Къоастой Хьасана Абубакар
| Къоастой Хьасана Абубакар | ||
|---|---|---|
.jpg) | ||
| Ваь таьрахь | 30 кӀимарса 1967 (58 шу) | |
| Ваь моттиг | ||
| БӀорахол |
 СССР Россе Федераци |
|
| БӀун тайпа | Эрсечен Чурча гӀулакхий министерство | |
| Звани |
 майор МВД РФ |
|
| СовгӀаташи премеши |
|
|
 РУВИКИ.Медиа чура файлаш | ||
Къоастой Хьасана Абубакар (эрс: Костоев Абубакар Хасанович; 30 кӀимарса 1967, Сипсой-Гала), Нохч-ГӀалгӀай АССР) — Эрсечен Чурча гӀулакхий министерствон болхло, полисхой майор, Россе Федераце Турпал. Из совгӀат цунна деннад 2004-ча шера. ОагӀой бетта 29-ча дийнахьа (венначул тӀехьагӀа)[1][2].
Биографи
Къоастой Абубакар ваьв 1967-ча шера кӀимарса бетта 30-ча дийнахьа Нохч-ГӀалгӀай АССР Буро тӀа. Цо дийша йистеяьккхай Ярославла областера отраслевой технологе Ростовера колледж, иштта Петербургера Эрсечен МВД университет[3].
Чурча гӀулакхех йолча маьженашка болх баьб 1993-ча шера маьтсела бетта 5-ча дийнахьа денз. 2011-ча шера лайчилла бетта 17-ча дийнахьа денз Шолжа шахьарерча ОМВД, ПДНОУУП полисхой воккхагӀвола участкови хиннав. Из тӀахьожаш хинна административни да́къа ГӀажарий-Юрт хиннай.
ГӀалгӀай мехка Шолжа шахьаре эггара дукхагӀа нах гуллу моттиг эккхийта баьхка зуламхой лаца гӀерташ ГӀажарий-Юрта машенаца тӀехьахаьхка хиннай. ТӀемахоша машен хьалъэккхийтарах виъэ болхло чӀоагӀа човнаш еш лозаваьв. Цу хатарах веннав цхьа вахархо. Къоастой майор лозаваьв[4].
2014-ча шера ардара бетта 14-ча дийнахьа Россе Федераце президента даь́ча амарца полисхой майор волча Къоастой Хьасана Абубакара Россе Федераце Турпала цӀи еннай. 2014-ча шера оагӀой бетта 22-ча дийнахьа Дошо седкъа беннаб Путин Владимира[5].
2015-ча шера маьтсела бетта подполковника цӀи еннай цунна, кӀимарса бетта из чурца гӀулакха йолча маьженашкара балхара дӀаваьннав[4].
Цунцарча лерхӀама цун цӀи массаза гучча хургйолаш белгалъяьккхай Наьсарерча Дагалоаттама мемориала тӀеи, иштта Невинномысскерча Даьхен турпалий урама тӀеи.
СовгӀаташ
Белгалдаккхар
- ↑ Депутаты Народного Собрания РИ, члены парламентской фракции «Единая Россия» посетили Героя Российской Федерации Абубакара Костоева. parlamentri.ru. Хоам хьаийца таьрахь: 9.10.2025.
- ↑ ГӏалгӀай мехка боккхача безамца белгалду Даьхен турпалхой Ди (гӀал.). serdalo.ru. Хоам хьаийца таьрахь: 9.10.2025.
- ↑ Наш выпускник – герой России ! Ростовский колледж отраслевых технологий (8.11.2017). Хоам хьаийца таьрахь: 9.10.2025. Архиваци яьй 9.10.2025.
- ↑ 1 2 Костоев Абубакар Хасанович. Герои страны. Хоам хьаийца таьрахь: 8.10.2025. Архиваци яьй 3.07.2019.
- ↑ Путин: У нас артисты — как настоящие трактористы // ИА REGNUM. Хоам хьаийца таьрахь: 9.10.2025. Архиваци яьй 22.12.2014.
- ↑ Награждённые государственными наградами Российской Федерации // Президент России. Хоам хьаийца таьрахь: 9.10.2025. Архиваци яьй 22.12.2014.
ТӀатовжамаш
- Владимир Путин вручил «Золотую Звезду» майору полиции Ингушетии // Аргументы и Факты
- Глава Ингушетии поздравил майора полиции Абубакара Костоева с присвоением звания Героя Российской Федерации // Официальный сайт Республики Ингушетии
- Вручение государственных наград (22 декабря 2014 года) // Президент России
Литература
- Муса Гешаев. Знаменитые ингуши. — Турин: STIG, 2006. — Т. 2. — 620 с. — 2000 экз.