Къоастой Султана Абубакар

Рувики материал
Тувла ма ве даь цӀи кхыяр йолча Къоастой Абубакараца.
Къоастой Султана Абубакар
Костоев Абубакар Султанович.jpg
Ваь таьрахь 23 маьцхали 1960(1960-08-23)
Ваь моттиг Экажакъонгий-Юрт, Наьсарен шахьар, Нохч-ГӀалгӀай АССР
Кхелха ха 21 аьтинга 2004(2004-06-21) (43 шу)
Кхелха моттиг Наьсаре, ГӀалгӀайче, Эрсече
БӀорахол  СССР
 Россе Федераци
БӀун тайпа Эрсечен Чухьарча гӀулакхий министерство
БӀул даь шераш 1985—2004
Звани
Полковник РФ МВД полковник
Кулгалдаьд ГӀалгӀай Мехка Чухьарча гӀулакхий министерство
Сраженеш/тӀемаш Афганистанера тӀом
СовгӀаташи премеши
Золотая звезда Героя России.svg

Къоастой Султана Абубакар (эрс: Абубука́р Султа́нович Косто́ев; 23 маьцхали 1960, Нохч-ГӀалгӀай АССР — 21 аьтинга 2004, Наьсаре, ГӀалгӀайче) — Эрсечен Чухьарча гӀулакхий министерства болхло, ГӀалгӀай Мехка Чухьарча гӀулакхий министра декхараш кхоачашдеш хиннав. Полице полковник. Россе Федерацен Турпал. Из совгӀат цунна деннад 2004 ш. оагӀой бетта 29-ча дийнахьа (венначул тӀехьагӀа).

Биографи

Къоастой Абубакар ваьв Экажакъонгий-Юрта. 1978—1980-ча шерашка ший юртара № 1 йола ишкол яьккхачул тӀехьагӀа Советий эскаре бӀул кхоачашдеш хиннав, Афганехьа тӀем тӀа а хиннав. 1985-ча шера СССР Чухьарча гӀулакхий маьженашка балха эттав из, мехка цхьан ОВД дежурни даькъе милисхо волаш болх беш хиннав. Омскера милисхой ишкол яьккхачул тӀехьагӀа Краснодарерча йисте  (эрс.) (гӀа. хьожаваьв из УВД даькъ тӀара инспектор волаш болх бе, цул тӀехьагӀа оперуполномоченни ваьв цох[1].

1991-ча шера Абубакар ГӀалгӀай Мехка хьалцӀа а вена, Наьсарен РОВД болх беш хиннав, дукха ха ялалехь цун хьаким хиннав цох. 1997-ча шера лайчилла бетта ГӀалгӀай Мехка Чухьарча гӀулакхий министра когаметтаоттачун дарже оттаваьв из, иштта криминальни милисхой гӀулакха хьаким а хьахиннав цох[2]. 1999-ча шера ГӀалгӀайчен Президент хиннача Овшанаькъан Русланца къовсаваларах Чухьарча гӀулакхий шахьарашта юкъерча отделе хьакималла хьожавеш лохадаьд цун дарж. 2003-ча шера тов бетта мехкара кулгалхой хийцачул тӀехьагӀа ши хиннача дарже юхавенав[3]. 2004-ча шера аьтинга бетта 5-ча дийнахьа денз ГӀалгӀай Мехка Чухьарча гӀулакхий министра декхараш кхоачаш дечун дарже хиннав из[4].

Ший болх кхоачаш беш массайтта доккхий а, геттара доккхий а зуламаш гучадаьхад цо, царна юкъе хиннад терроризма акташ а, нах боабар а, лечкъабар а, нах карабигар а, паччахьалкхенгара ахча лечкъадар а. Массехказза из ве гӀийртаб тӀемахой цо царна духьала къахьегарах[5][6].

2004-ча шера аьтинга бетта 21-ча дийнахьа Наьсаре МВД объекташта тӀалеталга хоам бена хиннаб, ше вахача Экажакъонгий-Юртара а ваьнна Наьсаре ӀотӀаваха хиннав из. Юртара аравоалаш Бакинка тӀа лаьттача посте цун бронированни «Волга» машен соцаяь хиннай. Фу хиннад-мала хиннад хьажа чубаьгӀараш арабаьлча, милисхой барзкъа тӀадийха лаьттача тӀемахоша герз ӀотӀа а дийтта боабаьб уж. Дийна министра цхьа ларбо мара виса хиннавац, автомат йийттача хана пӀелгаш дӀа а дахийта цӀево корта цӀеша биза хиннаб цун, цудухьа из ишта а веннав мотташ вокхарна мо кертах пхо чутехабац цунна[7].

Цкъарчоа Къоасто МВД гӀишлонех цхьанахь вийннав яхаш хиннад хабар, цхьабакъда из бакъ ца хилар тӀехьагӀа гучадаьккхад[8].

Министра машенал хьалхагӀа иззамо хьал а долаш кхы а ши машен герз дийтта вӀашагӀъяьккха хиннай, царех цхьанне чу федеральни пошта гӀулакха хьаким хиннав, вокхача чу Наьсарен пхьен прокуратуран берригаш хӀана бац аллал хьакимаш баьгӀаб[9].

Наха хьаяхачох цу посте лаьттара 50—60 саг хиннав веррига дика герз а долаш. Боабаьчар герзи каьхаташи тӀемахоша шоашца дӀадехьа хиннад. Дукха ха ялалехь шин юртахочо къоасточун машен яйза а яйза цун тайпан нах ӀотӀабоалабаь хиннаб гӀо дергдолаш.

Шинна а оагӀонна йоккха йов хиннай цу латаре. Абубакарца цхьана цун даь-веший воӀи веший воӀи вийннав, вешийна човнаш яьй[10].

Цу дийнахьа веррига МВД-и Ӏаьдала белхеи 100 болхло веннав[11].

Къоастой Абубакар ший юрта дӀавеллав.

2004-ча шера оагӀой бетта 29-ча дийнахьа Эрсечен Президента амарца венначул тӀехьагӀа Россе Федерацен Турпала цӀи еннай[12].

Гаргара нах

  • Фусам-нана — Ӏабдул-Мажита Фиолета[13], пхи бер да[14].
  • Абубакара даь-веший воӀи веший-воӀи цунца цхьан дийнахь байннаб. Нанас ваьча вешийна чӀоагӀа чов яь хиннай.

СовгӀаташ

  • «Дошо Седкъа» яха майдилг (2004-ча шера оагӀой бетта 29-гӀа ди).
  • Ведомствера майдилгаш.

Дагалоацам

  • Абубакара цӀерагӀа Экажакъонгий-Юртара № 1 ишкол я[15]; дагалоацама улг иштта Аштархерча суворовций тӀема училище а хьалтехад, из хиннай Абубакара яьккхар[16].

Белгалдаккхар

  1. ↑ Погибший и.о. министра внутренних дел Ингушетии Абукар Костоев 2 года служил оперуполномоченным в Красноярском крае. Интернет-газета Newslab.ru (29.06.2004). Хоам хьаийца таьрахь: 29.10.2025. Архиваци яьй 3.02.2015.
  2. ↑ Указ Президента РИ от 28.10.1997 N 258 «О первом заместителе министра внутренних дел Республики Ингушетии — Начальнике криминальной милиции Республики Ингушетии». Деловой портал «Южный Федеральный Округ России». Хоам хьаийца таьрахь: 29.10.2025. Архиваци яьй оригинала тӀара 1.01.2018.
  3. ↑ Начальником криминальной милиции Ингушетии назначен Абубакар Костоев. Regnum (19.09.2003). Хоам хьаийца таьрахь: 29.10.2025. Архиваци яьй 1.01.2018.
  4. ↑ И.о. министра внутренних дел Ингушетии опровергает факты арестов беженцев из Чечни. Regnum (17.10.2003). Хоам хьаийца таьрахь: 1.01.2018. Архиваци яьй 3.02.2015.
  5. ↑ Машину Костоева отбросило взрывом на десятки метров // Видео НТВ. Хоам хьаийца таьрахь: 3.10.2025.
  6. ↑ Ваха Чапанов, Алексей Надеждин, Беслан Цечоев, Надежда Кеворкова, Владимир Тихомиров. Взрывные перестановки. Коммерсантъ (24.08.2009). Хоам хьаийца таьрахь: 1.01.2018. Архиваци яьй 3.02.2015.
  7. ↑ Андрей Шаров. Министр попал в засаду. Российская газета (23.06.2004). Хоам хьаийца таьрахь: 29.10.2025. Архиваци яьй 3.02.2015.
  8. ↑ Погиб и.о.главы МВД Ингушетии Абукар Костоев. РИА Новости (22.06.2004). Хоам хьаийца таьрахь: 29.10.2025. Архиваци яьй 1.01.2018.
  9. ↑ Наталья Козлова, Андрей Шаров. Скорбный список. Российская газета (23.06.2004). Хоам хьаийца таьрахь: 29.10.2025. Архиваци яьй 1.01.2018.
  10. ↑ Министр попал в засаду - Российская газета, Российская газета (23 аьтинга 2004). Техкад укх дийнахьа: 29.10.2025.
  11. ↑ В Ингушетии задержаны 10 подозреваемых в нападении на республику, трое уже признались (СПИСКИ погибших). NEWSru.com (24.06.2004). Хоам хьаийца таьрахь: 29.10.2025. Архиваци яьй 10.08.2004.
  12. ↑ Хусейн Таргимов. В Ингушетии вспоминают Героя России Абукара Костоева, погибшего при исполнении служебного долга. Интернет-газета «Ингушетия» (23.08.2016). Хоам хьаийца таьрахь: 29.10.2025. Архиваци яьй 1.01.2018.
  13. ↑ В столице Ингушетии открыт памятник погибшим сотрудникам силовых структур. БезФормата.Ru - Новости Магаса и Ингушетии (15.12.2011). Хоам хьаийца таьрахь: 29.10.2025. Архиваци яьй 1.01.2018.
  14. ↑ Тимофей Борисов. Погибшие в Ингушетии милиционеры. Российская газета (23.06.2004). Хоам хьаийца таьрахь: 29.10.2025. Архиваци яьй 1.01.2018.
  15. ↑ В Экажевской школе № 1 открыт музей памяти Героя России Абубакара Султановича Костоева. БезФормата.Ru - Новости Назрани и Ингушетии (12.02.2015). Хоам хьаийца таьрахь: 29.10.2025. Архиваци яьй 1.01.2018.
  16. ↑ В Астрахани открыта мемориальная доска Герою России Абубакару Костоеву. Астрахань.Ру (7.09.2016). Хоам хьаийца таьрахь: 29.10.2025. Архиваци яьй 1.01.2018.

Литература

  • Муса Гешаев. Знаменитые ингуши. — Турин: STIG, 2006. — Т. 2. — 620 с. — 2000 экз.

ТӀатовжамаш

Хьаст — «https://inh.ruwiki.ru/w/index.php?title=Къоастой_Султана_Абубакар&oldid=126538861»