яха майдилг
• Къамашта юкъерча кхоллама академе дошо майдилг
• «БӀорахочун сийнах» (эрс: «За гражданское достоинство») яха майдилг
• М. Ю. Лермонтова 200 шу дузаш, совгӀата енна Чахканаькъан СаӀида цӀерагӀа йола майдилг^[1]
• «Литературе карагӀдаьннарех» (эрс: «За заслуги в литературе») яха сийлен белгало^[2]

ТӀатовжамаш

Мадина Оздоева. Са дагалоацама кӀоаргала чу... Халкъан оазархо Дидиганаькъан Раиса яьча денга (эрс.) = В покоях памяти моей... Ко дню рождения народной поэтессы Раисы Дидиговой // ГӀалгӀайче : газет. — 2021. — 9 февраля.
ГӀазданаькъан Ахьмад. Мехка дина кхерамзле. ГӀалгӀай Мехка оазархо йолча Дидиганаькъан Раисай «Пайхамарий махьар» яхача кинижка́ презентаци йир (эрс.) = Духовная безопасность страны. В Ингушетии презентовали книгу поэтессы Раисы Дидиговой «Печать пророков» // Сердало : газет. — 2024. — 4 июля.

[_d0ef50bb3d5c148b-1] ¹ ² ³ ⁴ ⁵ Мадина Оздоева, 2021.

[_43156c524c640d55-2] ¹ ² ГӀазданаькъан А., 2021.

[1]

[2]