Лаьнанаькъан Исраила Залина
| Лаьнанаькъан Исраила Залина | |
|---|---|
| эрс: Льянова Залина Исраиловна | |
 | |
|
| |
 ГӀалгӀай Мехка товшхалеи архива гӀулакхеи министр
|
|
| Президент | Келаматанаькъан Макшарипа Махьмуд-Ӏаьла |
|
|
|
| Ваьв |
11 кӀимарса 1971 (55 шу) Буро Нохч-ГӀалгӀай АССР, СССР |
| Дешар | ГӀалгӀай паччахьалкхен университет, А. М. Горький цӀерагӀа йола Урала паччахьалкхен университет |
| Леладу гӀулакх | политик, филолог, психолог |
| БӀорахо хилар |
 СССР →  Россе Федераци |
Лаьнанаькъан Исраила Залина (эрс: Льянова Залина Исраиловна 11 кӀимарса 1971, Буро) — филолог, психолог, ГӀалгӀай Мехкарча Региональни исполкома агитаце отдела кулгалхо, ГӀалгӀай Мехка товшхалеи архива гӀулакхеи министр, Европай Совете региональни доалчений Конгресса Эрсечен делегаце доакъашхо, «ЦаӀ йола Эрсече» яхача парте Магасерча отделене секретарь, «зӀамигача Даьхен товшхал» яхача парте проекта региональни координатор.
Биографи
Лаьнанаькъан Исраьила Залина яьй 1971-ча шера кӀимарса бетта 11-ча дийнахьа Буро тӀа.
Дешар
Лакхера дешар дийша, цун массехк диплом да, караерзаяьча говзалашта юкъе я «Филолог», «Психолог» яха говзалаш. 2005-ча шера цо дийша йистеяьккхай ГӀалгӀай паччахьалкхен университет. 2008-ча шера дийша йистеяьккхай А. М. Горький цӀерагӀа йола Урала паччахьалкхен университет[1].
Болх
Цо кулгалдаьд дукхача коммерчески организацешта. 2000-ча шера из балха эттай эрсий меттеи литературани хьехархочулла ГӀалгӀай паччахьалкхен университета филологически факультете. 2015-ча шера денз Залинас болабаьб политикаца бувзабенна болх «Единая Россия» яхача парте, цу чу эггара хьалха цо болх баьб ГӀалгӀай Мехкарча Региональни исполкома агитаце отдела кулгалхо йолаш. Цу шера из хержай Магаса пхьен депутатий Совета тхьамадалла. ГӀалгӀай Мехка товшхалеи архива гӀулакхеи министр хиллалцца цо цу дарже болх баьб.
Лаьнанаькъан Залина я Европай Совете региональни доалчений Конгресса Эрсечен делегаце доакъашхо, «ЦаӀ йола Эрсече» яхача парте Магасерча отделене секретарь, «ЗӀамигача Даьхен товшхал» яхача парте проекта региональни координатор.
Товшхала министр
2022-ча шера денз из ГӀалгӀай мехка товшхалеи архива гӀулакхеи министра дарже я[2]. Цу дарже из йолча юкъа кхоачашдаьд тай-тайпара лоархӀаме товшхала декхараши, проекташи. 2022—2025 шерашка кхоачаш еш латтача проекташта юкъе я «Пушкинская карта», "Къаман проект «Культура». «Культура» яха проект Ӏалашъеш дукха низ дӀатӀабахаб, цу проекте гӀолла аьттув баьннаб исбахьален оагӀонаш гаргагӀа йовза а, наьха искусствоцара гаргало чӀоагӀъе а. «Пушкинская карта» яхача проекте дакъа лоацаш 16 эзар дешархо ва. ГӀалгӀай Республика хьаяь 30 шу дузаш, дукха вӀашагӀкхетараш дӀадихьад ГӀалгӀай Мехка: «Дошо гӀала» («Золотая башня») яха халкъашта юкъера кинофестиваль, Шолжа-Пхье Гала-концерт, иштта дукха Ӏилман балхаши исбахьален кинижкаши арахийцад ГӀалгӀай Республика 30 шу дизара хетадаь. Царца цхьана дукха проекташ яьй Эрсечен товшхала тӀехьлен шу аьнна кхайкадаьча шера́ хетаяь[3].
Дезал
Маьре я, ши дезалхо ва
Сийлен совгӀаташ
• Орден «КарагӀдаьннарех»
• «ГӀалгӀай мехка 30 шу дузаш» енна майдилг товшхала доазон тӀа карагӀдаьннарех
Белгалдаккхар
- ↑ Льянова Залина Исраиловна. https://vyboroteka.org/ (8.09.2019). Хоам хьаийца таьрахь: 9.09.2025.
- ↑ Пресс-служба Главы и Правительства РИ. В Ингушетии назначен новый министр культуры. https://pravitelstvori.ru/ (3.02.2022). Хоам хьаийца таьрахь: 9.09.2025.
- ↑ Пресс-служба Главы и Правительства РИ. Ряд объектов культуры обновили и построили в Ингушетии в 2023 году. https://ingushetia.ru/ (5.01.2024). Хоам хьаийца таьрахь: 9.09.2025.