Магаса тхьамагӀа
| Магаса тхьамагӀа | |
|---|---|
.png) | |
| Оатхалаш | |
| ДӀачӀоагӀдаьд | 2008-ча шера ардара бетта 11-ча дийнахьа |
| Авторий коллектив | |
| Герба зӀил | Магаса пхье администраци |
Магаса тхьамагӀа (эрс: Герб Магаса) — ГӀалгӀай Мехка юкъ йолча Магаса Пхьен керттера бехкама белгало (фискал) я. Из тӀаийцай 2008-ча шера ардара бетта 11-ча дийнахьа.
Белгало фаьренгий турса кепе я. Юкъера цӀе беса я, цу бесо хьахокх денали, гӀозали, коталои, кацаагари, кхоаненга сатувсари. Турсо хьахокх тӀема сийле, лорадар, хьинар. Турса тӀа лакхегӀа биллаб дошо малх. Магас маьлха пхье аьнна цӀи йоаккхаш хилар бахьан долаш, керттера белгало я малх — машара белгало. Малхо хьахьокх керда вахара низ, Магас лораеш, хьаденача сийдолча къаман вахарера бакъдар, цӀендар. Малх цӀакккха чубожац, чукехатац, из массаза ле́п, цунца нийсду къаман денал а.
Турса тӀа юккъе йиллай дошо бесса ткъамаш доаржадаь аьрзи. Аьрзе хьахьокх низи, доали, сийи, камоаршали, лакхале яккха гӀертари. Цо хьахокха маӀан да хӀама эргадалар, юхадийнадалар, иштта цо белгалдоаккх шийца ширача хана Къулбаседа Кавказе йоккха пхье хинна Магас юхаметтаоттар. Дошо бесса даьд из цун хьали, доали, сина лакхали, низи, цӀенали бахьан долаш.
Аьрзе наькха тӀа латт цӀе бесса хьаракгӀалгӀай турс, цу тӀа сахьата гӀоролга оагӀонна духьал дада кхо хьайза гон дакъа дола гӀалгӀай хьарак латт. Гон доакъош аьрда оагӀарахьа даде, из маӀача наьха хьарак лоархӀ, цун белгало я кхыча мехкара оалхазараш цӀадахкар. Иштта цо хьахьокх маьлха кхо оагӀув: хьалкхетари, ийжеи, чубизареи. Иштта цун белгалонаш хила мег тешам, хьехам, эздел, хьахьокхаш хила тарлу кхо ха а — йола хаи, хургйола хаи, яха хаи, дунен хоалам мо[1].
Белгалдаккхар
- ↑ Указ Президента Республики Ингушетия от 11.10.2008 № 380 «О Гербе г. Магас — столицы Республики Ингушетия».
ТӀатовжамаш
- Интернет-портал «Геральдика». Герб города Магас. Хоам хьаийца таьрахь: 25.03.2024.