Лаьнанаькъан Мухарбика Ратмир
| Лаьнанаькъан Мухарбика Ратмир | |
|---|---|
| эрс: Льянов Ратмир Мухарбекович | |
 | |
| Ваь таьрахь | 1951 |
| Ваь моттиг | |
| Кхелха таьрахь | 4 лайчилла 2023 |
| Кхелха моттиг | |
| Паччахьалкхе | |
| Леладу гӀулакх | режиссёр-документалист |
Лаьнанаькъан Мухарбика Ратмир (эрс: Льянов Ратмир Мухарбекович; 1951, Кокшетау[d], Кокчетава область[d] — 4 лайчилла 2023, ГӀалгӀайче) — Россеи ГӀалгӀайчени телережиссёр-документалист, Нохч-ГӀалгӀай АССРа исбахьален дукха дика хӀамаш карагӀдийна исбахьалений болхло, «Полиграф» студе генеральни директор[1].
Биографи
Ратмир ваьв 1951-ча шера Казахехьа Кокчетава областе.
Дешар
Эрсий мотт тӀатеӀӀа Ӏомабаь из деша эттав хоамбоаржабара факультете «Радио — Телевидене» отделене. Цул тӀехьагӀа из Кавказе ваха хьалвенав Казахехьара ваьнна. Цига цо яьккхай Шолжа-ГӀалий тӀа Нохч-ГӀалгӀай паччахьалкхен университета эрсий филологе факультет. ДӀахо яьхай режиссёреи, сценарно-киноведческии курсаши, документальни кино даккха режиссёраш Ӏомабеш йола курсаши.
Болх
Цо болх баьб Шолжа-ГӀалий тӀа а цул тӀехьагӀа гӀалгӀай телевидене а радио а, тӀехьагӀо из хьожаваьв ГӀалгӀайчен зарбанчеи хоамийи министра дарже. Ратмир къахьегаш хиннав Юкъарча телевиденеи Ерригсоюза радиои, иштта — РТР. Цо болх баьб «Евразия» яхача Россе-Американ хоамий агентствон Кавказерча бюрон генеральни кулгалхо волаш, иштта къахьийгад Россе Федераце зарбани хоамийи министра гӀонча волаш. 2012-ча шера денз из хиннав «Мехк-Кхела» доакъашхо[2]. Киносурташ кхолларал совгӀа цо лустамаш яздаьд (царех ца1 ба «Ӏоажал хьатӀакхоачача хана сомаваккхалаш со» («Разбудите меня перед смертью…») яха лустам, цох 2015-ча шера цунна совгӀат деннад ерригроссе бусулба конкурсе[3]).Ратмира «Белый верх, чёрный низ» яха кинижка яздаьд. Наьсаре «Полиграф» яха студи хьа а йийла, цо дӀахо ший болх дӀабихьаб. ТӀеххьара цо даьхача киносуртех хиннад Эрсечен хьалхарча турпала́, тӀема лётчика, инарал-майора Осканаькъан Сулумбика хетадаь кино.
Лаьнанаькъан Ратмир кхелхав 73 шу дузаш, ГӀалгӀай Мехка 2023-ча шера лайчилла бетта 4-ча дийнахьа[4].
СовгӀаташ
1988-ча шера Лаьнанаькъан Ратмира даьккха «Кто шагает левой» яха кино белгалдаьккхад Эрсече хьалхарча документальни кинон фестивале. Цун цӀихезача балхаех ба «Ламаз» яха киноболх, из хьекхай Ӏарбий Эмираташка 1992-ча шера, цига цу балхах цунна деннад коталон совгӀат. Из ва Нохч-ГӀалгӀай АССР дукха дика хӀамаш карагӀдаьнна исбахьален болхло, Ленина комсомола преме лауреат. 2006-ча шера цунна деннад ГӀалгӀай Мехка паччахьалкхен лакха совгӀат — «КаарагӀдаьннарех» яха орден.
Фильмографе доакъош
- «Предприятие Шамиль»
- «Салам Ӏалейкум, гӀалгӀай» («Салам алейкум, ингуши»). 1993-ча шера из кино даккхарах «Дошо сармак» беннаб цунна Кракове[5]
- Осканаькъан Суламбиках даьккха кино (2016-ча шера даьккхад)[6].
Белгалдаккхар
- ↑ Режиссёр из Ингушетии Ратмир Льянов снимает фильм о командире Армянской дивизии - герое обороны Малгобека. Miacum.am. Хоам хьаийца таьрахь: 18.08.2016. Архиваци яьй оригинала тӀара 2.07.2016.
- ↑ Пресс-релиз: Ратмир Льянов вошел в состав ВС РОД «МЕХК-КХЕЛ». Хоам хьаийца таьрахь: 29.09.2025. Архиваци яьй 18.09.2016.
- ↑ В Москве подвели итоги конкурса журналистов, посвященного Пророку Мухаммаду (с.а.в.). Хоам хьаийца таьрахь: 29.09.2025. Архиваци яьй 20.09.2016.
- ↑ Алена Ларина. В Ингушетии простились с режиссером-документалистом Ратмиром Льяновым. Интернет-портал «Российской газеты» (7.11.2023). Хоам хьаийца таьрахь: 29.09.2025.
- ↑ Ратмир Льянов снимает фильм о героях Малгобека - ИА REGNUM. Хоам хьаийца таьрахь: 29.09.2025. Архиваци яьй 14.05.2016.
- ↑ Режиссер Ратмир Льянов рассказал о съемках фильма, посвященного первому Герою России Суламбеку Осканову. https://magas.bezformata.com/ (14.07.2016). Хоам хьаийца таьрахь: 29.09.2025.